వర్మ ‘థ్రిల్లర్’ ట్రైలర్: 9 భాషల్లో విడుదల.. డేట్, టైమ్ ఫిక్స్

సెన్సేషనల్ డైరెక్టర్ వరుస సినిమాలతో ఆడియన్స్‌కు ఎంటర్‌టైన్మెంట్‌ను అందిస్తున్నారు. ఈ లాక్‌డౌన్ సమయంలో సినిమా ఇండస్ట్రీ మొత్తం సంక్షోభంలో ఉంటే.. వర్మ మాత్రం వరుస సినిమాలతో దూసుకుపోతున్నారు. తక్కువ నిడివి గల సినిమాలు తీస్తూ వాటిని ఆన్‌లైన్‌లో విడుదల చేస్తూ డబ్బులు చేసుకుంటున్నారు. ఇప్పటికే ‘క్లైమాక్స్’, ‘నగ్నం’, ‘పవర్ స్టార్’ సినిమాలను వర్మ విడుదల చేశారు. ఇంకా చాలా సినిమాలు వర్మ దగ్గర ఉన్నాయి. వాటిలో ఒకటి ఇప్పుడు విడుదలకు సిద్ధమవుతోంది. అదే ‘థ్రిల్లర్’. Also Read: అప్సర రాణి, రాక్ కచ్చి జంటగా నటించిన ఈ రొమాంటిక్ మూవీకి ఇప్పటికే కావాల్సినంత ప్రచారం చేసేశారు వర్మ. హీరోహీరోయిన్లతో నగ్నంగా ఫొటోషూట్ చేసి సెన్సేషన్ క్రియేట్ చేశారు. ఈ మూవీ ట్రైలర్‌ను రేపు (జులై 30న) ఉదయం 11 గంటలకు వర్మ విడుదల చేస్తున్నారు. మొత్తం 9 భాషల్లో ఈ ట్రైలర్ విడుదలవుతోంది. తెలుగుతో పాటు హిందీ, తమిళం, కన్నడ, మలయాళం, మరాఠి, భోజ్‌పురి, గుజరాతి, ఒడియా భాషల్లో విడుదల చేస్తున్నారు. త్వరలోనే సినిమాను కూడా విడుదల చేయనున్నట్టు వర్మ ట్వీట్ చేశారు. ఆర్జీవీ వరల్డ్ థియేటర్, శ్రేయాస్ ఈటీ ప్లాట్‌ఫాంలలో ఈ సినిమాను విడుదల చేస్తున్నారు. ఇదిలా ఉంటే, వర్మ మంగళవారం ‘మర్డర్’ ట్రైలర్‌ను విడుదల చేశారు. తెలుగు రాష్ట్రాల్లో సెన్సేషన్ క్రియేట్ చేసిన ప్రణయ్ హత్య కథతో ఈ సినిమాను రూపొందిస్తున్నారు. ‘మర్డర్’ ట్రైలర్‌కు మంచి స్పందన వస్తోంది. ఈ సినిమాను థియేటర్లలోనే విడుదల చేయనున్నట్టు నిర్మాతలు స్పష్టం చేశారు. ఆనంద్ చంద్ర దర్శకత్వంలో రూపొందుతోన్న ‘మర్డర్’ సినిమాను నట్టీస్ ఎంటర్‌టైన్మెంట్, క్విటీ ఎంటర్‌టైన్మెంట్ పతాకాలపై అనురాగ్ కంచర్ల సమర్పణలో నట్టి కరుణ, నట్టి క్రాంతి నిర్మిస్తున్నారు. శ్రీకాంత్ అయ్యంగార్, సాహితి, భార్గవి ప్రధాన పాత్రలు పోషిస్తున్నారు. ఈ సినిమా విషయంలో ఇప్పటికే వైశ్యులు వర్మపై కేసులు పెడుతున్నారు.