Priyanka హత్య: ‘సినిమాలోనే చంపలేకపోయా, అలాంటిది నిజంగా ఎలా చంపారు’

వెటర్నరీ డాక్టర్ ప్రియాంక రెడ్డి దారుణ హత్యతో తెలుగు రాష్ట్రాలు షాక్‌కు గురయ్యాయి. సాధారణ ప్రజలే కాదు సినీ ప్రముఖులు కూడా ఈ హీనమైన ఘటన పట్ల ఆవేదన వ్యక్తం చేస్తున్నారు. నిందితులకు ఉరిశిక్ష పడి తీరాల్సిందేనని డిమాండ్ చేస్తున్నారు. తాజాగా ఈ ఘటనపై ‘ఆర్ ఎక్స్ 100’ ఫేం స్పందించారు. తాను నటించిన ‘గుణ 369’ సినిమాలో ఓ అమ్మాయిపై చేయి వేసినందుకే నలుగురు యువకులను దారుణంగా చంపేస్తాడు. ఈ ఘటనను గుర్తుచేసుకుంటూ ఆయన ఓ ట్వీట్ పెట్టారు. ‘గుణ 369 సినిమాలో క్లైమాక్స్ సన్నివేశంలో నటిస్తున్నప్పుడే నాకు నాలుగైదు రోజులు చాలా డిస్టర్బింగ్‌గా ఉండేది. అలాంటిది నిజంగా అలాంటి ఘటన జరగడం మనం దాని గురించి ఏమీ చేయలేకపోవడం సిగ్గు చేటు. ప్రియాంక ఆత్మ ఎటూ శాంతించదు. అందుకే రెస్ట్ ఇన్ పీస్ సొసైటీ అనడం బెటర్. సారీ సిస్టర్ నిన్ను కాపాడుకోలేకపోయాం’ అని పేర్కొన్నారు. ‘గుణ 360’ సినిమాలో క్లైమాక్స్ సన్నివేశం దారుణంగా ఉంటుంది. ఓ ఆడపిల్లపై అఘాయిత్యం చేయాలని చూసిన దుండగులను కార్తికేయ దారుణంగా నరికేస్తుంటాడు. ఈ సన్నివేశం సినిమా మొత్తంలో హైలైట్‌గా నిలిచిందని చాలా మంది కామెంట్స్ చేశారు. చంపుతున్నట్లు నటించడానికే తనకు మనసే రాలేదంటే.. నిజంగా ఓ ఆడపిల్లను ఎలా చంపారు అని కార్తికేయ ఆవేదన వ్యక్తం చేశారు. ప్రియాంక కదలికలపై కన్నేసిన నిందితులు పక్కా ప్రణాళికతోనే ఈ అఘాయిత్యానికి ఒడిగట్టారు. స్కూటీ టైర్‌లో ఉద్దేశ పూర్వకంగానే గాలి తీసేసి పంక్చర్‌ అయినట్లు నమ్మించారు. పంక్చర్ చేయిస్తామంటూ మాయమాటలు చెప్పి నలుగురు వ్యక్తులు ఆమెను కిడ్నాప్ చేశారు.మొత్తానికి తెలంగాణ పోలీసులు ప్రియాంక రెడ్డి కేసును ఛేదించారు. దారుణానికి ఒడిగట్టిన నలుగురు వ్యక్తులను అదుపులోకి తీసుకుని విచారిస్తున్నారు.