Nithiin: 'చెక్' సినిమాపై ఎన్టీఆర్ కామెంట్స్.. నేరుగా ఆ మాట చెప్పేస్తూ బూస్ట్ ఇచ్చిన యంగ్ టైగర్
విభిన్న కథా చిత్రాలకు కేరాఫ్ అడ్రస్ అన్నట్లుగా వైవిద్యభరితమైన కథలతో ప్రేక్షకుల ముందుకొస్తున్నారు డైరెక్టర్ చంద్రశేఖర్ యేలేటి. డిఫరెంట్ ఆలోచనలతో కథ రాసుకొని ప్రేక్షకుల చేత భేష్ అనిపించుకుంటున్న ఆయన ఫిబ్రవరి 26 అనగా రేపు '' అనే ఆసక్తికర కథాంశంతో మనముందుకొస్తున్నారు. హీరోగా.. ఉరిశిక్ష పడ్డ ఓ ఖైదీ చెస్‌ గేమ్‌ టాలెంట్‌తో తన లక్ష్యాన్ని ఎలా చేరుకోగలిగాడు అనే ఆసక్తికర పాయింట్‌తో ఈ సినిమా రూపొందించారు. కాగా, తాజాగా ఈ మూవీ టీమ్ మొత్తానికి బెస్ట్ విషెస్ చెబుతూ ఆసక్తికర కామెంట్స్ చేశారు. తన ట్విట్టర్ ఖాతాలో 'చెక్' మూవీ పోస్టర్‌ షేర్ చేసిన ఎన్టీఆర్.. ''డైరెక్టర్ చంద్రశేఖర్ యేలేటికి నేనెప్పుడూ అభిమానినే. ఆయన రాసుకునే కథ, వెండితెరపై స్టోరీని చూపించే విధానం నాకు చాలా ఇష్టం. 'చెక్' మూవీ చాలా ఆసక్తికరంగా ఉంది. రేపు సినిమా విడుదల అవుతున్న సందర్భంగా హీరో నితిన్‌తో పాటు చిత్ర యూనిట్ మొత్తానికి నా శుభాకాంక్షలు'' అని తెలిపారు ఎన్టీఆర్. ఈ ట్వీట్ చూసిన నితిన్ వెంటనే స్పందిస్తూ తారక్‌కి ప్రత్యేక ధన్యవాదాలు తెలిపారు. విడుదలకు ముందు తారక్ చేసిన ఈ ట్వీట్ 'చెక్' సినిమాకు మంచి బూస్టింగ్ ఇస్తుందని చెప్పుకోవచ్చు. భవ్య క్రియేషన్స్‌ పతాకంపై నిర్మాత వి.ఆనందప్రసాద్ ఎంతో ప్రతిష్టాత్మకంగా ఈ చిత్రాన్ని నిర్మించారు. చిత్రంలో నితిన్ సరసన రకుల్ ప్రీత్ సింగ్, ప్రియా ప్రకాష్ వారియర్ హీరోయిన్లుగా నటించగా.. కళ్యాణి మాలిక్ సంగీతం అందించారు. ఇప్పటికే విడుదలైన ఈ సినిమా టీజర్, ట్రైలర్ సినిమాపై భారీ హైప్ క్రియేట్ చేశాయి. మరోవైపు నితిన్ ఫ్యాన్స్ ఈ మూవీపై భారీ అంచనాలు పెట్టుకున్నారు.
Comments
Post a Comment