Noel Sean: అవినాష్, మాస్టర్ చిల్లర కామెడీ ఏంటి? జోకర్లా మీరు? ఎలిమినేట్ అవుతూ శివాలెత్తిన నోయల్
నోయల్ ఫ్యాన్స్‌కి బిగ్ షాక్ ఇస్తూ ప్రోమో విడుదల చేశారు బిగ్ బాస్ నిర్వాహకులు. తీవ్ర అనారోగ్య కారణంగా బిగ్ బాస్ హౌస్ నుంచి బయటకు వెళ్లిన నోయల్.. తిరిగి బిగ్ బాస్ హౌస్‌కి వెళ్తారని భావించారు ఆయన ఫ్యాన్స్. అయితే నోయల్ హాస్పటల్ నుంచి తిగిరి వచ్చాడు కానీ.. బిగ్ బాస్ హౌస్‌కి కాదు.. బిగ్ బాస్ స్టేజ్ మీదికి. శనివారం నాటి ఎపిసోడ్ ప్రోమో విడుదల చేయగా.. ఇందులో నోయల్ నాగార్జునతో ఒప్పో సెల్ఫీకి రెడీ అయినట్టుగానే ప్రోమో వదిలారు. అయితే అందరి ఎలిమినేషన్ ఓ లెక్క.. నోయల్ ఎలిమినేషన్ ఓ లెక్క అన్నమాదిరిగా నోయల్ వెళ్తూ వెళ్తూ తన మాస్క్ తీసి అసలు సిసలు నోయల్‌ని బయటకు తీశాడు. తాను ఆర్థరైటిస్ వ్యాధితో బాధపడుతూ.. కీళ్ల నొప్పులు భరించలేక ఇబ్బందులు పడుతుంటే హేళన చేస్తారా అంటూ హోస్ట్ నాగార్జున ముందే అవినాష్, అమ్మా రాజశేఖర్‌లకు లెఫ్ట్ అండ్ రైట్ క్లాస్ ఇచ్చేస్తున్నాడు నోయల్. బిగ్ బాస్ స్టేజ్ మీదికి వచ్చిన నోయల్.. ‘అమ్మా రాజశేఖర్ గారూ.. అవినాష్ ఇద్దరూ ఒకటే కాలిమీద దయచేసి నాకోసం నిలబడండి’ అని కోరాడు. నోయల్ చెప్పినట్టే ఈ ఇద్దరూ కాసేపు ఒంటి కాలిపై నిలబడగా.. కాలు నొప్పి వస్తుందా మాస్టార్ అని అడిగాడు నోయల్.. చాలా నొప్పిగా ఉందని మాస్టర్ చెప్పడంతో.. దానికంటే వెయ్యిరెట్లు నొప్పి వచ్చింది మాస్టార్ నాకు. ఒక్కరోజే కాదు ప్రతిరోజు పెయిన్ వస్తుంది.. దాన్ని మీరు జోక్ చేస్తారు ఏంటి మాస్టార్. ఈ షో చిన్నపిల్లలు చూస్తున్నారు.. పెద్ద వాళ్లు చూస్తున్నార.. వాళ్లకి మీరు ఏం చెప్తున్నారు.. మీ బిహేవియర్ అంటూ అమ్మా రాజశేఖర్‌కి లెఫ్ట్ అండ్ రైట్ క్లాస్ ఇస్తుందగా.. అది ఎప్పుడో జరిగింది నోయల్ ఇప్పుడు ఎందుకు చెప్తున్నావ్ అని అడ్డు పడ్డాడు మాస్టర్.. దీంతో మరింత ఫైర్ అయిన నోయల్.. ‘ఒక్క నిమిషం మాస్టర్.. నేను మాట్లాడుతున్నా మాస్టార్’ అంటూ సీరియస్ అయ్యాడు. ఇక అవినాష్‌ని అయితే ఏకిపారేస్తున్నాడు.. ఏంటి అవినాష్ నేను ఎలా నడుస్తున్నానో నడిచి చూపించి హేళన చేస్తావా?? ఎంత పెయిన్ ఉంటాదో తెలుసా?? రెండు నిమిషాలు నిలబడ మంటే నిలబడలేకపోయావ్.. కోట్ల మంది జనం చూస్తుంటే చిల్లర కామెడీ ఏంటి?? జోకరా మీరు?? అంటూ ఏకిపారేశాడు నోయల్. దీంతో నువ్ వెళ్తూ వెళ్తే మా ఇద్దర్నీ బ్యాడ్ చేయాలని ఫిక్స్ అయ్యావ్.. చిల్లర కామెడీ చేస్తే ఇక్కడ వరకూ వస్తారా?? కొన్ని కోట్ల మంది ప్రేక్షకులు నన్ను ఆదరించారు అంటూ ఆవేశంతో ఊగిపోయాడు అవినాష్. దీంతో.. ‘పిచ్చ లైట్.. యాక్టింగ్‌ చేయకు అవినాష్.. ఇవే కాస్త తగ్గించుకుంటే మంచిది’ అంటూ నోయల్ తన యాటిట్యూడ్ మొత్తం చూపించాడు. మొత్తానికి ఈ ప్రోమోతో నోయల్ బిగ్ బాస్ హౌస్ నుంచి బయటకు వెళ్తున్నట్టు కన్ఫామ్ అయ్యింది. వెళ్తూ వెళ్తూ అవినాష్, రాజశేఖర్ మాస్టర్‌లను ఏకిపారేశాడు. అయితే ఇదంతా నాటకీయత కోసం చేసిందా?. లేదంటే నిజంగానే గొడవ జరిగిందా అన్నది మరికొన్ని గంటల్లో తేలిపోనుంది. అయితే ఇంత రచ్చ జరుగుతున్నా హోస్ట్ నాగార్జున సైలెంట్‌గానే ప్రేక్షకపాత్ర వహిస్తూ ప్రోమోలో కనిపించారు.
Comments
Post a Comment