‘వైల్డ్ డాగ్’ ఫస్ట్ లుక్: నాగార్జున సర్‌ప్రైజ్.. డేర్ డెవిల్ ఎన్‌కౌంటర్ స్పెషలిస్ట్
కింగ్ నాగార్జున తన అభిమానులకు అదిరిపోయే సర్‌ప్రైజ్ ఇచ్చారు. ‘మన్మథుడు 2’ తరవాత నాగార్జున సోలో హీరోగా సినిమాను ఎనౌన్స్ చేయలేదు. ప్రస్తుతం ఆయన ‘బ్రహ్మాస్త్ర’ అనే బాలీవుడ్ సినిమాలో ఒక కీలక పాత్రలో నటిస్తున్నారు. అయితే, నాగార్జున హీరోగా నెక్ట్స్ సినిమా కోసం ఆసక్తిగా ఎదురు చూస్తోన్న అభిమానులకు సర్‌ప్రైజ్ ఇచ్చారు కింగ్. తన తరవాత సినిమాను ప్రకటించడంతో పాటు ఫస్ట్ లుక్‌ను కూడా విడుదల చేశారు. టాలీవుడ్‌లో ప్రయోగాత్మక సినిమాలు చేసే హీరోల్లో నాగార్జున ముందు వరుసలో ఉంటారు. కమర్షియల్, ఆధ్యాత్మిక సినిమాలతో పాటు ‘గగనం’, ‘ఊపిరి’ వంటి కాన్సెప్ట్ ఓరియెంటెడ్ సినిమాలు కూడా చేశారాయన. ఇప్పుడు అలాంటి మరో సినిమాతో వస్తున్నారు కింగ్. Also Read: నాగార్జున టైటిల్ రోల్‌లో మ్యాట్నీ ఎంట‌ర్‌టైన్‌మెంట్ బ్యానర్‌పై అహిషోర్ సాల్మోన్ ద‌ర్శక‌త్వంలో రూపొందుతోన్న చిత్రం ‘వైల్డ్ డాగ్’. ఈ సినిమాలో డేర్ డెవిల్ ఎన్‌కౌంటర్ స్పెషలిస్ట్ ఏసీపీ విజయ్ వర్మ పాత్రలో నాగార్జున నటిస్తున్నారు. ఈ సినిమా ఫస్ట్ లుక్‌ను శుక్రవారం చిత్ర యూనిట్ విడుదల చేసింది. ఇప్పటికే తొలి షెడ్యూల్ పూర్తిచేసుకున్న ఈ సినిమా ఫస్ట్ లుక్ అంద‌రిలో ఆస‌క్తిని రేపుతోంది. అంతా కొత్తవాళ్లతో ఈ సినిమా చేస్తున్నట్టు నాగార్జున ట్విట్టర్‌లో పేర్కొన్నారు. ఈ సినిమా మేకింగ్ కూడా కొత్తగా ఉంటుందని అన్నారు. డిఫ‌రెంట్‌గా ఉన్న నాగార్జున లుక్ రీసెంట్‌గా జ‌రిగిన దిశ హంత‌కుల ఎన్‌కౌంట‌ర్‌ను గుర్తుకు తెచ్చేలా ఉంది. ఈ సినిమాలో నాగార్జున ఎన్‌.ఐ.ఎ ఆఫీస‌ర్‌గా కనిపించనున్నారని ఫస్ట్ లుక్‌లోని న్యూస్ పేప‌ర్ రిపోర్ట్ ఆధారంగా తెలుస్తుంది. అసిస్టెంట్ క‌మీష‌న‌ర్ ఆఫ్ పోలీస్ విజయ్ వ‌ర్మను పోలీస్ శాఖ‌లో అంద‌రూ వైల్డ్ డాగ్ అని పిలుస్తుంటారు. నిజ ఘ‌ట‌న‌ల‌ను ఆధారంగా చేసుకుని ఈ సినిమాను రూపొందిస్తున్నారు. నిరంజ‌న్ రెడ్డి, అన్వేష్ రెడ్డి ఈ చిత్రానికి నిర్మాతలు. కిర‌ణ్ కుమార్ డైలాగ్స్ రాశారు. షానియ‌ల్ డియో సినిమాటోగ్రఫీ అందిస్తున్నారు.
Comments
Post a Comment