సమంతకు స్టూడెంట్ లవ్ లెటర్, ‘మీ అమ్మ తిడుతుంది’ అంటూ సామ్..
అక్కినేని కోడలు సోషల్ మీడియాలో యమా యాక్టివ్ అన్న విషయం తెలిసిందే. తన సినిమా అప్డేట్స్‌తో పాటు పర్సనల్ విషయాలను షేర్ చేసుకుంటూ అభిమానులకు ఎప్పుడూ టచ్‌లో ఉంటుంది. పలు సందర్భాల్లో అభిమానులు అడిగే వివిధ ప్రశ్నలకు చమత్కారంగా సమాధానాలు ఇస్తూ వైరల్ అవుతూ ఉంటుంది. అభిమానులతో తరచూ ఇంట్రాక్ట్ అయ్యే అక్కినేని కోడలికి లవ్ ప్రపోజ్‌లు చాలానే వస్తుంటాయి. అయితే వాటిని లైట్ తీసుకున్న సమంతకు తాజాగా ఓ స్టూడెంట్ నుండి లవ్ ప్రపోజ్ వచ్చింది. అలాంటి ఇలాంటి లవ్ ప్రపోజ్ కాదు.. అదిరిపోయే లవ్ ప్రపోజ్.. కావడంతో సమంత రియాక్ట్ అయ్యింది. తాజాగా సమంత తమిళ బ్లాక్ బస్టర్ హిట్ మూవీ ‘96’ రీమేక్‌లో నటిస్తోంది. ఈ చిత్రాన్ని తెలుగులో ‘జాను’ పేరుతో రూపొందిస్తున్నారు. ఈ చిత్రంలో సమంతకు జోడీగా శర్వానంద్ నటించారు. ఈ మూవీ ప్రమోషన్స్‌లో భాగంగా బుధవారం నాడు ట్రైలర్‌ను విడుదల చేశారు. ఈ సందర్భంగా ‘జాను’ విపరీతంగా నచ్చేయడంతో ఓ అభిమాని ‘సామ్ ఐ లవ్ యు.. జాను ఐ లవ్ యు’ అంటూ.. ఏకంగా మూడు గంటల పాటు పుస్తకంలో ప్రేమలేఖ రాసేశాడు. దాన్ని వీడియో తీసి సమంతకు చేరేలా ట్యాగ్ చేసి ట్విట్టర్‌లో వదిలిపెట్టాడు. ఆ ప్రేమలేఖ సోషల్ మీడియా పుణ్యాన సమంతకు చేరడంతో ఆ అమర ప్రేమికుడికి తిరిగి తన సందేశాన్ని పంపించింది. ‘హో.. ఖచ్చితంగా మీ మమ్మీ నన్ను తిడుతుంది.. నీ అభిమానానికి థాంక్స్‌.. ముందు చదువుకోమ్మా’ అంటూ ఆ విద్యార్ధికి ఫన్నీ ఆన్సర్ ఇస్తూ లవ్ సింబల్ ఎమోజీని షేర్ చేసింది సమంత. ఇంతకీ ఆ ప్రేమికుడు ట్విట్టర్ పేజ్‌ కూడా సృసామ్ అనే పెట్టుకోవడం విశేషం. మొత్తానికి ఎలాగైతే నేం.. మనోడి ప్రేమలేఖ సమంతకు చేరింది.. అక్కడికే సంతోషపడు బ్రో.. అంటూ నెటిజన్లు కామెంట్స్ పెడుతున్నారు.
Comments
Post a Comment