అల్లు అర్జున్, స్నేహ రాయల్ ఫొటో: బన్నీ సర్.. బన్నీ అంతే!

ఇండస్ట్రీలో మోస్ట్ స్టైలిష్ యాక్టర్ ఎవరంటే.. టక్కున గుర్తొచ్చ పేరు అల్లు అర్జున్. బన్నీ తన సినీ కెరీర్‌ను ప్రారంభించినప్పటి నుంచి వివిధ రకాల స్టైల్స్‌ను ఫ్యాన్స్‌కి రుచిచూపించారు. అందుకే ఫ్యాన్స్ ఆయన్ను స్టైలిష్ స్టార్ అని పిలుచుకుంటారు. అయితే.. ఇటీవల బన్నీ తన భార్య స్నేహా రెడ్డితో కలిసి ఓ ఫొటోషూట్‌లో పాల్గొన్నారు. ముంబయికి చెందిన ప్రముఖ ఫ్యాషన్ డిజైనర్స్ అబుజాని, సందీప్ ఖోస్లా డిజైన్ చేసిన బ్లాక్ ఖాదీ కుర్తాలో బన్నీ, గోల్డ్ బ్లాక్ కాంబినేషన్‌లో ఉన్న గౌనులో స్నేహ అదిరిపోయారు. ఇప్పటివరకు తన భార్యతో కలిసి ఎన్నో ఫొటోలు దిగారు కానీ.. ఇలాంటి రాయల్ లుక్‌లో మాత్రం ఎప్పుడూ కనిపించలేదు. దాంతో ఈ ఫొటోను చూసి అల్లు ఫ్యాన్స్ పండుగ చేసుకుంటున్నారు. ‘బన్నీ సర్.. బన్నీ అంతే’ అంటూ తెగ కామెంట్స్ పెట్టేస్తున్నారు. అయితే ఏ సందర్భంలో బన్నీ, స్నేహ ఈ దుస్తులు వేసుకున్నారన్నది తెలియరాలేదు. బన్నీ స్టైల్ అంటే బాలీవుడ్ వాళ్లకీ ఇష్టమే. అయితే తానెంత స్టైలిష్‌గా కనిపించాలనుకున్నా కూడా.. బాలీవుడ్ స్టార్ రణ్వీర్ సింగ్‌లా మాత్రం అస్సలు దుస్తులు వేసుకోలేనని, ఆ ధైర్యం తనలో లేదని తెలిపారు. స్టైల్ విషయంలో తనకు రణ్వీర్ అంటే ఇష్టమని, తెలుగులో విజయ్ దేవరకొండ డెస్సింగ్ స్టైల్ ఇష్టమని ఒకానొక సందర్భంలో తెలిపారు. READ ALSO: ఇక వర్క్ విషయానికొస్తే.. ఏడాదిన్నర గ్యాప్ తీసుకుని సరైన సినిమాతో ప్రేక్షకుల ముందుకు వచ్చారు బన్నీ. త్రివిక్రమ్ శ్రీనివాస్ డైరెక్షన్‌లో బన్నీ నటించిన ‘అల వైకుంఠపురములో’ సినిమా బాక్సాఫీస్ వద్దే కాదు ఏకంగా ఇండస్ట్రీ హిట్‌గా నిలిచింది. బన్నీ కెరీర్‌లో ఇప్పటివరకు ఏ సినిమా కూడా ఇంతటి సక్సెస్‌ను తీసుకురాలేదనే చెప్పాలి. ప్రస్తుతం బన్నీ సుకుమార్ డైరెక్షన్‌లో తెరకెక్కుతున్న సినిమాతో బిజీగా ఉన్నారు. దాదాపు పదేళ్ల తర్వాత వీరి కాంబినేషన్‌లో ఓ మూవీ రాబోతోంది. READ ALSO: