ఓటీటీ డ్రాబ్యాక్ అదే.. ఆ క్వాలిటీని ఆడియన్స్ మిస్ అవుతారు: అనుష్క
‘నిశ్శబ్దం’ సినిమా కోసం ప్రేక్షకులకు ఆసక్తిగా ఎదురుచూస్తున్నారు. ఈ థ్రిల్లర్ మూవీని థియేటర్‌లో చూద్దామని ఆశపడిన ప్రేక్షకులు మొత్తానికి ఈ కరోనా టైమ్‌లో ఇంట్లోనే అమెజాన్ ప్రైమ్ వీడియోలో చూడబోతున్నారు. అక్టోబర్ 2న నుంచి ఈ సినిమా అమెజాన్ ప్రైమ్ వీడియోలో అందుబాటులోకి రానుంది. మాధవన్, అంజలి, షాలిని పాండే, సుబ్బరాజు, అవసరాల శ్రీనివాస్ ముఖ్య పాత్రలు పోషించిన ఈ సినిమాకు హేమంత్ మధుకర్ దర్శకత్వం వహించారు. కోన వెంకట్, టీజీ విశ్వప్రసాద్ నిర్మాతలు. గోపీ సుందర్ సంగీతం సమకూర్చారు. చిత్ర విడుదల తేదీ దగ్గరపడుతుండటంతో ప్రచారంలో భాగంగా అనుష్క మంగళవారం మీడియా ముందుకు వచ్చారు. మీడియా ప్రతినిధులు అడిగిన పలు ప్రశ్నలకు సమాధానాలు చెప్పారు. ఆ ముచ్చట్లే ఇవి.. ✦ మీ ‘నిశ్శబ్దం’ ఎలా మైద‌లైంది? ‘భాగ‌మ‌తి’ త‌రువాత కావాల‌ని గ్యాప్ తీసుకున్నా. ఆ స‌మయంలో కోన వెంకట్ గారు హేమంత్ గారితో ఈ స్టోరీ నెరేష‌న్ ఇప్పించారు. ఇందులో నా క్యారెక్టర్ ఢిప‌రెంట్‌గా ఉండ‌టంతో పాటు సినిమా కూడా వ‌ర్కౌట్ అవుతుంద‌ని నాకు బ‌లంగా అనిపించింది. అందుకే ఈ ప్రాజెక్ట్‌లో న‌టించ‌డానికి ఒప్పుకున్నాను. అనుకోకుండా నా ద‌గ్గర‌కు వచ్చిన స్టోరీ ఇది. అంతేకాదు, అనుకోకుండానే నచ్చేసింది. ✦ ఈ సినిమా కోసం ‘మ్యూట్’గా న‌టించారు. అందుకోసం సైన్ లాంగ్వేజస్ నేర్చుకున్నార‌ట నిజ‌మేనా? నా క్యారెక్టర్ డంబ్, డెఫ్‌గా ఉంటుంద‌ని ముందుగానే డైరెక్టర్ హేమంత్ చెప్పారు. న‌న్ను ఈ సినిమాలోకి వచ్చేలా చేసింది కూడా నా క్యారెక్టర్‌కి ఉన్న ఈ స్పెషాలిటినే. ఇందుకోసం నేను కొన్నాళ్ల పాటు ఇండియ‌న్ సైన్ లాగ్వెంజ్ నేర్చుకున్నాను. అయితే, ఆ త‌రువాత షూటింగ్‌కి అమెరికా వెళ్లాక అక్కడ సైన్ లాంగ్వేజ్ వేరుగా ఉంటుంద‌ని తెలిసింది. అంతర్జాతీయంగా అంద‌రూ ఎక్కువుగా వాడే సైన్ లాంగ్వేజ్ కూడా అదే కావ‌డంతో మ‌ళ్లీ అమెరికాలో ఓ 14 ఏళ్ల అమ్మాయి ద‌గ్గర ఇంట‌ర్నేష‌న‌ల్ సైన్ లాంగ్వేజ్‌లో ట్రైనింగ్ తీసుకుని న‌టించాను. ✦ మీ కెరీర్‌లో తొలిసారిగా మీరు న‌టించిన సినిమా డైరెక్ట్‌గా ఓటిటిలో విడుదల అవుతుంది. ఎలా ఫీల్ అవుతున్నారు? ఓటిటి, థియేట‌ర్ రెండు వేరు వేరుగా ఉన్నప్పటికీ, ఓటిటిలో సినిమాలు విడుదల చేయ‌డాన్ని కూడా అంతా పాజిటివ్‌గా చూడాల్సిన అవసరం ఉంది. ప్రస్తుత ప‌రిస్థితుల రీత్య, సినిమా ఇండ‌స్ట్రీ ఎటువంటి ఆటంకాలు