Whattey Beauty Promo: వామ్మో రష్మిక డ్యాన్స్‌లు ఇరగదీసిందిగా..
‘ఛలో’ నుంచి ‘సరిలేరు నీకెవ్వరు’ వరకు రష్మిక మందనలో అల్లరి పిల్లను అందమైన పిల్లను మాత్రమే చూశాం. కానీ ఆమెలో అద్భుతమైన డ్యాన్సర్ ఉందన్న విషయం ‘’ సినిమా ద్వారా ప్రేక్షకులకు తెలిసొచ్చింది. నితిన్, రష్మిక మందన జంటగా నటిస్తున్న సినిమా ‘భీష్మ’. వెంకీ కుడుముల దర్శకత్వం వహిస్తు్న్నారు. ఈ సినిమాలోని ‘వాట్టే బ్యూటీ’ అనే పాట ప్రోమోను తాజాగా విడుదల చేశారు. ‘వాట్టే వాట్టే వాట్టే బ్యూటీ.. నువ్వు యాడా ఉంటే ఆడే ఊటీ’ అంటూ సాగుతున్న ఈ పాట చాలా కలర్‌ఫుల్‌గా ఉంది. ముఖ్యంగా రష్మిక డ్యాన్స్‌లు ఈ పాటకే హైలైట్ అని చెప్పాలి. కింద కూర్చుని రెండు కాళ్లు బొమ్మలా ఊపే స్టెప్‌ను చాలా బాగా వేసింది. అయితే ఇందులో రష్మిక వేసిన స్టెప్పులు హీరోయిన్‌కు చాలా కష్టంగా ఉంటాయి. హీరోలైతే అవలీలగా వేసేస్తారు. అయినా కూడా ఈ పాటకు కొరియోగ్రాఫర్‌గా వ్యవహరించిన జానీ మాస్టర్ పట్టుబట్టి రష్మిక చేత స్టెప్ వేయించారట. ఈ విషయాన్ని రష్మిక ట్విటర్ ద్వారా వెల్లడించారు. ఈ పాటకు తాను, నితిన్ చాలా కష్టపడ్డామని తెలిపారు. పాటలో రష్మిక వేసిన దుస్తులు చాలా అందంగా ఉన్నాయి. ఆమెను ఓ బార్బీ బొమ్మలా చూపించారు. ముఖ్యంగా గ్రీన్ రంగు చీరకట్టులో అదిరిపోయారు. READ ALSO: మహతి స్వర సాగర్ సినిమాకు సంగీతం అందించారు. సితార ఎంటర్‌టైన్మెంట్స్ బ్యానర్‌పై సూర్య దేవర నాగవంశీ నిర్మాతగా వ్యవహరిస్తున్నారు. ఫిబ్రవరి 21న సినిమా ప్రేక్షకుల ముందుకు రానుంది.
Comments
Post a Comment