కొడతావా కొట్రా.. సొహైల్‌-రాజశేఖర్ ‘బిగ్’ ఫైట్

ప్రోమోల్లో ఉన్నంత పస.. బిగ్ బాస్ ఆటలో ఉండటం లేదు కానీ.. రోజూ మాదిరే ఈరోజు కూడా బిగ్ బాస్ ఎపిసోడ్‌కి సంబంధించి మంటపుట్టించే ప్రోమో వదిలారు. కెప్టెన్సీ పోటీదారుల ఎంపిక కోసం ‘కిల్లర్ కాయిన్స్’ అనే టాస్క్ బిగ్ బాస్ హౌస్‌లో మంచి హీట్ మీద సాగుతోంది. పై నుంచి కాయిన్స్ విసరడం.. కింద నుంచి వీళ్లు ఏడుకోవడం.. అడ్డువచ్చినోడ్ని పక్కకు నెట్టేయడం.. తేడాలొస్తే కొట్టేయడం.. ఒళ్లుహూనం అయ్యేలా ఆ కాయిన్స్ కోసం ఇంటి సభ్యులు కొట్టుకుచస్తున్నారు. ఇక ఈవారం ఎలిమినేషన్‌లో ఉన్నానని ఫ్రష్ట్రేషన్ అవుతున్నాడో ఏమో కాని.. సొహైల్ ఓ రేంజ్‌లో విరుచుకుపడుతున్నాడు. ఇప్పటికే అభి, దివి, సుజాతలతో గొడవ వేసుకోగా.. నేటి రాత్రి ఎపిసోడ్‌లో రాజశేఖర్ మాస్టర్‌‌ని ఎక్కువ మాట్లాడితే రెండు పీకుతా అన్నట్టుగా దూసుకుపోతున్నాడు. ఈ గేమ్‌లో దివి-రాజశేఖర్ మాస్టర్ కంబైండ్‌గా ఆటాడుతుండటంతో వాళ్లని నిలువరించే ప్రయత్నం చేస్తున్నాడు సొహైల్. ఏమైందో ఏమో కాని.. ఒకర్నే టార్గెట్ చేసి ఆట ఆడితే కథ వేరేలా ఉంటుందని రాజశేఖర్ మాస్టర్‌కి హెచ్చరించడంతో.. రాజశేఖర్ మాస్టర్ ఏంట్రా కథ వేరే ఉండేది అంటూ దూసుకుని వచ్చాడు.. వద్దు మాస్టర్ వద్దు.. సొహైల్ మీదికి రావడంతో.. ఏంట్రా కొడతావా?? రారా అంటూ సైసై అంటున్నాడు రాజశేఖర్ మాస్టర్’ ప్రోమో అయితే మంచి హీట్‌గానే ఉంది కాని.. అక్కడ విషయం ఏం ఉండదనేది గత ఎపిసోడ్ ప్రోమోలను బట్టి అంచనాకు రావొచ్చు.