Allu Arjun: అల్లు బ్రదర్స్ విడిపోయారా? ఈ సెలబ్రేషన్స్ చూసి ఆ మాట అనగలరా?

ఈరోజు (మే 30) అల్లు వారి చిన్నబ్బాయి పుట్టిన రోజు. దీంతో ఫ్యామిలీతో కలిసి హ్యాపీగా బర్త్ డే సెలబ్రేషన్స్ నిర్వహించుకున్నారు. తన అన్నలు , అల్లు బాబీలతో పాటు తన వదినలు, పిల్లలు, అల్లు అరవింద్ సతీ సమేతంగా ఈ బర్త్ డే సెలబ్రేషన్స్‌లో పాల్గొన్నారు. స్వయంగా బన్నీ భార్య స్నేహా రెడ్డి మరిది కోసం కేక్ తయారుచేసి తీసుకువచ్చిందని తెలియజేస్తూ.. ఫ్యామిలీతో కలిసి దిగిన ఫొటోని షేర్ చేశారు అల్లు శిరీష్. ఇదిలా ఉంటే ప్రస్తుతం అల్లు శిరీష్ ఫ్యామిలీకి దూరంగా ఉంటున్నారు. ఇటీవలే సొంతంగా సెపరేట్ హౌస్ కొన్న అల్లు శిరీష్ ఆ కొత్త ఇంటికి షిప్ట్ అయ్యాడు. అయితే ఇటీవల అల్లు వారి అబ్బాయిలకు ఆస్తి పంపకాలు జరిగాయని వార్తలు రాగా.. ఆ పంపకాల్లో భాగంగా అల్లు శిరీష్ తన తట్టా బుట్టా చేత పట్టుకుని బయటకు వెళ్లిపోయాడు.. ఒంటరి వాడు అయిపోయాడు.. అయ్యో పాపం.. అంటూ ప్రముఖ వెబ్ సైట్స్‌లో కథనాలు వచ్చాయి. ఇష్టపడి కొనుక్కున్న ఇంటికి వెళ్లిన పాపానికి అల్లు శిరీష్‌కి తన ఫ్యామిలీతో చెడిందంటూ రూమర్స్ క్రియేట్ చేశారు. నిజానికి అల్లు శిరీష్ హీరోగా రెండు మూడు సినిమాల్లో నటించినప్పటికీ నిర్మాణ రంగంపైనే ఎక్కువ ఫోకస్ పెట్టారు. అందుకు అనుగుణంగా ఉండేందుకు అతను నచ్చినట్టుగా ఆఫీస్ అండ్ హౌస్ పర్పస్‌లో సొంతంగా ఓ కొత్త ఇంటిని నిర్మించుకున్నాడు. అలా కొత్త ఇంటికి షిఫ్ట్ కావడంతో అల్లు శిరీష్‌పై రకరకాల రూమర్స్ పుట్టుకొచ్చాయి. మొత్తానికి తన బర్త్ డే సందర్భంగా.. అల్లు ఫ్యామిలీ అంతా ఒకటే అని తెలియజేస్తూ తన ఫ్యామిలీతో కలిసి దిగిన ఫొటోని షేర్ చేసి రూమర్స్‌కి చెక్ పెట్టారు అల్లు శిరీష్. ఇక అల్లు అర్జున్ అయితే తన తమ్ముడు అంటే ఎంత ప్రేమో తెలియజేస్తూ.. ఈ ప్రపంచంలో నువ్ ఎప్పుడూ నా ఫేవరేట్ బేబీవి అంటూ తమ్ముడితో కలిసి దిగిన చిన్ననాటి ఫొటోతో ఎమోషనల్ పోస్ట్ పెట్టారు. సో.. అల్లు బ్రదర్స్ విడియారంటూ ప్రచారం చేసిన వాళ్లు ఈ సెలబ్రేషన్స్ చూసి ఆ మాట అనగలరా అంటూ అల్లు హీరోల ఫ్యాన్స్ ప్రశ్నిస్తున్నారు.