Daang Daang పాటతో మహేష్, మిల్కీ బ్యూటీ ఇరగేశారు

డేంగ్.. డేంగ్ అంటూ పార్టీ సాంగ్‌తో రచ్చ చేస్తున్నారు మహేష్ బాబు, తమన్నాలు. సూపర్ స్టార్ మహేష్ బాబు, రష్మిక హీరో హీరోయిన్లుగా నటించిన ‘సరిలేరు నీకెవవ్వరు’ మూవీ సంక్రాంతి కానుకగా జనవరి 11న ప్రేక్షకుల ముందుకు రానుంది. అనీల్ రావిపూడి దర్శకత్వం వహించిన ఈ చిత్రంలో మిల్కీ బ్యూటీ తమన్నా స్పెషల్ సాంగ్‌లో నటించింది. ఈ సాంగ్‌కి సంబంధించిన ప్రోమోను విడుదల చేసింది చిత్ర యూనిట్. డేంగ్.. డేంగ్ అంటూ సాగిన ఈ పాటలో తమన్నా ఎప్పటిలాగే స్టెప్పులతో పిచ్చెక్కిస్తుండగా.. మహేష్ బాబు సైతం స్టెప్పులేశాడు. దేవిశ్రీ ప్రసాద్ అదిరే బీట్ ఇవ్వగా.. రామ జోగయ్య శాస్త్రి లిరిక్స్ అందించారు. నకాష్ అజీజ్, లావిటొ లోబొ ఆలపించిన ఈ పాట కొద్దిసేపటి క్రితం విడుదలై యూట్యూబ్‌ని షేక్ చేస్తుంది. సాయంత్రం 7 గంటలనుండి ఈ పాట ప్రోమో కోసం నిరీక్షించి నీరసించిన ఫ్యాన్స్‌కి మంచి ఊపునిచ్చే పాటను ఇచ్చి జోష్ నింపాడు దేవి శ్రీ. శేఖర్ మాస్టర్ కొరియోగ్రఫీ అందించిన ఈ సాంగ్‌లో స్వింగ్ జరా మిల్కీ బ్యూటీ తమన్నాతో పోటీ పడి స్టెప్పులు వేశారు మహేష్. మొత్తంగా మహేష్ బాబుపై డాన్స్‌ సరిగా వేయలేడనే కంప్లైంట్ ఉండనే ఉంది.. అయితే ఈ సాంగ్‌తో మహేష్ దాన్ని చెరిపేసుకునే ప్రయత్నం చేస్తున్నట్టుగానే కనిపించారు. మరి మహేష్, మిల్కీ బ్యూటీ ఆట పాటలపై మీరూ ఓ లుక్కేయండి.