లేకుండా ముందుకు వెళ్లాలంటే టెక్నాల‌జీ ప‌రంగా ఆడియెన్స్‌కి ఎంట‌ర్‌టైన్మెంట్ ఇవ్వడంలో ఇలాంటి మార్పులు రావ‌డం అవసరం. వాటిని అంతా సంపూర్ణంగా స్వాగ‌తించ‌డం కూడా అత్యవ‌స‌రం. ఇక తొలిసారిగా నేను న‌టించిన సినిమా ఇలా విడుద‌లవ్వడం నాకు కాస్త కొత్తగా అనిపిస్తోంది. అలానే మేము చేసిన ఈ కొత్త ప్రయ‌త్నాని ఆడియెన్స్ స్వాగ‌తిస్తారు అని ఆశిస్తున్నాను. ✦ ‘నిశ్శబ్దం’లో మీరు మాధ‌వ‌న్‌తో మరోసారి క‌లిసి న‌టించారు. ఆయనతో మీ వ‌ర్కింగ్ ఎక్స్‌పీరియెన్స్ ఎలా ఉంది? మాధవన్ గారితో నా కెరీర్ తొలినాళ్లలో క‌లిసి న‌టించాను. మ‌ళ్లీ ఇన్నాళ్ల త‌రువాత క‌లిసి న‌టించ‌డం చాలా అద్భుతంగా అనిపించింది. ఇద్దరం ఈ సినిమాలో ఛాలెంజింగ్ రోల్స్ చేశాం. అలానే సినిమాలో ఉన్న పాత్రకి చాలా ఇంపార్టెన్స్ ఉంటుంది. ఈ క‌థ కేవలం మా ఇద్దరి చుట్టూనే తిరిగుతూ ఉండదు. స్క్రీప్‌ప్లే ముందుకు న‌డిపించ‌డంలో మిగ‌తా పాత్రలు కూడా కీల‌కంగా మారుతుంటాయి. ఈ థ్రిల్లింగ్ రైడ్‌ని ఆడియెన్స్ ఎంజాయ్ చేస్తార‌ని క‌చ్చితంగా చెప్పగ‌ల‌ను. ✦ థ్రిల్లర్స్‌లో బ్యాక్ గ్రౌండ్ స్కోర్‌కి చాలా ఇంపార్టెన్స్ ఉంటుంది. ఈ సినిమాలో మ్యూజిక్ గురించి ఏం చెబుతారు? ఓటిటిలో విడుదల అవ్వడంలో ఉన్న ఒకే ఒక డ్రాబ్యాక్ ఇదే. థియేట‌ర్స్‌లో ఉండే సౌండ్ సిస్టమ్, ఆడియో క్వాలిటీని ఆడియెన్స్ మిస్ అవుతారు. అయితే, హెడ్ ఫోన్స్, హోమ్ థియేట‌ర్స్ ఈ లోపాన్ని దాదాపుగా క‌వ‌ర్ చేస్తాయి. ఇక ఈ సినిమాకు మ్యూజిక్, బ్యాక్ గ్రౌండ్ స్కోర్స్ పెద్ద ఎస్సెట్స్. మ‌రీ ముఖ్యంగా గోపీ సుందర్ ఇచ్చిన ఆర్‌ఆర్ సినిమాను మ‌రింత ఆస‌క్తిక‌రంగా మార్చేసింది. ✦ ఈ సినిమా ద‌ర్శక, నిర్మాతలు గురించి చెప్పండి. ద‌ర్శకుడు హేమంత్ ఫుల్ క్లారిటీతో వ‌ర్క్ చేసుకుంటూ పోతారు. త‌న‌కు ఏం కావ‌ల‌న్నది యాక్టర్స్ నుంచి తీసుకోవ‌డం హేమంత్ స్పెషాలిటి. ఆయ‌న డైరెక్షన్‌లో ఈ ప్రాజెక్ట్ అత్యద్భుతంగా వ‌చ్చింది. ఇక నిర్మాణ సంస్థలు కోన ఫిల్మ్ కార్పోరేష‌న్, పీపుల్ మీడియా ఫ్యాక్టరీ గురించి వేరే చెప్పాల్సిన అవసరం లేదు. ఈ ప్రయోగాత్మక కథను అమెరికా బ్యాక్‌డ్రాప్‌లో ఎక్కడా కాంప్రమైజ్ అవ్వకుండా నిర్మించడం అంత సులువు కాదు. దానికి చాలా ప్యాష‌న్ అలానే ధైర్యం కావాలి. ఆ రెండూ ఉన్న నిర్మాతలు కోన వెంకట్, టీజీ విశ్వప్రసాద్. చివరిగా ఒక విషయం.. ఈ సినిమాను ఫార్వాడ్ చేయకుండా ఆడియెన్స్ అంతా ఓ ఫ్లోలో చూడాల‌ని మ‌న‌వి చేస్తున్నా.
Comments
Post a Comment