భారతదేశం నివ్వెరబోయేలా సీఎం కేసీఆర్.. ముఖ్యమంత్రిపై బండ్ల గణేష్ కామెంట్స్

గత ఎన్నికల్లో 7'O క్లాక్ బ్లేడు టాపిక్‌తో ఫుల్లుగా ఎంటర్‌టైన్ చేసిన .. ప్రస్తుతం సోషల్ మీడియాలో యాక్టివ్ రోల్ పోషిస్తూ తెలంగాణ సీఎం కేసీఆర్‌పై కామెంట్స్ చేస్తున్నారు. కరోనా నివారణలో భాగంగా తీసుకుంటున్న నిర్ణయాలపై ఇటీవల పాజిటివ్‌గా స్పందించిన ఆయన, తాజాగా మరోసారి ముఖ్యమంత్రిపై ప్రశంసలు గుప్పిస్తూ ట్వీట్ చేశారు. ఆయనను జన్మసార్థకం చేసుకున్న నేత అంటూ పొగిడారు బండ్ల గణేష్. నేడు (ఏప్రిల్ 27) టీఆర్ఎస్ పార్టీ ఆవిర్భావ దినోత్సవం. 2001 సంవత్సరం సరిగ్గా ఇదే రోజు తెలంగాణ రాష్ట్ర సమితి (టీఆర్ఎస్) పార్టీ స్థాపించిన కేసీఆర్.. ప్రజల్లో ప్రత్యేక రాష్ట్రం పట్ల అవగాహన పెంపొందిస్తూ క్రమంగా తెలంగాణ ఉద్యమాన్ని ఉదృతం చేశారు. చివరకు అనుకున్న టార్గెట్ ఛేదించి స్వరాష్ట్రం సాధించారు. దీంతో తెలంగాణలోని 4 కోట్ల కల సాకారమైంది. అయితే పార్టీ ఆవిర్భావ దినోత్సవం సందర్బంగా కేసీఆర్ పోరాటాన్ని గుర్తు చేస్తూ ఆయన గొప్పతనాన్ని తెలియజేసే విధంగా బండ్ల గణేష్ ఇంట్రెస్టింగ్ ట్వీట్ చేశారు. 809 ''అనుకున్న లక్ష్యం కోసం పుష్కరకాలం పోరాడి భారతదేశం నివ్వెరబోయే విధంగా తెలంగాణ రాష్ట్రాన్ని సాధించి, ఆరు సంవత్సరాలుగా అద్భుతం చేసి కోనసీమకు దీటుగా సస్యశ్యామలం చేస్తూ తన జన్మసార్థకం చేసుకున్న నేతకు నా హృదయపూర్వక శుభాకాంక్షలు'' అని పేర్కొంటూ కేసీఆర్ ఫోటో షేర్ చేశారు బండ్ల గణేష్. ఆయన చేసిన ఈ ట్వీట్ చూసి.. 'కాంగ్రెస్ కాంగ్రెస్ అంటివిగా ఇప్పుడేంటి ఇలా' అని కొందరు కామెంట్ చేస్తుంటే, 'రాజకీయ నాయకుల గురించి ట్వీట్స్ పెట్టకండి సార్' అంటూ ఇంకొందరు నెటిజన్స్ రియాక్ట్ అవుతున్నారు. గత కొన్నిరోజులుగా సీఎం కేసీఆర్‌ని పొగుడుతూ బండ్ల గణేష్ వరుస ట్వీట్స్ చేస్తున్నారు. ''కరోనా సృష్టిస్తున్న ఈ కల్లోల సమయంలో ఎన్ని కష్టాలైనా భరిస్తాం ఎన్ని రోజులు అయినా ఎదురు చూస్తాం మాకు మీరు ఉన్నారని భరోసా. మీరు ఉన్నారనే ధైర్యం, మీరు రక్షిస్తారనే నమ్మకం.. జై కేసీఆర్'' అని ఆయన పేర్కొనడం టీఆర్ఎస్ వర్గాలను ఆకర్షించింది. Read Also: