Punarnavi Husband: పునర్నవి నిశ్చితార్థం నిజమైతే.. ఏడేళ్లు తరువాత పెళ్లి? ఆ ఇద్దరు పిల్లల సంగతేంటి? ఇందంతా తూచ్!!

బిగ్ బాస్ బ్యూటీ పునర్నవి భూపాలం పెళ్లి కబురు చెప్పింది. ‘మొత్తానికి జరిగిపోయింది’ అంటూ తనకు కాబోయే ఫొటోతో పాటు.. వేలుకు ఉంగరం పెట్టుకుని దర్శనం ఇచ్చింది పునర్నవి భూపాలం. ఎంగేజ్ మెంట్ రింగ్‌తో పెళ్లి కబురు చెప్పి షాక్ ఇచ్చింది పున్నూ పాప. సోషల్ మీడియాలో మంచి ఫాలోయింగ్ ఉన్న పున్నూ పాపకు శుభాకాంక్షలు వెల్లువెత్తుతుండగా.. అసలు పునర్నవికి నిజంగానే పెళ్లి ఫిక్స్ అయ్యిందా?? లేక ఆమె అప్ కమింగ్ ప్రాజెక్ట్స్‌లో భాగమే ఈ ఎంగేజ్ మెంట్ రింగా అన్నది తేలాల్సి ఉంది. ఇదిలా ఉంటే.. బిగ్ బాస్ సీజన్ 3 విజేత రాహుల్ సిప్లిగంజ్‌-పునర్నవిల మధ్య సంథింగ్ సంథింగ్ నడిచిందంటూ అప్పట్లో పుకార్లు షికారు చేశాయి. హౌస్‌లో ఉన్నన్నాళ్లు ఈ ఇద్దరూ రొమాంటిక్ జోడీగా బిగ్ బాస్ ఆటను రక్తికట్టించారు. ఈ సీజన్‌లో అఖిల్-మోనాల్ రేంజ్‌లో కాకపోయినా హగ్‌లు, ముద్దులతో రచ్చ చేశారు. అయితే బిగ్ బాస్ హౌస్ నుంచి బయటకు వచ్చిన తరువాత కొన్నాళ్లు పాటు వీళ్ల ఫ్రెండ్ షిప్ బాగానే నడిచినా ఆ తరువాత ఎవరి పనుల్లో వాళ్లు బిజీ అయ్యారు. అయితే వీరిద్దరూ లవ్‌లో ఉన్నారని పెళ్లి చేసుకోబోతున్నారంటూ పుకార్లు షికారు చేయడంతో అప్పట్లో పునర్నవి స్పందించి తన పెళ్లిపై క్లారిటీ ఇచ్చింది. తన పెళ్లి, కాబోయే వరుడు, పుట్టబోయే బిడ్డలు ఫ్యూచర్ ప్లాన్స్‌పై ఆసక్తికరమైన కామెంట్స్ చేసింది పునర్నవి భూపాలం. ‘నా ప్రైవేట్ లైఫ్‌కి రియల్‌ లైఫ్‌కి ట్రాన్స్‌ఫరెన్సీ ఏర్పడింది. నా లైఫ్‌కి సంబంధించిన ప్రతి విషయాన్ని పబ్లిక్‌తో షేర్ చేసుకోవాలని అనుకోవడం లేదు. అది నాకు ఇష్టం ఉండదు. టెక్నాలజీ యుగంలో నిజమైన ప్రేమను వెతుక్కోవడం అనేది చాలా కాంప్లికేట్. అయితే నిజమైన ప్రేమ దొరకదు అని కాదు కాని.. ఏదో ఒక రోజు దొరుకుతుందిలే అని చూడాల్సిన పరిస్థితి. పెళ్లిపై మాట్లాడుతూ..నేను పెళ్లి చేసుకోవడానికి 6-7 ఏళ్లు పడుతుంది. నా పనితో పాటు నా ఎడ్యుకేషన్ కూడా కంప్లీట్ కావాలి. పెళ్లి కోసం ఓ రోజు రావాలి.. ఈరోజు పెళ్లి చేసుకోవాలి అని అనిపించినప్పుడు అప్పుడే చేసుకుంటా. సిటీకి దూరంగా ఇద్దరు పిల్లలతో సింపుల్‌గా లైఫ్ ఉండాలని కోరుకుంటున్నా.. ఇదంతా జరగడానికి మరో 20 ఏళ్లు పడుతుంది’ అని చెప్పింది పునర్నవి. అంతేకాదు.. తాను పెళ్లి చేసుకోబోయేవాడు ఎలా ఉండాలి? అతనిలో ఎలాంటి క్వాలిటీస్ ఉండాలో కూడా చెప్పుకొచ్చింది పునర్నవి. ‘నేను పెళ్లి చేసుకునే వాడి నన్ను భరించాలి. నాలో చాలా షేడ్స్ ఉన్నాయి.. బిగ్ బాస్‌లో ఉన్నప్పుడు నాలో ఉన్న చాలాషేడ్స్ చూశారు. వాటిని నాకు కాబోయే వాడు భరించగలగి ఉండాలి.. నన్ను ఫీలింగ్స్ అర్థం చేసుకోవాలి. నేను ఇండిపెండెంట్ ఉమెన్‌గా ఉండాలని అనుకుంటున్నా.. పెళ్లైన తరువాత కూడా పనిచేస్తా. సో.. నా పనిని అతను గౌరవించగలగాలి.. నేను చేసే వాటిని యాక్సెప్ట్ చేయగలిగి ఉండాలి. నా విషయంలో చాలా పెద్ద పెద్దవి యాక్సెప్ట్ చేయాల్సి ఉంది. జోవియల్‌గా, పాజిటివ్‌గా ఉండగలిగాలి. నేను పనిచేసినా.. తాను ఇంట్లో ఉన్నా జస్ట్ చిల్ అనిపించేలా అతను ప్రవర్తించాలి’ అంటూ చెప్పుకొచ్చింది పునర్నవి. అయితే ఈ మాటలు చెప్పింది 2020 జూన్ నెలలో.. ఇది అక్టోబర్. అప్పుడేమో జస్ట్ నా వయసు 24.. పెళ్లి చేసుకోవడానికి మరో ఆరేడేళ్లు పడుతుంది.. ఇప్పట్లో పెళ్లి చేసుకోను అని చెప్పింది. కానీ నాలుగు నెలలు తిరిగే సరికి ఎంగేజ్ మెంట్ రింగ్‌తో దర్శనం ఇవ్వడంతో అసలు పునర్నవి పెళ్లి వార్త నిజం కాదేమో.. ఇది ప్రమోషనల్ ట్రిక్స్ అనే వాదనలు వినిపిస్తున్నాయి. పున్నూ పాప నిజంగానే పెళ్లి వార్త చెప్పేస్తే సరిసరి లేదూ ఇది ప్రమోషన్స్‌లో భాగం.. అంత తూచ్ అంటే మాత్రం మరోసారి పునర్నవి ట్రోలింగ్స్ బారిన పడటం ఖాయమే.