Bigg Boss: ఛీ ఛీ.. అదో బ్రతుకేనా? ఇంకొకరి మరుగుదొడ్లు కడుగుతూ! బిగ్‌ బాస్‌‌‌పై యంగ్ హీరోయిన్ షాకింగ్ కామెంట్స్

బుల్లితెర పాపులారిటీ షో బిగ్‌బాస్‌పై నెగెటివ్ కామెంట్స్ రావడం కొత్తేమీకాదు. కాస్టింగ్ కౌచ్ మొదలుకొని షోలో ఇచ్చే టాస్కుల వరకు ఎన్నో అంశాలు వివాదాస్పదం అయ్యాయి. బిగ్‌బాస్‌కి వెళ్లొచ్చిన కంటిస్టెంట్స్ సైతం ఆ షోపై దుమ్మెత్తిపోసిన సందర్భాలున్నాయి. ఇక షోలో పాల్గొనకుండానే బిగ్ బాస్‌‌‌పై విరుచుకుపడిన వారైతే చాలామందే ఉన్నారు. అదే బాటలో ఇప్పుడు తమిళ హీరోయిన్ బిగ్ బాస్‌‌‌పై షాకింగ్ కామెంట్స్ చేసి వార్తల్లో నిలిచింది. ఎన్ని వివాదాలు చుట్టుముట్టినా, నెగెటివ్ కామెంట్స్ వచ్చినా తెలుగుతో పాటు పలు భాషల్లో బుల్లితెరపై హంగామా చేస్తూనే ఉంది బిగ్‌బాస్ ప్రోగ్రాం. ప్రతి ఏడాది కొత్త కొత్త పార్టిసిపెంట్స్, సరికొత్త టాస్కులతో అలరిస్తోంది. ఇప్పటికే తెలుగులో బిగ్‌బాస్ సీజన్ 4 స్టార్ట్ కాగా.. తమిళ బిగ్‌బాస్ ప్రారంభానికి అన్ని ఏర్పాట్లు జరుగుతున్నాయి. అక్కడ కూడా సీజన్ 4 గానే ప్రేక్షకుల ముందుకు రాబోతున్న ఈ షోకు ఎప్పటిలాగే కమల్ హాసన్ హోస్ట్‌గా వ్యవహరించనున్నారు. Also Read: ఈ క్రమంలో తమిళ బిగ్‌బాస్ సీజన్ 4లో పాల్గొనబోయే కంటిస్టెంట్స్ లిస్ట్ ఇదే అంటూ సోషల్ మీడియాలో కొందరి పేర్లు ప్రచారంలోకి వచ్చాయి. ఇందులో హీరోయిన్ లక్ష్మీ మీనన్ కూడా పార్టిసిపేట్ చేయనున్నట్లు టాక్ రావడంతో ఆమె వెంటనే ఘాటుగా రియాక్ట్ అయింది. తాను బిగ్‌బాస్ పాల్గొనడం లేదని చెబుతూనే ఈ షోపై సంచలన వ్యాఖ్యలు చేస్తూ రెచ్చిపోవడం సినీ వర్గాల్లో హాట్ టాపిక్ అయింది. తాను బిగ్‌బాస్ సీజన్ 4లో పాల్గొనడం లేదని.. అందులో పాల్గొని ఇతరుల ప్లేట్లు కడగడం, టాయ్‌లెట్లు శుభ్రం చేయడం లాంటి పనులు చేయనని చెప్పింది లక్ష్మీ మీనన్. అలాంటి దుస్థితి కూడా తనకు పట్టలేదంటూ బిగ్‌బాస్ పరువు తీసేసింది. దీంతో ఆమె చేసిన ఈ వ్యాఖ్యలు, కంటిస్టెంట్స్‌కి బిగ్‌బాస్ ఇస్తున్న టాస్కులపై జనాల్లో చర్చ మొదలైంది. సో.. చూడాలి మరి ఇప్పటికే పాల్గొన్న కంటిస్టెంట్స్ ఎవరైనా లక్ష్మీ మీనన్ కామెంట్స్‌పై రియాక్ట్ అవుతారా? లేదా.. అనేది. 'వేదాళం' సినిమాలో అజిత్ సోదరిగా నటించి క్రేజ్ కొట్టేసిన లక్ష్మీ మీనన్.. పలు తమిళ సినిమాలతో భారీ పాపులారిటీ కూడగట్టుకుంది. అలాంటి ఈ హీరోయిన్ బిగ్ బాస్‌‌‌పై ఇలా మాట్లాడటం చూసి తమిళ సినీ వర్గాలు షాకయ్యాయి. ఇదిలాఉంటే మరో హీరోయిన్ మీరా మిథున్ బిగ్‌బాస్‌ని అడ్డుకుంటానని శపథం చేస్తుండటం ఈ షో ప్రారంభంపై అనుమానాలు రేకెత్తిస్తోంది.