‘మోస‌గాళ్ళు’ టైటిల్ థీమ్ మ్యూజిక్‌.. శ్యామ్ సిఎస్‌‌పై ప్రశంసల జల్లు

విష్ణు హీరోగా న‌టిస్తోన్న ‘మోస‌గాళ్ళు’ టైటిల్ మోషన్ పోస్టర్‌ను ఇటీవల విడుదల చేశారు. ‘ద రైజ్ ఆఫ్ మోసగాళ్ళు’ పేరిట విడుదలైన ఈ మోషన్ పోస్టర్‌కు ప్రేక్షకులను నుంచి మంచి స్పందన వచ్చింది. ముఖ్యంగా మోషన్ పోస్టర్‌కు ఇచ్చిన థీమ్ మ్యూజిక్ చాలా బాగుందని కామెంట్స్ వచ్చాయి. ఆస‌క్తిక‌రంగా ఉన్న ఆ థీమ్ మ్యూజిక్ బాగా పాపుల‌ర్ అయ్యింది. ద‌క్షిణ భార‌త సినీ రంగంలోని ప్రముఖ సంగీత ద‌ర్శకుల్లో ఒక‌రిగా పేరుపొందిన శ్యామ్ సిఎస్ ఈ చిత్రానికి సంగీతం స‌మ‌కూరుస్తున్నారు. థీమ్ మ్యూజిక్‌తో అంద‌రి మ‌న‌సుల్నీ గెలుచుకున్న ఆయ‌న‌, ఆ ఎక్స్‌పెక్టేష‌న్స్‌కు మ్యాచ్ అయ్యేలా ఈ సినిమాకు సంబంధించిన త‌దుప‌రి ప్రమోష‌న‌ల్ కంటెంట్‌కు వ‌ర్క్ చేస్తున్నారు. అలాగే సినిమాకు బెస్ట్ మ్యూజిక్ ఇవ్వడానికి కృషి చేస్తున్నారు. హీరోగా న‌టిస్తూ విష్ణు మంచు నిర్మిస్తోన్న ‘మోస‌గాళ్ళు’ సినిమాకు జెఫ్రీ గీ చిన్ ద‌ర్శక‌త్వం వ‌హిస్తున్నారు. విష్ణు సోద‌రిగా ఆయ‌న పాత్రతో స‌మాన ప్రాధాన్యం ఉన్న పాత్రను కాజ‌ల్ అగ‌ర్వాల్ చేస్తున్నారు. భార‌త్‌లో మొద‌లై, అమెరికాను వ‌ణికించిన చ‌రిత్రలోనే అతి పెద్ద ఐటీ కుంభ‌కోణం నేప‌థ్యంలో వాస్తవ ఘ‌ట‌న‌ల ఆధారంగా ‘మోస‌గాళ్ళు’ చిత్రం రూపొందుతోంది. బాలీవుడ్ సీనియ‌ర్ స్టార్ యాక్టర్ సునీల్ శెట్టి ఈ చిత్రంతో టాలీవుడ్‌కు ప‌రిచ‌య‌మ‌వుతున్నారు.