Mahesh Babu:‘సరిలేరు’ చూడలేదు.. మహేష్‌తో విభేదాలపై ప్రకాష్ రాజ్
మహేష్ బాబుతో ప్రకాష్ రాజ్‌కి విభేదాలు ఉన్నాయా? ఇద్దరి మధ్య గ్యాప్ వచ్చిందా? మహేష్ ఫ్యాన్స్ అంటే నచ్చడం లేదా? అసలేమైంది? వివాద రహితుడిగా టాలీవుడ్ మిస్టర్ కూల్‌గా పేరొందిన మహేష్ బాబుతో ప్రకాష్ రాజ్‌కి వివాదం ఏంటి అన్న విషయం చానాళ్లుగా టాలీవుడ్‌లో నలుగుతూనే ఉంది. ఈ ఇష్యూపై ప్రకాష్ రాజ్ స్పందిస్తూ అసలు విషయం చెప్పుకొచ్చారు. ఓ మీడియా ఛానల్‌కి ఇచ్చిన ఇంటర్వ్యూలో ప్రకాష్ రాజ్ మాట్లాడుతూ.. మహేష్ బాబుతో నాకు గ్యాప్ రావడంతో ఏంటి? అదే నిజమైతే ఇద్దరం కలిసి సరిలేరు నీకెవ్వరు చిత్రం ఎలా చేస్తాం.. ఈ సినిమా షూటింగ్‌లో మా ఇద్దరి మధ్య మాటా మాటా వచ్చిందని.. అందుకే నేను ‘సరిలేరు నీకెవ్వరు’ ప్రీ రిలీజ్‌కి హాజరుకాలేదని ప్రచారంలో నిజం లేదు. నిజానికి నేను సినిమా ఫంక్షన్లకు దూరంగా ఉంటాను. నేను సినిమా చేశానా? అయిపోయిందా? అంతవరకే. నా సినిమాలు నేను చూడను. అంతెందుకు సరిలేరు నీకెవ్వరు చిత్రం కూడా నేను చూడలేదు. అలాంటప్పుడు నేను ప్రీ రిలీజ్ ఈవెంట్‌లకు ఎందుకు వెళ్తా. ఆ టైంలో ఫ్యామిలీతోనే.. మిగతా సినిమా షూటింగ్‌లకో వెళ్తుంటా. మహేష్ బాబుతో నాకు విభేదాలు ఏంటి ఆయన బంగారం. నేను చాలా రేర్‌గా సినిమా ఫంక్షన్లకు వెళ్తా. నా పని నేను కరెక్ట్ చేశానా? లేదా అన్నదే ముఖ్యం. మూడున్నర గంటల పాటు ప్రీ రిలీజ్ ఈవెంట్‌కి వెళ్తే ఏం లాభం చెప్పండి. అక్కడకు వెళ్తే పొగడుతుండటం తప్ప ఏం ఉండదు. ఎవడైనా చెప్తేనే తెలుసుకోవాలా? నేను బాగా నటించానని.. నా పని నేను చేశా. జనం ఎంజాయ్ చేస్తారు అంతే’.. అంటూ ఉన్న విషయాన్ని కుండబద్దలు కొట్టేశారు ప్రకాష్ రాజ్. కాగా అప్పట్లో.. ‘భరత్ అనే నేను’ మూవీ సినిమా ఈవెంట్‌లో నటుడు ప్రకాష్ రాజ్ అలిగి స్టేజ్ దిగి వెళ్లిపోయారు. అప్పటి నుంచి మహేష్ బాబుతో ప్రకాష్ రాజ్‌కి విభేదాలు ఉన్నాయ్ అనే ప్రచారం సాగుతూనే ఉంది. నిజానికి ఆ ఈవెంట్‌లో ఫ్యాన్స్ చేసిన రచ్చ కారణంగా ప్రకాష్ రాజ్ అలిగారు. ఆయన మాట్లాడుతున్నప్పుడు పదే పదే ఫ్యాన్స్ విసిగించడంతో వెంటనే స్టేజ్ దిగి వెళ్లిపోయారు ప్రకాష్ రాజ్.
Comments
Post a Comment