Ram Gopal Varma: రాజధానికి మీనింగే లేదు.. చెన్నైలో ఉంటే ఏంటి?: వర్మ

ప్రస్తుతం ఆంధ్రప్రదేశ్‌లో రాజధాని సెగలు రేగుతున్నాయి. ముఖ్యమంత్రి వైఎస్ జగన్ మోహన్ రెడ్డి మూడు రాజధానుల నిర్ణయంపై అమరావతి ప్రజలు భగ్గుమంటున్నారు. ప్రతిపక్ష తెలుగు దేశం పార్టీ అధికార పార్టీ నిర్ణయాన్ని తప్పుపడుతూ ఉద్యమ బాట పట్టారు. రెండు తెలుగు రాష్ట్రాల్లోనే కాకుండా దేశ వ్యాప్తంగా హాట్ టాపిక్‌‌గా ఉన్న ఏపీ రాజధాని ఇష్యూపై వివాదాస్పద దర్శకుడు తనదైన శైలిలో స్పందిస్తూ కొత్త చర్చనే లేవనెత్తారు. ఆయనేదో బ్యూటిఫుల్ అనే హాట్ పుల్లు చిత్రాన్ని చాలా హార్ట్‌ఫుల్‌గా తీసి నీట్‌గా క్యాష్ చేసుకునే పనిలో ఉంటే.. పోయి పోయి ఆయన్ని రాజధాని గురించి అడిగారు జర్నలిస్ట్ సోదరుడు. అసలే వివాదాల పురుగు అతను ఇలాంటి వివాదాస్పద నిర్ణయాలపై అతని ఆన్సర్ వివాదంగా కాక చక్కగా ఉంటుందనుకోవడం పొరపాటు కాక మరేమౌతుంది. బ్యూటిఫుల్ అనే కళాఖండాన్ని వర్మ శిష్యుడు అగస్థ్య మంజు రూపొందించారు. ఈ మూవీ ప్రమోషన్స్ కోసం వైజాగ్ వచ్చి ప్రెస్ మీట్ నిర్వహించారు వర్మ. దీనిలో భాగంగా ‘ఏమయ్యా వర్మా.. రాజధానిపై నీ అభిప్రాయం ఏంటి అని ఓ జర్నలిస్ట్ సోదరుడు అడిగిన ప్రశ్నకు వర్మ మార్క్ ఆన్సర్ వచ్చింది. ‘రాజధాని లేదు ఏం లేదు.. అసలు రాజధాని అవసరం అంటారా? అమరావతి కాదు.. వైజాగ్ కాదు.. తీసుకుపోయి చెన్నైలో పెట్టినా పెద్ద తేడా ఏం ఉండదు అనేది నా ఫీలింగ్.. ఎందుకంటే ప్రభుత్వం నిర్ణయాలను ఎక్కడ నుండైనా తీసుకోవచ్చు. ఒక ప్లేస్‌లో రాజధాని ఉండాలనే దాంట్లో మీనింగ్ లేదు. హార్ట్ ఫుల్‌గా చెప్పాలంటే ఓటు అనే ఎఫెక్షన్‌తో ఏ పొలిటిషియన్ ఉండడు. ఒకవేళ అలా ఉంటే రాజధాని ఒక చోట కాదు.. నాయకులు, ప్రజలు ఉన్న ప్రతి చోట పెట్టాలి. పర్శన్‌కి అడ్మినిస్ట్రేషన్‌కి కనెక్షన్ ఉండాలనే వాదన కరెక్ట్ అయితే రాజధాని మూడు చోట్లే ఎందుకు ఉండాలి? మిగిలిన చోట్ల ఎందుకు ఉండకూడదు. ప్రతి ఊరిలోనూ క్యాపిటల్ ఉండాలి. నా దృష్టిలో క్యాపిటల్ అనే దానికి మీనింగ్ లేదు. నాయకులు ఎక్కడ ఉన్నా పని జరుగుతుంది’ అంటూ చెప్పుకొచ్చారు వర్మ.