Chaavu Kaburu Challaga: వామ్మో అనసూయ!! మూడు నిమిషాల ఐటమ్ సాంగ్కి 20 లక్షలు.. ‘చావు కబురు చల్లగా’!
‘రంగస్థలం’ సినిమాలో రంగమ్మత్తగా ప్రేక్షకుల్ని మైమరపించిన బజర్దస్త్ యాంకర్.. బుల్లితెరపైనే కాదు.. వెండితెరపై కూడా హవా కొనసాగిస్తుంది. చాలా సెలెక్టివ్గా కీలకపాత్రల్లో కనిపిస్తున్న అనసూయ.. అప్పుడప్పుడూ ఐటమ్ సాంగ్స్తో కూడా మెరుస్తోంది. ఆ మధ్య సాయి ధరమ్ తేజ్ ‘విన్నర్’ సినిమాలో సుయ సుయ అనసూయ సాంగ్లో ఐటమ్ భామగా మెరిసిన అనసూయ.. ఎఫ్ 2 చిత్రంలోని డింగు డాంగ్ సాంగ్లో మెరుపులు మెరిపించింది. అయితే తాజాగా కార్తీకేయ హీరోగా తెరకెక్కుతున్న ‘చావు కబురు చల్లగా’ చిత్రంలో మరోసారి ఐటమ్ సాంగ్ చేయబోతుందట అనసూయ. ఇందులో విశేషం ఏముందిలే.. అనసూయకి ఐటమ్ సాంగ్ ఏమీ కొత్త కాదుగా అనుకుంటే పొరపాటే.. ఎందుకంటే మూడు నిమిషాల నిడివి ఉన్న ఈ పాట కోసం ఏకంగా రూ.20 లక్షలు రెమ్యునరేషన్ చెల్లిస్తున్నారట నిర్మాతలు. సినిమాలో ఈ పాట కీలకం కావడంతో మంచి క్రేజ్ ఉన్న జబర్దస్త్ భామ అయితేనే పర్ఫెక్ట్ అని భావించిన చిత్ర నిర్మాత బన్నీ వాసు అనసూయవైపే మొగ్గు చూపిస్తున్నారట. అందుకే రూ.20 లక్షలు భారీ రెమ్యునరేషన్ ఇవ్వడానికి రెడీ అయ్యారట. భారీ హంగులతో చిత్రీకరిస్తున్న ఈ ఐటమ్ సాంగ్కు జానీ మాస్టర్ కొరియోగ్రఫీ అందించడం విశేషం. అయితే విచిత్రం ఏంటంటే.. ఈ సినిమాలో హీరోయిన్గా నటిస్తున్న లావణ్య త్రిపాఠికి రూ. 50-60 లక్షల మధ్య రెమ్యునరేషన్ ఉండగా.. అనసూయ ఒక్క ఐటమ్ సాంగ్.. అది కూడా మూడు నిమిషాలకి రూ. 20 లక్షలంటే తక్కువ కాదు మరి.
Comments
Post a Comment