‘షాదీ ముబారక్‌’ ఫస్ట్ లుక్: లవర్ బోయ్‌గా మారిన ఆర్కే నాయుడు
బుల్లితెరపై సెన్సేషన్ క్రియేట్ చేసిన ‘మొగలిరేకులు’ సీరియల్‌లో ఆర్కే నాయుడు పాత్రను ప్రేక్షకులకు ఎప్పటికీ మరిచిపోలేరు. పవర్‌ఫుల్ పోలీస్ ఆఫీసర్‌గా నటించిన సాగర్‌ను ఇప్పటికీ ఆర్కే నాయుడుగానే ఫేమస్. ఈ ఒక్క పాత్రతో సాగర్‌కు హీరోకి వచ్చినంత క్రేజ్ వచ్చింది. ఈ పాత్ర ద్వారా వచ్చిన క్రేజ్‌తో సినిమాల్లోకి కూడా అడుగుపెట్టారు . 2011లో ‘మిస్టర్ పర్ఫెక్ట్’ సినిమాలో ప్రభాస్ ఫ్రెండ్‌గా కనిపించారు. ఆ తరవాత ‘మ్యాన్ ఆఫ్ ద మ్యాచ్’ సినిమాతో హీరోగా మారారు. కానీ, పెద్దగా ఆకట్టుకోలేకపోయారు. 2016లో ‘సిద్ధార్థ’ అనే సినిమాతో ప్రేక్షకుల ముందుకు వచ్చారు. ఆ తరవాత మళ్లీ వెండితెరపై కనిపించలేదు. సుమారు ఐదేళ్ల విరామం తరవాత ఇప్పుడు మరోసారి హీరోగా ఎంట్రీ ఇవ్వబోతున్నారు సాగర్. అది కూడా శ్రీ వెంకటేశ్వర క్రియేషన్స్ వంటి ప్రతిష్టాత్మక బ్యానర్‌లో. , శిరీష్ నిర్మాతలు. ఔట్‌ అండ్‌ ఔట్‌ ఫ్యామిలీ ఎంటర్‌టైనర్‌‌గా రూపుదిద్దుకుంటోన్న ఈ సినిమాకు ‘షాదీ ముబారక్‌’ అనే టైటిల్‌ను ఖరారు చేశారు. ఈ సినిమా ఫస్ట్ లుక్‌ను బుధవారం విడుదల చేశారు. ఈ పోస్టర్‌లో సాగర్ లవర్ బోయ్‌లా కనిపిస్తున్నారు. సాగర్ సరసన దృశ్యా రఘునాథ్‌ హీరోయిన్‌గా నటించారు. ఈ చిత్రానికి పద్మశ్రీ దర్శకత్వం వహించారు. ప్రేక్షకులను కడుపుబ్బా నవ్వించే ఈ సినిమా చిత్రీకరణ ఇప్పటికే పూర్తయింది. ప్రస్తుతం పోస్ట్‌ ప్రొడక్షన్‌ కార్యక్రమాలు జరుగుతున్నాయి. త్వరలోనే సినిమాను విడుదల చేయడానికి దర్శక నిర్మాతలు ప్లాన్‌ చేస్తున్నారు. కాగా, ఈ చిత్రంలో అదితి, ఝాన్సీ, హేమ, రాజశ్రీనాయర్‌, ప్రియదర్శి రామ్‌, హేమంత్, శత్రు, భద్రమ్‌, మధునందన్‌, అజయ్‌ ఘోష్ ముఖ్య పాత్రలు పోషించారు. సునీల్ కశ్యప్ సంగీతం సమకూరుస్తున్నారు.
Comments
Post a Comment