Prabhas Marriage: నాయాల్దీ.. కత్తి అందుకో జానకీ!! వీడెవడో ప్రభాస్ పెళ్లెప్పుడు అంటున్నాడు.. కృష్ణంరాజు 80+
అవును మరి.. సీనియర్ రెబల్ స్టార్ ఎక్కడ కనిపించినా.. ఎలా ఉన్నారు సార్ అని అడిగేవారికంటే.. మీ అబ్బాయి ప్రభాస్ పెళ్లి ఎప్పుడు.. పప్పన్నం పెడుతున్నారా? లేదా? అని అడిగేవాళ్లే ఎక్కువ. ఈ పెదనాన్న కూడా అప్పుడు పెడతాం.. ఇప్పుడు పెడతాం అని చెబుతూనే ఉన్నారు కానీ.. ప్రభాస్ దగ్గర పెళ్లి పప్పులు ఉడకడం లేదు. అయినా కృష్ణంరాజుని మాత్రం అబ్బాయి పెళ్లెప్పుడండీ అని ప్రశ్నలు మాత్రం వెంటాడటం మానడం లేదు. ‘నాయాల్దీ.. కత్తి అందుకో జానకీ!! వీడెవడో ప్రభాస్ పెళ్లెప్పుడు అంటున్నాడు..’ అన్నంత కోపం ఉన్నా.. పాపం పెద్దాయన మాత్రం ఈ విషయాన్ని చాలా సాఫ్ట్‌గానే డీల్ చేస్తుంటారు. ఆరడుగుల అందగాడు, మాస్ హీరో కృష్ణంరాజు 80వ పుట్టినరోజు నేడు. ఈ సందర్భంగా ప్రేక్షకుల్ని పలకరించిన ఆయనకు ఎప్పటిలాగే.. మీ అబ్బాయి మోస్ట్ ఎలిజిబుల్ బ్యాచ్‌లర్ ప్రభాస్ పెళ్లెప్పుడు అనే ప్రశ్న ఎదురుకావడంతో ఈ విధంగా రియాక్ట్ అయ్యారు. అంతేకాదు.. తమిళనాడు గవర్నర్‌గా వెళ్లబోతున్నరనే వార్తలపై కూడా క్లారిటీ ఇచ్చారు సీనియర్ రెబల్ స్టార్. నన్ను అడిగి ఆ వార్త రాయలేదు.. ఇది నాకు నచ్చలా!! నేను తమిళ నాడు గవర్నర్‌గా వెళ్లబోతున్నానంటూ ఎవరి ఇష్టం వచ్చినట్టు వాళ్లు రాసుకుంటున్నారు. ఎవరూ నన్ను అడిగిరాయలేదు. అలా రాయమని నేను చెప్పలేదు.. కనీసం రాసేటప్పుడు కూడా నన్ను సంప్రదించలేదు. అన్ని ఛానల్స్‌లోనూ వెబ్ సైట్స్‌లోనూ వచ్చింది. నన్నెవరూ అధికారంగా మిమ్మల్ని గవర్నర్‌గా అనౌన్స్ చేశాం అని చెప్పలేదు. అలాంటి వాటిపై చర్చ అనవసరం. బీజేపీలో చాలా ఏళ్లుగా సీనియర్ నాయకుడిగా ఉన్నందుకు ఆ పదవి ఇవ్వాలని వారి కోరిక.. దాన్ని ఇలా ఎక్స్ ప్రెస్ చేసి ఉంటారు. నాకు ఇలాంటి పద్దతి నచ్చదు. వస్తుందేమో అనొచ్చు కానీ.. గవర్నర్ పదవి వచ్చేసింది అని అనడం.. రాయడం కరెక్ట్ కాదు. అది పొరపాటు. యాక్టివ్ పాలిటిక్స్‌పై రెబల్ స్టార్.. తెలుగు రాష్ట్రాల్లో బీజేపీ వెనుకబడిందన్నది నిజమే కానీ.. దాన్ని పెంచుకుంటూ పోవాలి. ఒకప్పుడు బీజేపీకి రెండే సీట్లు ఉండేవి. ఆ తరువాత అధికారంలోకి వచ్చింది. ఆంధ్రప్రదేశ్‌లో నేను బీజేపీలో చేరేటప్పటికి పార్లమెంట్‌లో ఎంపీ సీటే లేదు. నేను చేరిన తరువాత మొత్తం నలుగురు ఎంపీలు అయ్యారు. ఆ తరువాత 99లో ఏడుగురు ఎంపీలు అయ్యారు. ఇప్పుడు కూడా పెరగొచ్చు. ఖచ్చితంగా పార్టీ పుంజుకుంటుంది. అధికారంలోకి రావొచ్చు. నా సలహాలు నేషనల్ లీడర్స్‌కి ఇస్తా.. ఏపీ పాలిటిక్స్‌లో క్రిష్ణంరాజుని యాక్టివ్‌గా చూడొచ్చా అంటే.. నేను యాక్టివ్ పాలిటిక్స్‌లోనే ఉన్నా.. నా సలహాలు అందిస్తుంటా. నేషనల్ ప్రెసిడెంట్ నడ్డా, అమిత్ షాలకు నా సలహాలు పంపిస్తూ ఉంటా. వాళ్లు కూడా స్పందిస్తూ ఉంటారు. ప్రభాస్ పెళ్లి ఎప్పుడు?? అయినప్పుడే ప్రభాస్ పెళ్లి అవుతుంది.. అందరూ ఎదురుచూసినట్టే నేను కూడా ఎదురు చూస్తున్నా.. అవన్నీ అయినప్పుడు చూద్దాం.. ఆ సమయం వస్తే నేనే చెప్తా’’ అంటూ ప్రభాస్ పెళ్లిపై స్పందించారు రెబల్ స్టార్ కృష్ణంరాజు.
Comments
Post a Comment