‘బుట్ట బొమ్మ’ ఫుల్ సాంగ్.. గంటలోనే దుమ్ములేపిన వ్యూస్
స్టైలిష్ స్టా్ర్ అల్లు అర్జు్న్ కథానాయకుడిగా నటించిన ‘అల వైకుంఠపురములో’ మంచి విజయాన్నిచ్చింది. మాటల మాంత్రికుడు త్రివిక్రమ్ శ్రీనివాస్ తెరకెక్కించిన ఈ సినిమాలో పూజా హెగ్డే కథానాయికగా నటించారు. గురూజీ టైమింగ్, బన్నీ స్టైల్, పూజా గ్లామర్‌కు తమన్ అందించిన మ్యూజిక్ తోడవడంతో థియేటర్లలో బొమ్మ దద్దరిల్లింది. సంక్రాంతి కానుకగా రిలీజ్ అయిన ఈ సినిమా ఇండస్ట్రీ హిట్ సాధించింది. కాగా.. ఇటీవల ఈ సినిమాలోని చార్ట్ బస్టర్ సాంగ్ అయిన ‘సామజవరగమన’ ఫుల్ పాటను రిలీజ్ చేసిన సినిమా టీం ఇప్పుడు ‘బుట్ట బొమ్మ’ పాటను రిలీజ్ చేసింది. ఈ పాటను రిలీజ్ చేసిన గంటలోనే నాలుగు లక్షలకు పైగా వ్యూస్ వచ్చాయి. 80 వేలకు మంది పైగా లైక్ చేసారు. అయితే ‘సామజవరగమన’, ‘రాములో రాములా’ పాటలకు వచ్చినన్ని వ్యూస్ ‘బుట్ట బొమ్మ’కు పాట రాలేదు. కానీ పాటకు మాత్రం బీభత్సమైన రెస్పాన్స్ వచ్చింది. బాలీవుడ్ నటి శిల్పా శెట్టి తన సోదరి షమితాతో కలిసి ఈ పాటకు టిక్ టాక్‌లో డ్యాన్స్ చేసిందంటేనే ఏ రేంజ్‌లో ఈ పాట దూసుకెళ్తోందో చెప్పొచ్చు. బన్నీ కెరీర్‌లోనే హయ్యస్ట్ ఓపెనింగ్స్, కలెక్షన్స్ సాధించిన సినిమా ఇది. తెలుగు రాష్ట్రాల్లో ఈ సినిమా కలెక్షన్స్ ‘బాహుబలి’ కలెక్షన్స్‌ను బీట్ చేసిందని కూడా టాక్. READ ALSO: ఓటీటీ ప్లాట్‌ఫాంలు వచ్చేసాక ఎంత పెద్ద బ్లాక్ బస్టర్ సినిమా అయినా నెల రోజుల్లోనే థియేటర్ల నుంచి తుడిచి పెట్టుకుపోతున్నాయి. ఈ ప్లాట్‌ఫాంల వల్ల పైరసీ కూడా తగ్గుతుందని అనుకున్నారు కానీ అలాంటి మార్పు వచ్చినట్లు కనిపించడంలేదు. ఏదైతే ఏముంది.. రేపు ‘అల వైకుంఠపురములో’ సినిమా వచ్చేస్తోంది. జెమిని టీవీకి చెందిన సన్ నెక్ట్స్ యాప్‌లో హ్యాపీగా ఇంట్లో కూర్చుని చూసేయండి.
Comments
Post a Comment