ఐదేళ్ల సహజీవనం.. ప్రముఖ సింగర్‌‌తో గబ్బర్ ‘సింగ్’ విలన్ పెళ్లి

సర్దార్ గబ్బర్ సింగ్, కిక్, జిల్ చిత్రాల్లో ప్రతినాయకుడిగా మెప్పించి తెలుగు ప్రేక్షకులకు చేరువైన కబీర్ దుహాన్ సింగ్ పెళ్లి పీటలు ఎక్కబోతున్నాడు. తెలుగుతో పాటు తమిళ్, హిందీ భాషల్లో విలన్‌గా మెప్పిస్తున్న గత కొన్నేళ్లేగా ప్రముఖ సింగర్ డాలీ సింధూతో సహజీవనం చేస్తున్నారు. స్నేహితురాలి ద్వారా పరిచయం అయిన డాలీ-కబీర్‌ల మధ్య స్నేహం చిగురించి అది ప్రేమగా మారింది. దీంతో పెళ్లి చేసుకోవాలని నిశ్చయించుకున్న వీరు.. గత ఐదేళ్లుగా సహజీవనం చేస్తున్నారు. జూన్‌లో ఎంగేజ్‌మెంట్ చేసుకున్న డాలీ-కబీర్ జంట త్వరలో పెళ్లిపీటలు ఎక్కేందుకు ముహూర్తం ఫిక్స్ చేసుకున్నారు. డిసెంబర్‌లో తాము పెళ్లి చేసుకోబోతున్నట్టు వెల్లడించారు కబీర్.. ముంబైలో సాంప్రదాయ పద్దతిలో పెళ్లి చేసుకుని ఢిల్లీలో రిసెప్షన్‌కి ప్లాన్ చేస్తున్నారట. కరోనా నేపథ్యంలో నిరాడంబరంగానే కొద్దిమంది సమక్షంలో ఈ వివాహం జరగబోతున్నట్టు తెలిపారు. నిజానికి ఈ నవంబర్‌లో గోవాలో డిస్టినేషన్ పద్దతిలో పెళ్లి చేసుకోవాలని అనుకున్నారని.. అయితే కరోనా పరిస్థితుల నేపథ్యంలో పెళ్లిని మరికొంతకాలం వాయిదా వేసినట్టు చెప్పుకొచ్చారు కబీర్ సింగ్.