స్నేహారెడ్డి బర్త్‌డే సెలబ్రేషన్స్: చుట్టూ అమ్మాయిలు.. మధ్యలో బన్నీ!
నిన్న మొన్నటి వరకు సెలబ్రిటీలు పుట్టినరోజు వేడుకలను తమ కుటుంబ సభ్యులతో మాత్రమే జరుపుకుంటున్నారు. దీనికి కారణం కరోనా. ఇప్పుడు కరోనా భయం కాస్త తగ్గడంతో స్నేహితులు, శ్రేయోభిలాషుల సమక్షంలో జరుపుకుంటున్నారు. సైతం భర్త అల్లు అర్జున్, స్నేహితురాళ్లు, కజిన్స్ సమక్షంలో తన 35వ పుట్టినరోజును సోమవారం అర్ధరాత్రి జరుపుకున్నారు. ఈ మేరకు తన భార్య కేక్ కట్ చేస్తున్న ఫొటోను ఇన్‌స్టాగ్రామ్‌లో పోస్ట్ చేశారు. భార్యకు పుట్టినరోజు శుభాకాంక్షలు తెలిపారు. ‘‘నా జీవితంలో ఎంతో ప్రత్యేకమైన వ్యక్తివైన నువ్వు ఇలాంటి పుట్టినరోజులు మరెన్నో జరుపుకోవాలి. నీతో ఇలాంటి పుట్టినరోజులు ఎన్నో, మరెన్నో జరుపుకోవాలని కోరుకుంటున్నాను. హ్యాపీ బర్త్‌డే క్యూటీ’’ అని బన్నీ తన పోస్ట్‌లో పేర్కొన్నారు. మరోవైపు స్నేహారెడ్డి కూడా ఇన్‌స్టాగ్రామ్ స్టోరీలో ఫొటోలు షేర్ చేశారు. ఇవి చూస్తుంటే చుట్టూ స్నేహారెడ్డి గర్ల్ గ్యాంగ్.. మధ్యలో బన్నీ ఒక్కరే ఉన్నట్టు అనిపిస్తోంది. ఇన్‌స్టాగ్రామ్ స్టోరీలో పోస్ట్ చేసిన ఫొటోల్లో స్నేహారెడ్డి ట్రెండీ డ్రెస్‌లో మెరిసిపోతున్నారు. అల్లు అర్జున్, స్నేహారెడ్డి ఇటీవల నిహారిక కొణిదెల, చైతన్య జొన్నలగడ్డ నిశ్చితార్థ వేడుకలో మెరిసిన సంగతి తెలిసిందే. చేతిలో చేయి వేసుకుని భర్తతో కలిసి స్నేహారెడ్డి వస్తోన్న ఫొటోలు సోషల్ మీడియాలో వైరల్ అయ్యాయి. జంట అదిరిపోయింది అంటూ ఫ్యాన్స్ ఈ ఫొటోలను తెగ షేర్ చేశారు. అల్లు అర్జున్, స్నేహారెడ్డి ప్రేమ వివాహం చేసుకున్న సంగతి తెలిసిందే. స్నేహాను బన్నీ తొలిచూపులోనే ప్రేమించారు. ఇద్దరూ తమ పెద్దలను ఒప్పించి 2011లో వివాహ బంధంతో ఒక్కటయ్యారు. వీరికి అయాన్, అర్హ ఇద్దరు పిల్లలు. Also Read:
- ..!
Comments
Post a Comment