బిగ్ బాస్ హౌస్‌లో ఉండగా ఆయన చనిపోయారు.. నాకు చెప్పకుండా దాచారు, ఇంటికి వెళ్లేసరికి: దివి
బిగ్ బాస్ హౌస్‌కి రావడం ద్వారా సెలబ్రిటీగా మారింది ‘మహర్షి’ ఫేమ్ దివి. మహేష్ బాబు ‘మహర్షి’ సినిమాలో చిన్న పాత్రలో కనిపించిన హీరోయిన్‌గా సత్తా చాటాలని ప్రయత్నిస్తోంది. అందం, అభినయం, ఆకర్షించే రూపం ఉన్న దివి బిగ్ బాస్ హౌస్‌లో గ్లామర్ బ్యూటీగా సత్తా చాటి ఏడోవారం ఎలిమినేట్ అయ్యింది. కాగా బిగ్ బాస్ హౌస్ నుంచి బయటకు వచ్చిన దివి తన ఇంట్లో జరిగిన విషాద సంఘటనను ప్రేక్షకులతో పంచుకుంది. టీచింగ్ బ్యాగ్రౌండ్ ఉన్న ఫ్యామిలీ నుంచి వచ్చిన దివి.. సినిమాల్లోకి రావడానికి వాళ్ల పేరెంట్స్ ఒప్పుకోలేదట. కానీ వాళ్ల తాతయ్య ఆమెను ప్రోత్సహించి సినిమాల్లోకి రావడానికి కారణ మయ్యారట. అయితే తన మనవరాలి సక్సెస్ కోసం ఎదురుచూసిన తాతయ్య.. తాను బిగ్ బాస్ హౌస్ నుంచి తిరిగి వచ్చేసరికి చనిపోయారని చెప్పింది దివి. ఆమె మాట్లాడుతూ.. ‘నేను చదువుకున్నది ఒకటి.. చేస్తున్నది వేరు.. నేను ఎంటెక్ చేశా.. కానీ నాకు యాక్టింగ్ అంటే ఇష్టం. నాకు ఈ ఫీల్డ్ అంటే ఎంత ఇష్టం అంటే.. నటించడం అనేది కొన్నాళ్లు మాత్రమే చేయగలం. కానీ ఆ తరువాత కూడా ఈ ఫీల్డ్‌ని వదలాలని అనుకోవడం లేదు. డైరెక్షన్, ప్రొడక్షన్ ఇలా ఏదైనా చేసి సినిమా ఫీల్డ్‌లో ఉండాలని ఫిక్స్ అయ్యా. నాకు సినిమా అంటే పిచ్చి. మొదట్లో మా పేరెంట్స్‌కి నేను సినిమా ఫీల్డ్‌కి వెళ్తానంటే ఇష్టపడలేదు. కానీ వాళ్లని కూర్చోబెట్టి మొత్తం చెప్పా.. అర్థం చేసుకున్నారు. మా డాడీకి కూడా యాక్టింగ్ అంటే ఇష్టం. మా తాతయ్య చాలా అందంగా ఉంటారు.. అప్పట్లో జగ్గయ్య గారితో పాటు యాక్ట్ చేయడానికి చెన్నై నుంచి లెటర్ వచ్చింది. కానీ ఆ విషయం ఇంట్లో చెప్తే.. తాతయ్యని వాళ్ల నాన్న పరుగెట్టించి కొట్టారట. నీకు యాక్టింగ్ అవసరమా? అని. కాని ఇప్పుడు మా తాతయ్య నన్ను ఎంకరేజ్ చేస్తుంటారు. కానీ సక్సెస్ చూడకుండానే మా తాతయ్య చనిపోయారు. మొన్న బిగ్ బాస్ నుంచి ఇంటికి వెళ్లేసరికి తాతయ్య చనిపోయినట్టు తెలిసింది. నేను బిగ్ బాస్‌లో ఉన్న మొదటి వారంలో ఇది జరిగింది. నేను బాధపడతానని చెప్పలేదు. తాతయ్య నా గెలుపు కోసం ఎప్పుడూ ప్రేయర్ చేస్తుంటారు.. ఇవన్నీ చూస్తే ఆయన చాలా సంతోషించేవారు. కానీ నేను బిగ్ బాస్ నుంచి ఇంటికి వెళ్లేసరికి అమ్మమ్మ కనిపించింది.. అమ్మమ్మా తాతయ్య ఎక్కడ అనేసరికి ఏడ్చేసింది. నాకు అర్థం కాలేదు.. ఫస్ట్ నామినేషన్ అప్పుడు ఆయన చనిపోయారు. బిగ్ బాస్‌లో ఏడు వారాలు ఉన్నాను.. ఎలా గడిచాయో నాకే తెలియదు.. టైం చిటికెలో అయిపోయినట్టుగా ఉంది. అప్పుడప్పుడూ కొంత ఇబ్బందిగా ఉండేది కానీ.. సరదా సరదా గడిచిపోయింది’ అంటూ చెప్పుకొచ్చింది .
Comments
Post a Comment