ఆ రాత్రి జరిగింది ఎప్పటికీ మరవను.. ఆ సమయంలో నా శరీరం! చిన్నారి పెళ్లి కూతురు ఫేమ్ అవికా గోర్ ఆవేదన

ఫేమ్, సినీ నటి గత జ్ఞాపకాలను గుర్తుచేసుకుంటూ ఆవేదన చెందింది. తెలుగు, హిందీ టీవీ సీరియల్స్‌లో బొద్దుగా కనిపించి ఆకట్టుకున్న అవిక.. ఇప్పుడు ఎవ్వరూ గుర్తుపట్టని విధంగా మారిపోయింది. ప్రస్తుతం గ్లామర్ బ్యూటీగా సోషల్ మీడియాను వేడెక్కిస్తోంది. సన్నగా నాజూగ్గా మారి యూత్‌లో మంచి ఫాలోయింగ్ కూడగట్టుకుంటున్న ఈ అమ్మడు.. తాజాగా తన సోషల్ మీడియా ఖాతాలో ఓ పోస్ట్ పెడుతూ ఎమోషనల్ అయింది. గతేడాది ఓ రోజు రాత్రి అనుభవించిన బాధను గుర్తుచేసుకుంటూ తెగ ఫీల్ అయింది. తన లేటెస్ట్ లుక్ పోస్ట్ చేసిన అవికా గోర్.. గతేడాది ఓ రోజు రాత్రి అద్దంలో తనను తాను చూసుకుని ఏడ్చానని చెప్పింది. ఆ క్షణాలను ఎప్పటికీ మర్చిపోలేనని, ఆ సమయంలో తన శరీరం, శరీర భాగాలు అస్సలు నచ్చకపోవడంతో కృంగి పోయానని.. దాని ఫలితమే తన ఊబకాయం అని పేర్కొంది. తన కాళ్ళు, చేతులు లావుగా ఉన్నాయని అదేవిధంగా శరీరాకృతి విషయంలో చాలాసార్లు బాధపడ్డానని ఆమె వెల్లడించింది. Also Read: ఆ సమయంలో ఎన్నో ఆలోచనలు తనకు మనశ్శాంతి లేకుండా చేయడమే గాక తనపై తనకే అసహ్యం వేసేదని.. అయితే చివరకు ఏదీ రాత్రికి రాత్రే మారిపోదని అర్థం చేసుకొని ఆరోగ్యకరమైన ఆహారం, వర్కవుట్లపై దృష్టి సారించానని తెలిపింది అవికా. ఎన్ని ఎదురుదెబ్బలు తగిలినప్పటికీ ఏ మాత్రం జంకకుండా ముందుకెళ్లి ఈ రూపం తెచ్చుకున్నానని పేర్కొంది. ఈ రోజు మళ్లీ అద్దంలో చూసుకొని ఎంతో అందంగా ఉన్నావని తనకు తానే చెప్పుకొని సంతోష పడుతున్నా తెలుపుతూ ఇన్‌స్టాగ్రామ్‌లో ఎమోషనల్ పోస్ట్ పెట్టింది అవికా గోర్. 'చిన్నారి పెళ్లి కూతురు' సీరియల్‌తో మంచి గుర్తింపు సంపాదించుకున్న అవికా గోర్.. ఆ తర్వాత వెండితెరపై కూడా మెరిసింది. `ఉయ్యాలా జంపాలా` సినిమాతో టాలీవుడ్ ఆరంగేట్రం చేసి ''సినిమా చూపిస్తా మావా, రాజు గారి గది-3'' సినిమాలు చేసింది. ఆ తర్వాత కొంత కాలం గ్యాప్ తీసుకున్న ఈ అమ్మడు ఇప్పుడు సరికొత్తగా తయారై స్మార్ట్ లుక్‌‌తో యూత్ ఆడియన్స్‌ని బుట్టలో వేసుకుంటోంది. ‌