సుమంత్ ‘కపటధారి’ టీజర్: వేషాలు మార్చే ఆ హంతకుడు ఎవరు?
‘‘ఈ ప్రపంచంలో ఏదీ ఊరికే జరగదు. అన్నిటికీ ఓ కారణం ఉంటుంది’’ అని అంటున్నారు హీరో సుమంత్. ఆయన కథానాయకుడిగా ప్రదీప్ కృష్ణమూర్తి దర్శకత్వంలో రూపొందుతోన్న క్రైమ్ థ్రిల్లర్‌ ‘కపటధారి’. ‘సుబ్రహ్మణ్యపురం’, ‘ఇదంజ‌గ‌త్‌’ చిత్రాల‌తో మళ్లీ ఫామ్‌లోకి వచ్చిన ఇప్పుడు ‘కపటధారి’ చిత్రంతో ప్రేక్షకుల ముందుకు వచ్చేందుకు సిద్ధమవుతున్నారు. కన్నడలో సూప‌ర్‌ హిట్ అయిన ‘కవలుదారి’ సినిమాకు ఇది తెలుగు రీమేక్‌. జి.ధనంజయన్ సమర్పణలో క్రియేటివ్ ఎంట‌ర్‌టైనర్స్ అండ్ డిస్ట్రిబ్యూట‌ర్స్ బ్యాన‌ర్‌పై లలిత ధనంజయన్ ఈ సినిమాను తెలుగు, తమిళ భాషల్లో నిర్మిస్తున్నారు. తెలుగు టీజర్‌ను నటుడు రానా దగ్గుబాటి గురువారం విడుదల చేశారు. కన్నడలో రిషి పోషించిన ట్రాఫిక్ పోలీస్ సబ్ ఇన్‌స్పెక్టర్ పాత్రలో సుమంత్ నటించారు. ‘కపటధారి’ టీజర్ చూస్తుంటే ప్రపంచంలో జరిగే ప్రతి విషయం వెనుక బలమైన కారణం ఉంటుందనే పాయింట్‌ను బేస్‌ చేసుకుని కథను రూపొందించినట్లు అర్థమవుతోంది. అలాగే ఓ హత్య కేసును ఇన్వెస్టిగేట్‌ చేసే పోలీసులతో ట్రాఫిక్ పోలీస్ ఆఫీసర్‌ అయిన సుమంత్ జాయిన్‌ అవుతానని అడగటం.. చివరకు కేసును ఇన్వెస్టిగేట్‌ చేస్తున్న పోలీసులు కేసులో ఇన్‌వాల్వ్‌ కావద్దని సుమంత్‌కు వార్నింగ్‌ ఇవ్వడం వంటి సన్నివేశాలు ఎగ్జయిట్‌మెంట్‌ను పెంచుతున్నాయి. Also Read: టీజర్ చివరలో వచ్చే ‘వాడి అసలు మొహం దాచుకోవడానికి వేషాలు మార్చే వ్యక్తి’ అనే డైలాగ్‌తో పాటు టీజర్ బ్యాగ్రౌండ్‌లో వినిపిస్తున్న ‘రంగులు మార్చే లోకం.. పాచికలాడే న్యాయం.. నీతీ నియమం మరిచి.. జీవితమంటే యుద్ధం పోరాడటమే లక్ష్యం.. కన్నులు కప్పి తిరిగేవాడేరా..’’ అనే సాంగ్‌ కూడా వేషాలు మార్చే ఓ వ్యక్తి గురించి చెబుతుంది. ఇంతకూ ఆ వేషాలు మార్చే వ్యక్తి ఎవరు? అనేది మాత్రం ప్రస్తుతానికి సస్పెన్స్‌. ఈ చిత్రానికి డాక్టర్ ధనంజయన్ స్క్రీన్‌ప్లే అడాప్షన్ చేస్తుండ‌గా.. బాషాశ్రీ మాట‌లు అందిస్తున్నారు. ప్రవీణ్ కె.ఎల్ ఎడిట‌ర్‌గా, స్టంట్ సిల్వ స్టంట్ మాస్టర్‌గా, విదేశ్ ఆర్ట్ డైరెక్టర్‌గా ప‌నిచేస్తున్నారు. ప్రస్తుతం సినిమా పోస్ట్‌ ప్రొడక్షన్‌ కార్యక్రమాలు జరుగుతున్నాయని, సినిమా విడుదల తేదీని త్వరలోనే ప్రకటిస్తామని చిత్ర యూనిట్‌ ప్రకటించింది. ఈ చిత్రంలో సుమంత్ సరసన నందితా శ్వేత నటించింది. పూజాకుమార్‌, నాజ‌ర్‌, జ‌య‌ప్రకాశ్‌, సంప‌త్ ఇతర ముఖ్య పాత్రలు పోషించారు. సైమన్ కె. కింగ్ సంగీతం సమకూరుస్తున్నారు. Also Read:
Comments
Post a Comment