‘బంజార’ టీజ‌ర్: పెళ్లయిన తరవాత అలా ఎంజాయ్ చేయడం తప్పేకాదట!!

హారర్ మూవీ ‘క్షుద్ర’ దర్శకుడు నాగుల్ ఇప్పుడు మరో భయపెట్టే సినిమాతో ప్రేక్షకుల ముందుకు వస్తున్నారు. అయితే, ఈ సినిమా కేవలం భయపెట్టడమే కాదు కుర్రాళ్లకు కావాల్సినంత రొమాంటిక్ టచ్‌ను కూడా ఇస్తుంది. వర్కింగ్ యాంట్స్ ప్రొడక్షన్స్ ప‌తాకంపై కోయా రమేష్ బాబు, దేవభక్తుని నవీన నిర్మించిన ఈ రొమాంటిక్‌ హారర్ ‘బంజార’. అమృత, ట్వింకిల్ కపూర్, తేజేష్ వీర, హరీష్ గౌలి, జీవా, జీవీ ప్రధాన పాత్రల‌లో రూపొందిన ఈ చిత్రం ప్రస్తుతం పోస్ట్ ప్రొడక్షన్ కార్యక్రమాలు జ‌రుపుకుంటోంది. తెలుగు, తమిళ భాష‌ల్లో మార్చిలో విడుదలకు సిద్ధమ‌వుతోన్న ఈ చిత్రం టీజ‌ర్‌ను తాజాగా విడుదల చేశారు. టీజర్‌లో అడల్ట్ కంటెంట్‌ను బాగానే చొప్పించారు. ‘‘పెళ్లయిన తరవాత అలా ఎంజాయ్ చేస్తే తప్పేముంది’’ అంటూ డైలాగ్ కూడా చెప్పించారు. అయితే, లంబాడ మహిళ వేషధారణలో ఉన్న అమ్మాయి క్యారెక్టర్ ఆసక్తి రేపుతోంది. అసలు ఈ సినిమాలో ఏం చూపించబోతున్నారనే క్యూరియాసిటీ టీజర్‌ చూస్తుంటే కలుగుతోంది. Also Read: సినిమా గురించి నిర్మాత కోయా ర‌మేష్ బాబు మాట్లాడుతూ.. ‘‘మా ‘బంజార‌’ చిత్రం టీజ‌ర్ విడుద‌ల‌చేయ‌డం సంతోషంగా ఉంది. ఇది నిజంగా రొటీనుకు భిన్నమైన హారర్ చిత్రం. త‌ప్పకుండా అన్ని వ‌ర్గాల ప్రేక్షకుల‌ని ఆక‌ట్టుకుంటుంద‌నే న‌మ్మకం ఉంది. మా ద‌ర్శకుడు నాగుల్ మంచి విజ‌న్‌లో చిత్రాన్ని తెర‌కెక్కించారు. అలాగే ప్రతి ఒక్కరూ చ‌క్కగా న‌టించారు. యువ‌త‌ను ఆక‌ట్టుకునే ఎలిమెంట్స్‌తో పాటు మంచి సందేశం కూడా ఉంది. అన్ని కార్యక్రమాలు పూర్తి చేసి మార్చి నెల‌లో విడుద‌ల‌కు స‌న్నాహాలు చేస్తున్నాం’’ అని చెప్పారు. కాగా, ఈ చిత్రంలో బెనర్జీ, శరత్, వేదం నాగయ్య, అనంత్, ‘జబర్దస్త్’ రైజింగ్ రాజు, అప్పారావు, శాంతి స్వరూప్, జ్యోతి శ్రీ, దొరబాబు త‌దితరులు న‌టించారు. ఈ చిత్రానికి ఘంటాడి కృష్ణ సంగీతం సమకూర్చారు. కోయా రమేష్ బాబు పాటలు రచించారు. ఎ.వెంకట్ సినిమాటోగ్రఫీ అందించారు.