మహేష్ బాబు కూతురు సితార చిన్ననాటి ఫోటోలు వైరల్

కరోనా కారణంగా విధించిన లాక్ డౌన్‌తో సినీ సెలబ్రిటీలు సైతం ఇళ్లకే పరిమితం అయ్యారు. షూటింగులు నిలిపివేయడంతో సరదాగా తమ కుటుంబంతో గడుపుతున్నారు. ఇక సోషల్ మీడియాలో కూడా యాక్టివ్‌గా ఉంటూ... ఎప్పటికప్పుడు తమ అభిమానుల కోసం అప్ డేట్స్ అందిస్తున్నారు. అండ్ ఫ్యామిలీ సోషల్ మీడియాలో చాలా యాక్టివ్‌గా ఉన్నారు. తాజాగా సూపర్ స్టార్ మహేష్ భార్య నమత్ర తమ గారాల పట్టి సితారకు సంబంధించిన చిన్న నాటి ఫోటోల్ని షేర్ చేశారు. షేర్ చేసిన ఫోటోల్లో సితార మరింత ముద్దుగా కనిపిస్తోంది. నుదుటిన పెద్ద బొట్టుతో పాటు.. రకరకాల ఎక్స్‌ప్రెషన్స్‌తో సితార ఫోటోలు మరింత క్యూట్‌గా ఉన్నాయి. వీటిని చూసిన నెటిజన్స్ కూడా సరదాగా ఫీల్ అవుతున్నారు. కొద్ది రోజులుగా సితార తన తండ్రి సినిమా పాటలకి డ్యాన్స్ చేస్తూ.. ఫన్ వీడియోలు చేస్తూ నెటిజన్స్‌ని సితార అలరిస్తున్న విషయం కూడా తెలిసిందే. ఇక మహేష్, నమ్రత కూడా సితార, గౌతమ్‌తో కలిసి చేసే సందడికి సంబంధించిన ఫోటోలు, వీడియోలు కూడా సోషల్ మీడియాలో ఎప్పటికప్పుడు షేర్ చేస్తున్నారు. ఇటు మహేష్ కూడా సోషల్ మీడియాలో సామాజిక అంశాల పట్ల కూడా స్పందిస్తూ వస్తున్నారు. భారత్ పై చైనా దాడులు, సుశాంత్ ఆత్మహత్య, అమెరికాలో జాత్యాహంకార దాడుల విషయంపై కూడా మహేష్ ట్వీట్లు పెట్టారు. మహేష్ ప్రస్తుతం పరుశురామ్ డైరెక్షన్‌లో సర్కార్ వారి పాట సినిమాలో నటిస్తున్నారు. కరోనా కారణంగా ఈ సినిమా షూటింగ్ నిలిచిపోయింది. మహేష్ తండ్రి కృష్ణ బర్త్ డే సందర్భంగా ఇటీవలే ఈసినిమాకు సంబంధించిన స్టిల్స్‌ను కూడా విడుదల చేశారు.