'కార్పొరేటర్'‌పై కన్నేసిన జబర్ధస్త్ కమెడియన్.. షకలక శంకర్ భలే ప్లాన్ చేశాడే!

ప్రస్తుతం హైదరాబాద్ నగరంలో జీహెచ్ఎంసీ ఎన్నికల హవా కనిపిస్తోంది. ఈ నేపథ్యంలో సిచ్యువేషన్ క్యాచ్ చేస్తూ కొత్త సినిమా ''ని అఫీషియల్‌గా అనౌన్స్ చేశారు మేకర్స్. గత కొన్ని రోజులుగా డిఫరెంట్ సినిమాలతో హంగామా చేస్తున్న జబర్దస్త్ కమెడియన్ ఈ సినిమాలో లీడ్ రోల్ పోషిస్తున్నాడు. కార్పొరేషన్ ఎలక్షన్స్ బ్యాక్‌డ్రాప్‌లో ఈ మూవీ రూపొందుతోంది. ఈ సినిమాతో సంజయ్ పూనూరి దర్శకుడిగా పరిచయం అవుతున్నారు. సమీప మూవీస్-ఎయు అండ్ ఐ స్టూడియోస్ బ్యానర్స్ సంయుక్తంగా ఈ చిత్రాన్ని నిర్మిస్తున్నాయి. ఎ.పద్మనాభరెడ్డి నిర్మాతగా, డాక్టర్ ఎస్.వి.మాధురి సహ నిర్మాతగా వ్యవహరిస్తున్నారు. గత కొంతకాలంగా షూటింగ్ జరుపుకుంటున్న ఈ సినిమా చివరిదశకు చేరుకుంది. కేవలం రెండు పాటలు మినహా షూటింగ్ అంతా పూర్తయింది. Also Read: మొత్తం 5 పాటలు, 4 ఫైట్స్‌తో రెగ్యులర్ ఫార్మట్ లోనే వినోదానికి పెద్ద పీట వేస్తూ తెరకెక్కుతున్న ఈ చిత్రంలో అంతర్లీనంగా ఒక మంచి సందేశం ఉంటుందని అంటున్నారు మేకర్స్. షకలక శంకర్ పర్ఫార్మెన్స్ 'కార్పొరేటర్' చిత్రానికి ప్రధాన ఆకర్షణగా నిలుస్తుందని దర్శకుడు డాక్టర్ సంజయ్ చెబుతున్నారు. ఈ చిత్రంలో శంకర్ సరసన సునీత పాండే, లావణ్య శర్మ, కస్తూరి హీరోయిన్స్‌గా నటిస్తున్నారు. ఎం.ఎల్.పి.రాజా సంగీతం అందిస్తున్నారు. అతిత్వరలో ఈ మూవీ రిలీజ్ డేట్ ప్రకటించనున్నారు.