అక్కినేని ఫ్యాన్.. గడుగ్గాయి.. సమంతకే షాక్ ఇచ్చాడు!!
సినిమా స్టార్స్ సాధారణంగా సోషల్ మీడియా ద్వారా ఫ్యాన్స్ అందరికీ కలిపి హాయ్‌లు చెబుతూ ఉంటారు. అభిమానులను ఉద్దేశించి ట్వీట్లు, పోస్టులు పెడుతూ ఉంటారు. తమ క్రియేటివిటీతో బాగా మెప్పించే అభిమానుల ట్వీట్లను లైక్ చేస్తూ ఉంటారు. తమ అభిమాన హీరోతో లేదంటే హీరోయిన్‌తో ట్విట్టర్‌లో లైక్ కొట్టించుకోవాలన్నా, రీట్వీట్ చేయించుకోలన్నా ఆ ఫ్యాన్ చేసే ట్వీట్‌లో మంచి స్టఫ్ ఉండాలి. కానీ, ఓ అక్కినేని అభిమాని సమంతకు అదిరిపోయే షాక్ ఇచ్చాడు. తాను చేసిన ట్వీట్‌ను సమంతతో ఎలా అయినా రీట్వీట్ చేయించుకోవడానికి తన బుర్రకు పనిచెప్పాడు. ‘‘నా కన్నా చైతన్యను మీరు ఎక్కువగా ప్రేమిస్తే రీట్వీట్ చేయండి’’ అని సమంతను ట్యాగ్ చేసి ట్వీట్ చేశాడు. ఇలాంటి ఆఫర్ ఇచ్చాక సమంత రీట్వీట్ చేయకుండా ఉంటారా? చేశారు. దీంతో మిగిలిన ఫ్యాన్స్ అతడిని ‘ఇంటెలిజెంట్ ఫెలో’ అంటూ సరదాగా ప్రశంసిస్తున్నారు. శుక్రవారం సమంత ట్విట్టర్ ద్వారా తన అభిమానులతో ముచ్చటించారు. అభిమానులు అడిగిన పలు ప్రశ్నలకు సమాధానాలు ఇచ్చారు. తనకు ఇష్టమైన సినిమాల గురించి, క్వారంటైన్ పీరియడ్‌లో గడిపిన విషయాల గురించి, తన అత్తమ్మ అమల గురించి, ఇలా చాలా విషయాలే పంచుకున్నారు. వాటిలో కొన్ని మీకోసం.. ✦ మీకు ఎప్పటికీ బాగా ఇష్టమైన సినిమా ఏది? ది సౌండ్ ఆఫ్ మ్యూజిక్.. చిన్న నాటి నుంచీ ఇష్టం. ✦ రానా, మిహీకా రిలేషన్‌షిప్ గురించి ఒక్క మాటలో చెప్పండి. లవ్ ఎమోజీతో జవాబు ఇచ్చారు. ✦ ఈ క్వారంటైన్‌లో మీరు నేర్చుకున్న గొప్ప విషయం ఏంటి? నువ్వు నీ కల వెంట పరుగెత్తాల్సిన అవసరం లేదు.. ఆ కల ఇంట్లో కూడా ఉంటుంది... కుటుంబంతో.. ✦ ఈ లాక్‌డౌన్‌లో మీరు నేర్చుకున్న కొత్త వంట ఏదైనా ఉంటే చెప్పండి. షక్‌ షుకా ✦ రామ్‌ చరణ్‌, ఉపాసన గురించి కొన్ని మాటలు చెప్పండి. వాళ్లంటే నిజంగా నాకు చాలా ఇష్టం. ✦ టీ, కాఫీలో మీకు ఏది ఇష్టం? బ్లాక్ కాఫీ ✦ మీ నార్త్ ఇండియన్ ఫ్యాన్స్ కోసం కొత్తగా ఏం చేస్తున్నారు.. ‘ఫ్యామిలీ మ్యాన్ 2’ కోసం వేచి చూస్తున్నాం. నేను కూడా వేచి చూస్తు్న్నా.. ఉత్కంఠతో ✦ నాగ చైతన్య గురించి ఒక్క మాటలో చెప్పండి. సంతోషం ✦ అమల మేడమ్ గురించి చెప్పండి. ఫ్రెండ్, గైడ్ ✦ రష్మిక మందనలో మీకు నచ్చిన విషయం ఆమె చాలా కష్టపడుతుందని నేను అనుకుంటున్నాను.. ఆ డ్యాన్స్ స్టెప్పుల కోసం ✦ జిమ్‌లో ఎక్కువ సమయం ఎవరు గడుపుతారు? మీరా లేక చైతన్యనా? కచ్చితంగా చైతన్యనే. నేను చేస్తున్నట్టు నటిస్తా. ✦ మామిడి పండ్లు తింటున్నారా? ప్రతిరోజూ రెండు
Comments
Post a Comment