వైరల్ వీడియో: బంగారు కోడిపెట్ట.. ఖుష్బూ, జయప్రదతో చిరు స్టెప్పులు

మెగాస్టార్ చిరంజీవి హీరోగా 1992లో వచ్చిన ‘ఘరానా మొగుడు’ సినిమాలోని ‘బంగారు కోడిపెట్ట’ సాంగ్ ఎంత ఫేమస్సో అందరికీ తెలిసిందే. ఇదే పాటను ‘మగధీర’లో రీమేక్ కూడా చేశారు. తన కెరీర్‌లో మంచి పాపులర్ సాంగ్ అయిన ‘బంగారు కోడిపెట్ట’కు ఇటీవల మెగాస్టార్ డ్యాన్స్ చేశారు. అది కూడా ఖుష్బూ, జయప్రద వంటి ఒకప్పటి టాప్ హీరోయిన్లతో కలిసి స్టెప్పులేశారు. ప్రస్తుతం ఈ వీడియో సోషల్ మీడియాలో వైరల్ అవుతోంది. ఇటీవల చిరంజీవి ఇంట్లో 80ల తారల గెట్ టుగెదర్ జరిగిన సంగతి తెలిసిందే. ఎన‌భైల‌ నాటి తార‌లంతా ‘క్లాస్ ఆఫ్ ఎయిటీస్’ పేరుతో ప్రతియేటా వార్షికోత్సవ వేడుక‌లు జ‌రుపుకుంటున్నారు. గ‌తంలో రకరకాల ప్రదేశాల్లో ఈ మీటింగ్ పార్టీ చేసుకున్నారు. ఈసారి ప‌దో వార్షికోత్సవ పార్టీ కావడంతో మెగాస్టార్ చిరంజీవి స్వయంగా ఈ కార్యక్రమానికి రూప‌క‌ల్పన చేశారు. అంతేకాకుండా హైదరాబాద్‌లోని జూబ్లీ హిల్స్‌లో కొత్తగా నిర్మించుకున్న తన ఇంట్లో ఈ వేడుకలు జరిపారు. Also Read: ఈనెల 23, 24వ తేదీల్లో జరిగిన ఈ వేడుకల్లో టాలీవుడ్, కోలీవుడ్, మాలీవుడ్, శాండిల్‌వుడ్, బాలీవుడ్‌ నుంచి 40 మంది తారలు పాల్గొన్నారు. వీరంతా ఈ వేడుకల్లో బాగా ఎంజాయ్ చేశారు. తన మిత్రుల కోసం చిరంజీవి రకరకాల ఎంటర్‌టైన్మెంట్ ప్రోగ్రామ్స్ ప్లాన్ చేశారు. వాటిలో ఈ డ్యాన్స్ ప్రోగ్రాం ఒకటి. బంగారు కోడిపెట్ట పాటకు చిరంజీవి, ఖుష్బూ డ్యాన్స్ ఇరగదీశారు. 60 ఏళ్లు దాటినా మెగాస్టార్‌లో ఇంకా అదే జోష్. మధ్యలో జయప్రద కూడా వచ్చి చేరి చిరు‌తో కాలు కదిపారు.