ప్రతిరోజూ పండగే డిలీట్ సీన్ 2: పిసుకుడు డాక్టర్‌గా TNR , భద్రం మాత్రం అదే పనిలో..
‘ప్రతిరోజూ పండగే’ చిత్రంతో హిట్ అందుకున్నారు సుప్రీమ్ హీరో సాయి తేజ్. మారుతి దర్శకత్వంలో వచ్చిన ఈ చిత్రానికి మిక్స్డ్ టాక్ వచ్చినప్పటికీ ఫ్యామిలీ ఆడియన్స్‌ ఆదరించడంతో హిట్ లిస్ట్‌లో చేరి సాయి తేజ్ కెరియర్‌లో బెస్ట్ ఓపెనింగ్స్ రాబట్టింది. ఇక ఈ మూవీ ప్రమోషన్స్‌ను విడుదల తరువాత కూడా వేగవంతం చేశారు చిత్ర యూనిట్.. ప్రతిరోజూ పండగే సెలబ్రేషన్స్ నిర్వహిస్తూ సందడి చేస్తున్నారు. ఇక ఈ చిత్రంలోని డిలీట్ సీన్‌లను ఒక్కొక్కటిగా విడుదల చేస్తూ మరింత ఆసక్తిని రేకెత్తిస్తున్నారు. మంగళవారం నాడు సింక్ బ్రదర్స్ కాంబినేషన్ సీన్‌ను విడుదల చేయగా.. దానికి ఓ మోస్తరు స్పందన వచ్చింది. అయితే కొద్దిసేపటి క్రితం మరో సీన్‌ను విడుదల చేసింది చిత్ర యూనిట్. ఇందులో రావురమేష్, ఐ డ్రీమ్స్ టీఎన్ఆర్ కాంబినేషన్ సీన్ పొట్ట చెక్కలు చేస్తుంది. ఫస్ట్రేషన్‌తో బీపీ తెచ్చుకున్న రావురమేష్‌కి వైద్యం చేయడానికి వచ్చిన టీఎన్ఆర్‌కి హై ఫస్ట్రేషన్ అవ్వడం.. దాన్ని తగ్గించుకునేందుకు జేబులో స్మైలీ బాల్ పట్టుకుని పిసుక్కుంటూ ఉండటం.. ‘నాక్కూడా బీపీ ఉంది.. అందుకే జేబులో బాల్ పెట్టుకుని పిసుక్కుంటా’ అని చెప్పే సీన్ నవ్వులు పుట్టిస్తోంది. ఈ బీపీ డాక్టర్‌ని చూసి రావు రమేష్‌కి మరింత బీపీ పెరగడం.. వీళ్ల గొడవలో వీళ్లు ఉంటే.. పక్కనే కమెడియన్ భద్రం తన కొత్త భార్యతో సరసాలు ఆడుతూ కనిపించడం.. అతనిపైకి రావు రమేష్ బాల్ విసరడం పొట్ట చెక్కలు చేస్తుంది. మొత్తంగా యూట్యూబ్‌లో తన ఇంటర్వ్యూలతో సీరియస్‌గా కనిపించే టీఎన్ఆర్ ఈ సీన్‌తో తనలోని కమెడియన్‌ని బయటకు తీశారు. ఇంటర్వ్యూల మాదిరే.. సీన్ కూడా పేలింది కాని.. ఈ కొత్త కమెడియన్ ఎందుకు అనుకున్నారో ఏమో కాని ఈ సీన్‌కి బిగ్ స్క్రీన్‌పై కత్తెరేసి ఇదిగో ఇలా యూట్యూబ్‌లో విడుదల చేశారు. ఎలాగూ టీఎన్ఆర్‌కి యూట్యూబ్‌లో మంచి ఫాలోయింగ్ ఉంది కాబట్టి.. మంచి వ్యూస్ రాబడుతోంది ఈ డిలేటెడ్ కామెడీ సీన్.
Comments
Post a Comment