పర్సనల్ లైఫ్‌ని ఫింగరింగ్ చేయకుండా ఉండటమే ప్రేమ.. పూరీ ప్రేమ పాఠం వినాల్సిందే
వహ్ వా.. ప్రేమ అంటే ఇదా?? ఇలా ప్రేమించాలా?? దీన్ని ప్రేమ అంటారా?? పలానా దాన్ని ప్రేమని అనరా?? ఒకసారి పూరీ చెప్పిన ప్రేమ పాఠం వింటే మనలో ఉన్నది ప్రేమేనా?? మనం ప్రేమిస్తున్నామా లేక ఏదైనా ఆశిస్తున్నామా? అసలు ప్రేమంటే ఏంటి అన్న దానికి ఫుల్ క్లారిటీ వచ్చేస్తుంది. లాక్ డౌన్‌లో రకరకాల అంశాలపై ఆడియో సందేశాలను ఇస్తున్న పూరీ.. తాజాగా లవ్ గురించి మాట్లాడుతూ అసలు లవ్ అంటే ఏంటి? ఎలా ప్రేమించాలి అన్న దానిపై యూట్యూబ్‌లో ఆడియో విడుదల చేశారు. పూరీ మాట్లాడుతూ.. ప్రేమ అంటే ఎప్పుడూ వేరే వ్యక్తి కోసమే అనుకుంటాం.. మన ప్రేమ ఎప్పుడూ మరెవరి కోసమేనా.. మన కోసం కాదా?? మనకు ఉన్న ఎక్స్ పీరియన్స్ వల్ల లవ్ అంటే కన్ ఫ్యూజన్ వచ్చేసింది. నీలో ప్రేమ ఉన్నది ఒకరికి ఐ లవ్యూ చెప్పడం గురించే కాదు.. లవ్ అనేది నీ క్వాలిటీ అయ్యి ఉండాలి. ఎక్కడ ఉన్నా.. ఎవరితో ఉన్నా.. ఒంటరిగా ఉన్నా.. నీలో ఉన్న లవ్ ఫ్లో అవుతూ ఉండాలి. నీ నుండి వచ్చే సువాసన అయ్యి ఉండాలి. అలా ఉంటే.. నీ భార్యతో ఉన్నప్పుడు భార్యను ప్రేమిస్తావ్.. తల్లితో ఉంటే తల్లిని ప్రేమిస్తావ్.. నేచర్‌తో ఉంటే నేచర్‌ని ప్రేమిస్తావ్.. ప్రేమ అనే సముద్రం నీలో ఉండాలి. అప్పుడు నీ ప్రేమ నీ చుట్టూ ఉన్నవాళ్లకే కాక ప్రపంచం అంతా రీచ్ అవుతుంది. మన అవసరాలన్నీ ఒక డబ్బాలో వేసి దానికి లవ్ అని పేరు పెడుతున్నాం. ప్రేమ అడ్డం పెట్టుకుని అవతల వ్యక్తిని డామినేట్ చేయడానికి చూస్తున్నాం. నా కళ్లల్లోకి చూసి చెప్పు.. లవ్ చేస్తున్నావా లేదా.. లవ్ చేస్తున్నావ్ కదా.. ఇలా అవతల వ్యక్తిని భయపెట్టేసి వాళ్లని ఎక్స్ ప్లాయిడ్ చేసే పనిలో ఉన్నాం. లవ్ అనేది పాలిటిక్స్‌లా తయారైంది. ఓషో చెప్పాడు.. పువ్వుతో ప్రేమలో ఉన్నప్పుడు దాన్ని కోయవద్దని.. తెంపేయడమే మన ప్రేమ అనుకుంటాం. అందుకే అది వాడిపోతుంది. ప్రేమించడం అంటే అవతల వ్యక్తిని తెంపడం కాదు.. రెస్పెక్ట్ ఇవ్వడం. వాళ్ల ప్రైవసీని డిస్ట్రబ్ చేయకుండా ఉండటం. వాళ్ల పర్సనల్ లైఫ్ ని ఫింగరింగ్ చేయకుండా ఉండటం. ఇలా ఉండగలమా? ఉండలేం. అందుకే మనం ప్రేమిస్తుంటే అవతలి వాళ్లు భయపడి పారిపోతున్నారు. ఒక ఆడ సింహం, మగ సింహం సైలెన్స్‌గా మాట్లాడకుండా కూర్చోగలుగుతాయి. జంట పక్షులు మాట్లాడకుండా కొమ్మలపై గంటల గంటలు కూర్చుంటాయి. మరి మనం.. ‘ఏయ్ ఏంటి?? ఎంతసేపైనా ఒక్క మాటా మాట్లాడవేంటి?? నేను బోర్ కొట్టేశానా? ఏదోటి మాట్లాడు... చెప్పు.. చెప్పు.. ఐ లవ్ వ్యూ అని అరుస్తాం. ఆ అరుపులో ప్రేమ ఉండదు.. ఫ్రస్టేషన్, కోపం, చిరాకు మాత్రమే ఉంటాయి. జంతువులు ఏదో ఎక్స్ పెక్ట్ చేసి.. కూర్చోవు. జస్ట్ కూర్చుంటాయి అంతే. మనకి ఉన్న వంద ఎక్స్ పెక్టేషన్స్‌కి మనం పెట్టుకున్న పేరు ప్రేమ. అందుకే ప్రేమ నరకం అయిపోయింది. కాబట్టి లవ్ అనేది మన స్టేటస్ మైండ్ అవ్వాలి. ఇలాంటి మైండ్ సెట్ మనకు ఉంటే.. అన్ని రిలేషన్స్‌లో బాగుంటాం.. అందర్నీ ప్రేమించగలుగుతాం. లవ్‌లో డౌట్స్ ఉండవు.. లేనిపోని అనుమానాలు ఉండవు. ఐ లవ్ యూ ఐ లవ్ యూ అని ఒకరికొకరు చెప్పుకోవాల్సిన అవసరం లేదు. ఇద్దరూ లవ్ చేయడం అనే స్టేటస్ మైండ్‌లో ఉండండి.. అంతకంటే మంచి రిలేషన్ ఇంకొకటి ఉండదు. ఏమీ ఎక్స్ పెక్ట్ చేయకుండా.. ఒక మనిషికి ఐ లవ్ యూ చెప్పగలరో లేదో చెక్ చేసుకోండి. మొక్కను ప్రేమిస్తే నీళ్లు పోయాలి.. కుక్కను ప్రేమిస్తే తిండిపెట్టాలి. లవ్ ఈజ్ రెస్పాన్సిబిలిటీ.. అండ్ లవ్ టేక్స్ రెస్పాన్సిబిలిటీ. అంతేతప్ప లవ్ అనేది భారం కాకూడదు. మొబైల్‌లో ఏం చేస్తున్నావ్.. నీ వాట్సాప్ చూపించు.. చూపిస్తావా? లేదా?? ఇలాంటి లవ్‌లు వద్దు మనకు. ఇలా డామినేట్ చేసుకోవడం లవ్ కాదు.. దయచేసి అవసరాల కోసం ప్రేమించవచ్చు.. ప్రేమించడం మీ క్యారెక్టర్ అయ్యి ఉండాలి. లవ్ అనేది అనేది మీ వైఫై కావాలి. లవ్ అంటే రెస్పెక్ట్’ అంటూ ప్రేమ పాఠాలను తనదైన మార్క్ స్టైల్‌లో అద్భుతంగా చెప్పారు .
Comments
Post a Comment