RGV: పవన్‌పై వర్మ సినిమా తీస్తే తప్పేంటి? వర్మ గ్రేట్: ప్రకాష్ రాజ్ షాకింగ్ కామెంట్స్
టాలీవుడ్‌లో వరుస వివాదాలను రాజేస్తున్న వివాదాస్పద దర్శకుడు రామ్ గోపాల్ వర్మ‌పై ఆసక్తికరమైన కామెంట్స్ చేశారు విలక్షణ నటుడు ప్రకాష్ రాజ్. ప్రముఖ యాంకర్ రోజాకి ఇచ్చిన ఇంటర్వ్యూలో మాట్లాడుతూ.. నా దృష్టిలో అద్భుతమైన వ్యక్తి. ఆయన ఏదో పవన్ కళ్యాణ్‌ని ఉద్దేశించి ‘పవర్ స్టార్’ సినిమా తీశాడని అంటున్నారు.. చాలా మంది అయితే ఆ సినిమా క్లైమాక్స్‌లో పవన్ గురించి బాగా చెప్పారని అంటున్నారు. ఆయన ఆలోచన ఆయనది. వర్మకి చెప్పే హక్కు ఉంది. ఆయన్ని జడ్జిమెంట్ చేయలేం. ఆయన అలా.. మనం ఇలా అంతే. అంతకీ వర్మ నచ్చకపోతే ఆయన తీసిన సినిమాలు చూడకండి సింపుల్ అంతే.. ఆయన ఏదో తీశాడనే అనుకుందాం.. మీరు ఎందుకు అందులోకి తొంగి చూస్తున్నారు. నిజం చెప్పాలంటే రామ్ గోపాల్ వర్మకి ఉన్నంత తెలివి.. రామ్ గోపాల్ వర్మకి ఉన్నంత జ్ఞానం.. అతని దగ్గర ఉన్నంత ఇన్ఫర్మేషన్ ఎవరి దగ్గరా చూడలేదు. అతను గ్రేట్.. నేను ఆయనతో సినిమాలు చేయలేదు కాని.. అతని గురించి నాకు తెలుసు. అతని క్యారెక్టర్, పర్శనల్ విషయాల గురించి నేను మాట్లాడాలని అనుకోవడం లేదు. ఆయన దగ్గర కూర్చుంటే నాకు తెలుసుకోవడానికి ఎన్ని విషయాలు ఉన్నాయి.. నేను పంచుకోవడానికి ఎన్ని విషయాలు ఉన్నాయి అనేది మాత్రమే చూస్తారు. అతను ఏం చేసినా నేను రెస్పెక్ట్ చేస్తాను. అతను మ్యాడ్ కాదు.. బ్యాడ్ మేన్ కాదు. కాకపోతే కాస్త విచిత్రంగా విశిష్టంగా తనదే ఒక బాణిలో ఆలోచించే దర్శకుడు అతను. అతన్ని అలా వదిలేయండి. ఒక లైన్ దాటితే ఎవరైనా పరిస్థితుల్ని అతనే ఫేస్ చేస్తాడు. అతను లైన్ దాటడనే నేను అనుకుంటాను. రామ్ గోపాల్ వర్మ.. పవన్ కళ్యాణ్‌పై సినిమా తీసినంత మాత్రాన ఒక్క పర్శంట్ కూడా పవన్ ఇమేజ్ తగ్గదు. పవన్ పెద్ద స్టార్. అతని స్ట్రెంత్ అతనికి ఉంది.. ఇతని స్ట్రెంత్ ఇతనికి ఉంది. ఎవరి అభిప్రాయాలు వాళ్లకి ఉంటాయి. మధ్యలో మనం జడ్జ్ చేయలేం. క్రాసింగ్‌ ది లైన్ చూడాలి.. సినిమా చూడండి.. లైన్ క్రాస్ చేస్తే అప్పుడే నిలదీయండి. అప్పుడు తప్పుకాదు. వర్మ వెర్షన్ ఆయన చెప్పాడు.. చెప్పనీయండి.. ఆయన మీద పవన్ ఫ్యాన్స్ ఇంకో సినిమా తీశారు.. వాళ్లు కూడా తీసుకోనీయండి.. ఏమైంది ఇప్పుడు.. ఒకర్నొకరు కొట్టుకోవడం తిట్టుకునే వయెలెన్స్ కంటే ఇదే బెటర్. హెల్తీ సొసైటీలో భిన్నాభిప్రాయాలనేవి ఉండాలి’ అంటూ ఆసక్తికరమైన కామెంట్స్ చేశారు ప్రకాష్ రాజ్.
Comments
Post a Comment