అఖిల్ ఆమెను మరీ ఈరేంజ్లో లవ్ చేస్తున్నాడా? ఎఫైర్ల కొంపలో పెద కుంపటి!
బిగ్ బాస్ సీజన్ 4లో కంటెస్టెంట్లు ఎవరో.. ముక్కూ మొహం తెలియని వాళ్లని పెట్టారనే విమర్శ వినిపించింది. అయితే మూడు వారాలు గడిచేటప్పటికి మెల్ల మెల్లగా కంటెస్టెంట్లు అందరూ అలవాటు అయ్యారు. అరియానా గ్లోరి, అఖిల్, మోనాల్, మెహబూబ్, సుజాత, హారిక, అభి, సొహైల్, దివి ఇలా దాదాపు అందరూ కొత్త వాళ్లే.. పెద్దగా ఎవరికీ తెలియని వాళ్లే. అయితే కొత్త ముఖాలను జనంలోకి బాగా వేగంగా గుర్తిండిపోయేలా వెళ్లాలంటే ఎంచుకున్న మార్గం ఎఫైర్స్. అవును బిగ్ బాస్ హౌస్ ఎఫైర్ల కొంపలా మారింది. తొలివారం గంగవ్వపైనే కెమెరా ఫోకస్ పెట్టి.. బాగానే రేటింగ్ అందుకున్నారు. ఇక రెండో వారంలో మొనాల్ గజ్జర్, అభిజిత్, అఖిల్ల మధ్య ఎఫైర్ నడుస్తున్నట్టుగా వారం మొత్తం చూపించారు. ఇక ఆదివారం నాడు నాగార్జున ఎంట్రీ ఇచ్చి.. గతంలో పునర్నవి-రాహుల్ల మధ్య ఏదో ఉందనే అనుమానాలకు బలాన్ని ఎలాగైతే ఇచ్చారో.. శనివారం నాటి ఎపిసోడ్లో మొనాల్ మనసులో ‘A’ ఉందని హింట్ ఇచ్చారు నాగార్జున. ఆ ‘A’ అంటే అఖిలా?? లేక అభిజిత్నా అన్నది మాత్రం చెప్పలేదు కాని.. అభిజిత్ని లైక్ చేస్తున్నట్టుగా అతని ముందే ఓపెన్ అయ్యింది మొనాల్. మనసులో ‘A’ ఉన్నాడు కదా అంటే అవును అంటూ తెగ సిగ్గుపడిపోయింది మొనాల్. ఇంతకీ ఆమెను నాగార్జున ఏమి అడిగాడో కూడా తెలిసి ఉండదు.. ఎందుకంటే ఆమె ఇంగ్లీష్ పాప. ఇక అదే అభిజిత్కి దేత్తడి హారిక బాగా దగ్గరౌతుండగా.. ఆమె నిన్ను ఇష్టపడుతుందని అభిజిత్తో చెప్పింది మోనాల్. ఇక అఖిల్ అయితే.. మోనాల్తో ఎవరు మాట్లాడినా.. డాన్స్ చేసినా.. తనలో తాను తెగ ఫీల్ అయిపోతుంటాడు.. ఇది బిగ్ బాస్ ఆడిస్తున్న ఆటనా లేక నిజంగానే వాళ్లే ఆడుతున్నారో తెలియదు కాని.. ఆ మధ్య సొహైల్ మొనాల్తో కలిసి డాన్స్ చేస్తుంటే ఏడుపు ఒక్కటే తక్కువ అఖిల్కి. వాళ్లిద్దర్నీ అలాగే చూస్తూ మనోవేదన చెందాడు అఖిల్. ఇక మొనాల్ అభికి దగ్గరౌతున్న విషయం తెలుసుకుని తెగ బాధపడిపోయాడు అఖిల్. ఇక మోనాల్ అయితే తన ఇమేజ్కి డ్యామేజ్ అవుతుందన్న విషయం గ్రహిస్తుందో లేదో తెలియదు కాని.. అటు అభిని.. ఇటు అఖిల్ని ఇద్దర్నీ బ్యాలెన్స్ చేస్తూ షిఫ్ట్లు షిఫ్ట్లుగా వాళ్లతో అర్థరాత్రి వరకూ ముచ్చట్లు పెడుతూనే కనిపిస్తోంది. ఏ ఒకర్నీ వదులుకోవడానికి ఇష్టపడటం లేదన్నట్టుగానే ఆమెను చూపిస్తున్నారు. ఆ ఇద్దరికీ ముద్దులు పెట్టడం.. హగ్ ఇవ్వడం.. చేతిలో చేయి వేసి ప్రేమ ముచ్చట్లు పెట్టడం చూసి మొనాల్ ట్రై యాంగిల్ లవ్ స్ట్రోరి చూసి తలలు పట్టుకుంటున్నారు