RRR: డియర్ జెన్నిఫర్ అంటూ హాలీవుడ్ బ్యూటీపై ఎన్టీఆర్ స్వీట్ కామెంట్.. అమ్మడి క్యూట్ లుక్ అదుర్స్

యంగ్ టైగర్ ఎన్టీఆర్, మెగా పవర్ స్టార్ హీరోలుగా దర్శక ధీరుడు రాజమౌళి దర్శకత్వంలో రూపొందుతున్న భారీ సినిమా . బడా నిర్మాత డీవీవీ దానయ్య సమర్పణలో ఎంతో ప్రతిష్టాత్మకంగా రూపొందుతున్న ఈ సినిమాలో సరసన హాలీవుడ్ బ్యూటీ ఒలీవియా మోరిస్, రామ్ చరణ్ సరసన బాలీవుడ్ హీరోయిన్ ఆలియా భట్ నటిస్తున్నారు. ఈ నేపథ్యంలో నేడు (జనవరి 29) ఒలీవియా పుట్టినరోజు సందర్భంగా ఆమె క్యూట్ లుక్ షేర్ చేస్తూ స్వీట్ కామెంట్స్ చేశారు ఎన్టీఆర్. హ్యాపీ బర్త్ డే డియర్ 'జెన్నిఫర్' అంటూ RRR మూవీలో ఒలీవియా మోరిస్ పాత్ర పేరును పరిచయం చేశారు ఎన్టీఆర్. ఈ మేరకు ఆయన షేర్ చేసిన ఒలీవియా క్యూట్ లుక్ నెటిజన్లను ఫిదా చేసింది. ఈ లుక్ చూసిన వెంటనే సూపర్ అని పేర్కొంటూ వెండితెరపై ఒలీవియా- ఎన్టీఆర్ జోడీని చూడాలని కుతూహలంగా ఉందంటూ కామెంట్స్ చేస్తున్నారు నెటిజన్లు. RRR మూవీలో రామ్ చరణ్, ఎన్టీఆర్ ఇద్దరికీ సరిసమానమైన ప్రియార్టీ ఇస్తూ పాత్రలను రూపొందించారు జక్కన్న. చిత్రంలో అల్లూరి సీతారామరాజుగా రామ్ చరణ్, కొమురం భీం పాత్రలో ఎన్టీఆర్ నటిస్తున్నారు. ఇప్పటికే 80 శాతం పైగా చిత్రీకరణ పూర్తయింది. కాగా తాజాగా ఈ చిత్రంలో ఎన్టీఆర్ ప్రేయసి (ఒలీవియా) పేరు జెన్నిఫర్ అని తెలపడం నందమూరి అభిమానులను హుషారెత్తించింది. 'రౌద్రం రణం రుధిరం' అనే పవర్‌ఫుల్ టైటిల్ పెట్టిన రాజమౌళి ఇప్పటికే రామ్ చరణ్ 'భీమ్ ఫర్ రామరాజు' వీడియో, ఎన్టీఆర్ 'రామరాజు ఫర్ భీమ్' వీడియోలు రిలీజ్ చేసి సినిమాపై ఉన్న అంచనాలను అమాంతం పెంచేశారు. నిజానికి ఈ ఏడాది జనవరి నెలలోనే ఈ మూవీ రిలీజ్ ఉంటుందని అంతా భావించారు కానీ, కరోనా కారణంగా చిత్ర షూటింగ్‌కి బ్రేక్ రావడంతో విడుదల వాయిదా వేశారు మేకర్స్. ఇటీవలే చిత్రాన్ని అక్టోబర్ 13న ప్రపంచవ్యాప్తంగా ప్రేక్షకుల ముందుకు తీసుకురాబోతున్నామని అఫీషియల్‌గా ప్రకటించారు రాజమౌళి.