Singer Noel: బిగ్ షాక్.. బిగ్ బాస్ నుంచి నోయల్ ఔట్.. క్షీణించిన ఆరోగ్యం
ఆర్థరైటిస్ వ్యాధితో తీవ్ర అనారోగ్యానికి లోనైన సింగర్ నోయల్ సేన్.. తప్పని సరి పరిస్థితుల్లో బిగ్ బాస్ హౌస్ నుంచి నిష్క్రమిస్తున్నాడు. కీళ్ల వ్యాధితో బాధపడుతున్న నోయల్.. గత రెండు రోజులుగా తీవ్ర అనారోగ్యానికి లోనయ్యారు. చేతులు పనిచేయడం లేదని.. కాళ్లు సహకరించ నడవలేని స్థితికి వచ్చేశానని.. భుజాలు కూడా పనిచేయడం లేదని బిగ్ బాస్‌కి మొరపెట్టుకున్నాడు నోయల్. బుధవారం నాడు టాస్క్ నుంచి కూడా తప్పుకుని రెస్ట్‌లో ఉన్నారు నోయల్. అయితే నోయల్‌ని పరీక్షించిన వైద్యులు అతని అత్యవసర వైద్యం తప్పనిసరి అని భావించడంతో బిగ్ బాస్ హౌస్ నుంచి బయటకు పంపిస్తున్నారు. దీనికి సంబంధించిన ప్రోమో విడుదల చేయగా.. స్పెషలిస్ట్‌ల సలహా మేరకు.. మెరుగైన వైద్యం చేయాల్సి ఉందని.. ఇందుకోసం బిగ్ బాస్ ఇంటి నుంచి బయటకు రావాల్సి ఉందని అతని ఆరోగ్య పరిస్థితిని వివరించారు బిగ్ బాస్. దీంతో బిగ్ బాస్ హౌస్ నుంచి భారంగా బయటకు వస్తున్నాడు నోయల్. ఇంటి సభ్యులంతా షాక్‌లో ఉండగా.. నడవలేని పరిస్థితిలో బిగ్ బాస్ హౌస్ నుంచి బయటకు వస్తున్నారు నోయల్. అయితే వైద్య పరీక్షలు పూర్తిన తరువాత తిరిగి హౌస్‌కి వెళ్లబోతున్నాడు నోయల్. ఆయన రికవరీని బట్టే తిరిగి బిగ్ బాస్ హౌస్‌కి వెళ్తారా? లేక అటు నుంచి అటు ఇంటికి వెళ్తారా? అన్నది తేలాల్సి ఉంది. కాగా గంగవ్వ కూడా అనారోగ్య కారణాలతో బిగ్ బాస్ హౌస్ నుంచి బయటకు వచ్చేసిన విషయం తెలిసిందే.
Comments
Post a Comment