షో చూసే ప్రేక్షకులు. ఇక అభిజిత్ అయితే అటు మొనాల్, హారిక ఇద్దర్నీ బ్యాలెన్స్ చేస్తూ.. మొనాల్ దగ్గర హారిక గురించి హారిక దగ్గర మొనాల్ గురించి చెప్తూ డబుల్ గేమ్ షురూ చేశాడు. పులిహోరా రాజా అనే ట్యాగ్ కోసం ఇటు అఖి, అటు అఖిల్ తెగ పోరాటం చేస్తున్నారు. ఆదివారం నాటి ఎపిసోడ్లో హారికను డిస్ట్రబ్ చేసే మగాడే లేడా అని నాగార్జున అనగానే.. అభి పరుగున వచ్చి హారికను హగ్ చేసుకోవడం.. ఆమె తెగ సిగ్గు పడిపోవడం అంతా గందరగోళం మాదిరే ఉంది. దీని ద్వారా ఈ ఇద్దరి మధ్య ఎఫైర్ నడుస్తుందని చూపించసాగారు. ఇక కొత్తగా వచ్చిన స్వాతి దీక్షిత్తో కూడా కనెక్ట్ అయ్యాడు అభిజిత్. ఇదే విషయాన్ని లాస్య కూడా ప్రస్తావిస్తూ గుసగుసలాడుతోంది. ఇక దేవి ఎలిమినేషన్ సందర్భంగా అఖిల్ ఏడుస్తూ ఉంటే.. మొనాల్ వెళ్లి చేతులు చాపి హగ్ ఇవ్వడం.. తన కౌగిలిలో అఖిల్ని బంధీ చేయడం.. మనోడు ఏడుపు ఆపేయడం అంతా చాలా సిల్లిగా అనిపించింది. మొత్తానికైతే ఆదివారం నాటి ఎపిసోడ్లో అఖిల్ మొనాల్ని తెగ ప్రేమించేస్తున్నాడనే విషయాన్ని కొరడాతో కొట్టకనే చెప్పింది ఎలిమినేట్ అయిన దేవి. ఎలిమినేషన్ సందర్భంగా ఈ కొరడా ఇచ్చి.. దీంతో ఎవరికి వాతలు పడాలని నాగార్జున అడగ్గా.. అఖిల్ పేరు చెప్పింది దేవి. అనంతరం అఖిల్ కోసం మాట్లాడుతూ.. ‘అఖిల్ తనను తాను చెక్కుకుంటున్న శిల్పిలా కనిపిస్తాడు.. తాను కష్టపడతాడు.. తనని తాను మార్చుకుంటాడు.. ఒకవేళ నువ్ రాంగ్ రూట్లో వెళ్తున్నావని అనిపిస్తే నీకు నువ్వే వాత పెట్టుకో.. నీ గోల్ ఉంది కాబట్టి.. ఇక్కడకు వచ్చి దాన్ని మర్చిపోకు. ఒకవేళ నువ్ వేరే రూట్లో వెళ్తున్నావని అనిపిస్తే నీకు నువ్వే శిక్షించుకో.. నీకు నేను హౌస్లో ఆల్రెడీ చెప్పాను.. నువ్ నడిపిస్తున్నది లవ్ ట్రాక్నో.. ఫ్రెండ్ షిప్ ట్రాక్నో నాకు అర్థం కావడం లేదు.. ఆట ఆటే.. ముందు నీ గోల్ గురించి ఆలోచించు.. రేపటి రోజున నువ్ ఎవర్నైతే ఇష్టపడుతున్నావో వాళ్లే నీకు పోటీ కావొచ్చు. గేమ్ని గేమ్లా తీసుకో’ అంటూ అఖిల్కి గట్టిగానే చురకలేసింది దేవి. అయితే అఖిల్ లవ్ ట్రాక్ గురించి చెప్తున్నంత సేపూ.. బిగ్ బాస్ కెమెరాలు అన్నీ మొనాల్నే చూపించాయి. మొత్తానికి అఖిల్-మొనాల్ని గాఢంగా ప్రేమిస్తున్నాడని.. ఆదివారం నాటి ఎపిసోడ్తో క్లారిటి ఇచ్చారు బిగ్ బాస్. అయితే ప్రతి సీజన్కి ఇలాంటి ఎఫైర్లు ఫోకస్ చేయడం బిగ్ బాస్లో ఆనవాయితీగా వస్తుంది. అయితే వీటివల్ల రేటింగ్ దండిగానే వచ్చినా ఇమేజ్ ఎంతలా డ్యామేజ్ అయ్యిందో తేజస్వీ, పునర్నవి, గీతా మాధురిలు ఒక ఉదాహరణ.
Comments
Post a Comment