‘అల..’ ఆల్ టైం రికార్డ్ మా నాన్నతో కలిపి కొట్టడం భలే కిక్: అల్లు అర్జున్

Se‘అల.. వైకుంఠపురములో’ చిత్రంతో ఆల్ టైం ఇండస్ట్రీ హిట్ అందుకున్నారు స్టైలిష్ స్టార్ అల్లు అర్జున్. సంక్రాంతి కానుకగా జనవరి 12న విడుదలైన ఈ మూవీ కెరియర్‌లోనే బెస్ట్ కలెక్షన్స్ రాబట్టడంతో దర్శకుడు త్రివిక్రమ్‌తో కలిసి ప్రెస్ మీట్ నిర్వహించింది చిత్ర యూనిట్. ఈ సందర్భంగా అల్లు అర్జున్ ‘అల..’ ఆల్ టైం రికార్డ్‌పై సాధించడంపై ఆసక్తికరమైన కామెంట్స్ చేశారు. అల్లు అర్జున్ మాట్లాడుతూ.. ‘ప్రతి హీరోకి ఏదో టైంలో రికార్డ్స్ బద్దలయ్యే ఫిల్మ్ పడుతూ ఉంటుంది. నాక్కూడా ఇంతకు ముందు పడింది కాని.. ఓవరాల్‌గా అన్ని చోట్లా పడలేదు. కొన్ని జిల్లాల్లో మాత్రమే రికార్డ్స్ వచ్చి మిగతా చోట్ల రెండు మూడు ప్లేస్‌లలో ఉండేవాడ్ని. కాని.. ఎనానిమస్‌‌గా ఆల్ టైం రికార్డ్ ఫిల్మ్ నాకెప్పుడూ పడలేదు. ఇదే తొలిసారి. నేనెప్పుడూ అనుకునేవాడిని.. మా ఫాదర్‌కి గీతా ఆర్ట్స్ బ్యానర్‌లో దాదాపు 15 సినిమాలు ఉన్నాయి ఆల్ టైం రికార్డ్ ఫిల్మ్స్. మగధీర, గజిని లాంటి సినిమాలతో పాటు చిరంజీవి గారితో ఎన్నో ఆల్ టైం రికార్డ్స్ మూవీస్ చేశారు. అంటే ఆల్ టైం రికార్డ్ అనేది ఆయనకు కొత్త విషయం కాదు. బట్ నాకు ఆనందం కలిగించే విషయం ఏంటంటే.. ఈ సినిమాకి మా నాన్న ప్రొడ్యుసర్.. నేను ఆయన కొడుకుగా ఆల్ టైం రికార్డ్ కొట్టడం నా కెరియల్‌లోనే ఇది మోస్ట్ మెమొరబుల్ ఫిల్మ్. తరువాత మరోసారి ఇలాంటి రికార్డ్ కొట్టొచ్చేమో కాని.. ఈ ఆనందం మళ్లీ రాదు. See Photo Story: మా ఫాదర్‌తో కలిసి ఇండస్ట్రీ హిట్ కొట్టాలని ఎప్పటినుండో కోరిక ఉండేది. అది ‘అల.. వైకుంఠపురములో’ చిత్రంతో తీరింది. త్రివిక్రమ్ గారితో ఇది సాధ్యం అయ్యింది. ఈ సినిమాలో త్రివిక్రమ్ గారు చెప్పినట్టు ‘మనం ఎవరికైనా ఒక స్థానం ఇవ్వొచ్చు కాని.. స్థానం ఇవ్వలేమన్నారు’ ఇది వందశాతం కరెక్ట్. నా విషయంలో అదే నిజం అయ్యింది. ఈ సినిమాతో నాకు ఈ స్థాయి వచ్చింది.. ఈ ప్రయాణం ఇలాగే కొనసాగాలని కోరుతున్నా. అయితే ఈ సినిమా ఇంత పెద్ద హిట్ అవుతుందని ఊహించలేదు.. తల వంచుకుని మా పని మేం చేసుకుని పోయాం. ప్రేక్షకులు అద్భుతంగా ఆదరించారు.. ఇదే మా సక్సెస్ సీక్రెట్’ అంటూ చెప్పుకొచ్చారు అల్లు అర్జున్.