‘దోచుకున్నవాళ్ళకి దోచుకున్నంత’ ట్రైలర్: పెద్దలకు మాత్రమే!
ఒకప్పుడు సినీ పరిశ్రమలో అడల్ట్ కంటెంట్‌తో కూడిన సినిమాలు వచ్చేవి. ముఖ్యంగా మలయాళంలో ఇలాంటి సినిమాలు ఎక్కువగా విడుదలయ్యేవి. షకీలా ఈ సినిమాలతోనే బాగా పాపులర్ అయ్యారు. ఇలాంటి సినిమాలు ప్రదర్శించడానికి థియేటర్లు కూడా ప్రత్యేకంగా, వేరే చోట ఉండేవి. అయితే, ఇలాంటి సినిమాల వల్ల యువత చెడిపోతోందని.. సెన్సార్ బోర్డు వీటికి అడ్డుకట్ట వేసింది. అయినప్పటికీ, పేరుమోసిన శృంగార తారల సినిమాలు ఇప్పుడు రాకపోయినా ఇలాంటి సినిమాలు అయితే ఆగడంలేదు. నిజానికి ప్రస్తుతం అడల్ట్ కంటెంట్‌తో వస్తోన్న సినిమాల్లో హీరోహీరోయిన్లు ఎవరో మనకు తెలీదు. సినిమా తీసిన దర్శకుడు, నిర్మించిన నిర్మాత గురించి కూడా చెప్పలేం. అంతా కొత్తవాళ్లే ఉంటారు. కానీ, వాళ్లు తీసే సినిమా మాత్రం బాగా పాపులర్ అయిపోతుంది. దీనికి కారణం అడల్ట్ కంటెంట్. ‘ఏడు చేపల కథ’, ‘వైఫ్ ఐ’ సినిమాల్లో ఇదే చూశాం. అయితే, సినిమా విడుదలకు ముందు ఒక సెక్స్ సినిమా మాదిరిగా టీజర్, ట్రైలర్లను వదులుతారు. ఇవి బాగా పాపులర్ అయిపోతాయి. కానీ, ఈ సినిమాలకు సెన్సార్ రాదు. సెన్సార్ రావాలంటే కచ్చితంగా అలాంటి సీన్లన్నీ తీసేయాలి. ఈ సంగతి ప్రేక్షకులకు ఎలాగూ తెలీదు. ఇక ట్రైలర్‌లో అలాంటి కంటెంట్‌ను విపరీతంగా ఆస్వాదించి.. అంతకుమించి థియేటర్‌లో ఎంజాయ్ చేయడానికి కొంత మంది ప్రేక్షకులు వెళ్తారు. తీరా సినిమా చూశాక తీవ్ర నిరాశతో బయటికి వస్తారు. ‘ఏడు చేపల కథ’ సినిమా సమయంలో ఇదే జరిగింది. అయితే, ఆ సినిమాకు మించిన అడల్ట్ కంటెంట్‌తో ఇప్పుడు మరో సినిమా వస్తోంది. ‘దోచుకున్నవాళ్ళకి దోచుకున్నంత’ అనే టైటిల్‌తో వస్తోన్న ఈ సినిమా ట్రైలర్‌ను తాజాగా విడుదల చేశారు. ట్రైలర్‌లో సన్నివేశాలు చూస్తే ఇది ‘A’ సర్టిఫికెట్‌కు మించిన సినిమా అని అనిపిస్తోంది. అంత దారుణంగా శృంగారాన్ని జోడించారు. మధ్యమధ్యలో ఫైట్లు వస్తున్నాయి. అంటే, ఇదేదో మెసేజ్‌తో కూడిన సినిమా. మొత్తం సెక్స్ చూపించేసి ఆఖరిలో చిన్న మెసేజ్ ఇచ్చేస్తే ఇది మంచి సినిమా అయిపోతుందా? అసలు ఈ సినిమాకు సెన్సార్ వస్తుందా అంటే? అనుమానమే. ‘ఏడు చేపల కథ’ మాదిరిగా సెక్స్ సీన్లన్నీ తీసేస్తే సెన్సార్ బోర్డు అంగీకారం తెలపొచ్చు. అయితే, ఈ లోపలే మనోళ్లు ట్రైలర్ల ద్వారా సగం సినిమా చూపించేస్తారునుకోండి. ప్రస్తుతానికి అయితే ఈ ట్రైలర్‌ను వదిలారు.
Comments
Post a Comment