‘ఆ సినిమా రీమేక్ చేస్తే.. ఉన్న పరువు పోతుంది’.. బెల్లంకొండ బ్రదర్స్‌పై ట్రోల్స్

ప్రముఖ నిర్మాత బెల్లంకొండ సురేశ్ తనయుడిగా తెలుగు తెరకి పరిచయమైన బిగ్గెస్ట్ సక్సెస్‌ని అందుకోలేకపోతున్నాడు. స్టార్ హీరోయిన్లు, టాప్ డైరక్టర్లు, భారీ బడ్జెట్‌తో సినిమా చేసినా.. ఈ హీరో ఖాతాలో ఒక్క సూపర్ హిట్ కూడా లేదు. లేటెస్ట్‌గా ‘అల్లుడు అదుర్స్’ అంటూ శ్రీనివాస్ ప్రేక్షకుల ముందుకు వచ్చాడు. కానీ, ఈ సినిమా డిజాస్టర్‌గా నిలిచింది. ఎలాగైనా టాలీవుడ్‌లో బ్లాక్‌బస్టర్ హిట్ కొట్టాలని అతను పట్టుదలతో ఉన్నాడు. దీంతో లేటెస్ట్ తమిళ సూపర్ హిట్ చిత్రం ‘’ తెలుగు రీమేక్‌లో అతను నటించేందుకు సిద్ధమైనట్లు వార్తలు వస్తున్నాయి. ప్రస్తుతం బెల్లంకొండ శ్రీనివాస్ బాలీవుడ్ ఎంట్రీ కోసం రెడీ అవుతున్నాడు. రాజమౌళి, ప్రభాస్ కాంబినేషన్‌లో తెరకెక్కిన సూపర్‌హిట్ చిత్రం ‘ఛత్రపతి’ హిందీ రీమేక్‌లో అతను నటిస్తున్నాడు. వివి వినాయక్ దర్శకత్వం వహిస్తున్న ఈ సినిమాలో అనన్య పాండే హీరోయిన్‌గా నటిస్తుందని టాక్. బాలీవుడ్ ఆడియన్స్ టేస్ట్‌కి తగ్గట్టు సినిమా స్క్రిప్ట్‌లో కొన్ని మార్పులు చేసి రూపొందిస్తున్నారట. ఈ సినిమా ద్వారా బెల్లంకొండ శ్రీనివాస్ బాలీవుడ్‌లో హిట్ అందుకోవడం ఖాయమని సన్నిహితులు అంటున్నారు. అయితే తెలుగులోనే అతనికి ఇప్పటివరకూ సరైన హిట్ అందలేదు. మరోవైపు తన రెండో కుమారుడు గణేశ్‌ని కూడా హీరోగా పరిచయం చేయాలని బెల్లంకొండ సురేశ్ ప్రయత్నాలు చేస్తున్నారు. ఈ క్రమంలోనే ఆయన ‘కర్ణన్’ సినిమా హక్కులు కొన్నారట. ధనుష్ హీరోగా తెరకెక్కిన ‘కర్ణన్’ సినిమా అక్కడ బ్లాక్‌బస్టర్ హిట్‌గా నిలిచింది. ఈ సినిమాలో ధనుష్ ఓ వెనుకబడిన జాతికి నాయకుడిగా నటించాడు. అయితే ఇప్పుడు బెల్లంకొండ హీరోల్లో ఏ హీరోతో ఈ సినిమా రీమేక్‌ని తెలుగు చేస్తారా.. అనే చర్చ జరుగుతోంది. శ్రీనివాస్ ఛత్రపతి రీమేక్‌లో బిజీగా ఉన్నాడు కాబట్టి.. రెండో కుమారుడితో కర్ణన్ రీమేక్ చేస్తారనే టాక్‌ వినిపిస్తోంది. అదే జరిగితే కచ్చితంగా ఫలితం తేడా కొడుతుందని నెటిజన్లు అంటున్నారు. అసలు అలాంటి స్క్రిప్ట్‌ని రీమేక్ చేయాలనుకోవడమే తప్పు.. అలాంటిది శ్రీనివాస్ కానీ, అతను తమ్ముడు కానీ అందులో నటిస్తే.. ఉన్న పరువు కూడా పోతుందని నెటిజన్లు ట్రోల్స్ చేస్తున్నారు.