Samantha: ఇలా జరుగుతుందని అస్సలు ఊహించలేదు.. చాలా భయమేసింది.. ఓపెన్‌ అయిన అక్కినేని కోడలు
టాలీవుడ్ స్టార్ హీరోయిన్, అక్కినేని కోడలు ఎంత యాక్టివ్ అనేది అందరికీ తెలుసిన విషయమే. వెండితెరపై తన చలాకీతనంలో అశేష అభిమాన వర్గాన్ని కూడగట్టుకున్న ఈ బ్యూటీ తొలిసారి బుల్లితెర హోస్ట్ అవతారమెత్తింది. ప్రస్తుతం నాగార్జున అందుబాటులో లేకపోవడంతో ఆయన హోస్ట్ చేస్తున్న బిగ్ బాస్ బాధ్యతలను భుజానికెత్తుకుంది. గత వారం `బిగ్‌బాస్` వీకెండ్ ఎపిసోడ్ హోస్ట్ చేసి అందరి చేత వావ్! అనిపించింది. అయితే తాజాగా ఈ రెస్పాన్స్‌పై తన ఫీలింగ్స్ బయటపెడుతూ సోషల్ మీడియాలో ఓ పోస్ట్ పెట్టింది సామ్. ఇది ఎప్పటికీ గుర్తు పెట్టుకోవాల్సిన విషయం అని అందులో పేర్కొన్న సమంత.. బిగ్‌బాస్ హోస్ట్‌గా వ్యవహరిస్తానని అస్సలు ఊహించలేదని తెలిపింది. కేవలం మా మామగారి వల్లే ఆ కార్యక్రమానికి హోస్ట్‌గా వచ్చానని క్లారిటీ ఇచ్చింది. అయితే ఈ కార్యక్రమాన్ని హోస్ట్ చేసేందుకు మొదట తాను చాలా భయపడ్డానని, ఇంతకుముందు ఏ కార్యక్రమానికీ హోస్ట్‌గా వ్యవహరించలేదు పైగా తెలుగు కూడా అంతగా రాదు కాబట్టి భయమేసిందని పేర్కొంది. అలా ఎన్నో భయాలను అధిగమించి చివరకు మీ ముందుకు రావడం, మీరు ఇంతలా ఆదరించడం ఆనందంగా ఉందని తెలిపింది. Also Read: కాగా ఇంతకుముందు బిగ్‌బాస్‌కు సంబంధించి ఒక్క ఎపిసోడ్ కూడా చూడలేదని ఓపెన్‌గా చెప్పేసింది సమంత. తనపై నమ్మకముంచి పోత్సహించినందుకు ధన్యవాదాలు మామ అంటూ తన పోస్ట్‌లో రాసుకొచ్చింది. దసరా ఎపిసోడ్ తర్వాత తనపై ప్రేమ కురిపించిన ప్రేక్షకులందరికీ ధన్యవాదాలు అని పేర్కొన్న సామ్.. ప్రస్తుతం ఆనందంలో తేలిపోతున్నట్లు చెప్పింది. దీంతో సమంత పెట్టిన ఈ పోస్ట్ నెట్టింట వైరల్ అవుతోంది.
Comments
Post a Comment