Surekha Vani: సురేఖవాణి, హేమ.. కూతుళ్లతో రచ్చ, హీరో బాలేకపోతే డైలాగ్ చెప్పరట ఈ డాటర్స్
సీనియర్ క్యారెక్టర్స్ ఆర్టిస్ట్‌‌లు హేమ, సురేఖ వాణిలు తమ కూతుళ్లతో సందడి చేస్తున్నారు. యాంకర్ సుమ హోస్ట్ చేసే పాపులర్ ఎంటర్ టైన్మెంట్ షో క్యాష్‌లో కూతుళ్లతో కలిసి బుట్టబొమ్మ బొట్టబొమ్మ అంటూ నడుముల్ని గింగిరాలు తిప్పుతూ క్యాష్ స్టేజ్‌పై స్టెప్పులు వేస్తున్నారు ఈ బ్యూటీ మమ్మీలు. వచ్చే వారానికి (జూలై 20) సంబంధించిన క్యాష్ ప్రోమోను విడుదల చేయగా.. ఇందులో కూతురు సుప్రిత, హేమ కూతురు ఇషాలు స్పెషల్ అట్రాక్షన్‌గా నిలిచారు. బుట్ట బొమ్మ బుట్ట బొమ్మ సాంగ్‌కి యాంకర్ సుమతో కలిసి అదిరిపోయే స్టెప్పులు వేస్తూ ఎంట్రీ ఇచ్చారు. ఈ ప్రోమోలో.. ‘ఏ యాంగిల్‌లో చూసుకున్నా.. మీరసలు తల్లీ కూతుళ్లులా ఉన్నారా? అని యాంకర్ సుమ అడగ్గా.. మీ పిల్లల్ని పక్కన పెడితే మీరూ అలాగే ఉంటారు అంటూ పంచ్ వేసింది సురేఖ వాణి. ఇంతకీ మిమ్మల్ని అక్కా అనాలా? ఆంటీ అనాలా? ఫ్రెండ్ అనాలా? అని యాంకర్ సుమని సురేఖ వాణి కూతురు సుప్రిత అమాయకంగా అడగ్గా.. ‘ఏదోటి అనమ్మా’? అంటూ తనదైన శైలిలో చెప్పింది సుమ. మీరు ఈ జనరేషన్‌ని ఆ జనరేషన్‌ని కవర్ చేసేలా ఉన్నారని సురేఖ వాణి.. సుమని ఉద్దేశించి అనగా మీరు ఆ తరువాత జనరేషన్‌ని కూడా కవర్ చేస్తారని పంచ్ పేల్చింది. ఈ తల్లీ కూతుళ్ల ర్యాంప్ వాక్.. దేవతల గురించి చెప్పుకోలేం కదా అంటూ సురేఖా వాణిపై ఆమె కూతురు వేసిన పంచ్.. దానికి సురేఖా వాణి ఎక్స్ ప్రెషన్.. నా దగ్గరకు కరోనా ఎందుకు రావడం లేదు అనుకుంటున్నారు.. ఇందుకే రావడం లేదని సుప్రియని ఉద్దేశించి సురేఖా వాణి అనడం వీరిద్దరి మధ్య రచ్చ మామూలుగా లేదు. ఇంతకీ మీ ఇద్దరిలో ఎవరు లేజీగా ఉంటారని సుమ అడగడంతో.. ‘మా అమ్మ.. అస్సలు పనిచేయదు’ అని సురేఖ వాణి కూతురు అనడంతో.. ‘హమ్మ బాబోయ్.. జనాలు నిజం అనుకుంటారే’!! అంటూ తెగనవ్వేసింది. ఇక సుమ వీరితో బాస్కెట్ బాల్ ఆడిస్తూ.. గోల్ పడని వాళ్లతో బ్రేకింగ్ న్యూస్ ఆట ఆడుకుంది. బోయపాటి, అనీల్ రావిపూడిలు ఆఫర్ ఇస్తే ఎవరితో చేస్తారని సుమ అడగ్గా బోయపాటితో చేస్తా అని ఆన్సర్ ఇచ్చింది సురేఖ వాణి. దీన్ని బ్రేకింగ్‌గా చదివి ఓ ఆట ఆడుకుంది సుమ. ఇక సురేఖ వాణి కూతురు సుప్రితకు సుమ ఓ డైలాగ్ ఇచ్చి డైలాగ్ చెప్పమనగా.. సురేఖ వాణి కల్పించుకుని ‘హీరో బాగున్నాడా’ అని అడుగడం.. దానికి సుప్రిత దరిద్రంగా ఉన్నాడని చెప్పడంతో ‘హీరో బాలేకపోతే మా అమ్మాయి డైలాగ్ చెప్పదు’ అంటూ పంచ్ వేసింది. చివర్లో అమ్మ గురించి ఓ రెండు మాటలు చెప్పాలని సుప్రిత, ఇషాలను సుమ అడగడంతో చాలా ఎమోషనల్‌గా చెప్పారు. ‘మేం ఇద్దరం ఒక్కటే నేను ఎంత చెత్త పనిచేసినా.. నా బిగ్గెస్ట్ స్ట్రెంత్ అండ్ వీక్ నెస్ కూడా అమ్మే’ అంటూ ఎమోషనల్ అయ్యింది సురేఖ వాణి కూతురు సుప్రిత. ఇక హేమ కూతురు ఇషా మాట్లాడుతూ.. ‘నాకంటే ఇంట్లో మా అమ్మే ఎక్కువ అల్లరి చేస్తుంది. అమ్మ నాతో ఫ్రెండ్లీగా ఉంటుంది.. కోపం వస్తే కరుస్తా అంటూ సెట్‌లో హేమమ్మ బుగ్గ కొరికింది ఈ ముద్దుల కూతురు. తాజా ప్రోమోపై మీరూ ఓ లుక్కేయండి. Photo And Video Courtesy Mallemala
Comments
Post a Comment