Ismart Shankar: వంటలక్క దెబ్బకి ‘ఇస్మార్ట్ శంకర్‌’ దిమాక్ ఖరాబ్

బుల్లితెర బాహుబలిగా మారింది ‘కార్తీకదీపం’ సీరియల్. టీవీ చరిత్రలోనే కనీవినీ ఎరుగని రేటింగ్స్‌తో బుల్లితెరను షేక్ చేస్తుంది. చిన్నా, పెద్దా, ఆడా, మడా అందరూ కూడా రాత్రి 7:30 అయ్యిందంటే టీవీలకు అతుక్కుపోయేలో చేస్తుంది కార్తీకదీపంలోకి వంటలక్క. వంటలక్క విశ్వరూపానికి మిగతా సీరియల్స్ ఏవీ దరిదాపుల్లో కూడా లేకపోగా.. 18.36 టీవీఆర్ రేటింగ్‌తో బుల్లితెరపై సరికొత్త రేటింగ్ రికార్డుల్ని నమోదు చేసింది. ఓవరాల్‌గా ఈ సీరియల్‌కి 15.44 వీవీఆర్ రేటింగ్ తగ్గడంలేదంటే వంటలక్క హవా ఏ రేంజ్‌లో ఉందో అర్ధం చేసుకోవచ్చు. జబర్దస్త్, బిగ్ బాస్ వంటి ప్రేక్షకాదరణ ఉన్న కార్యక్రమాలు సైతం ముందు తేలిపోయాయి. ఇక ఈ వంటలక్క హవాను తట్టుకోవడం స్టార్ హీరోల వల్ల కూడా కావడంలేదు. ఆసక్తికరమైన విషయం ఏంటంటే.. పూరీ జగన్నాథ్ దర్శకత్వం వహించిన ‘ఇస్మార్ట్ శంకర్’ సినిమా అక్టోబర్ 13న జీ తెలుగు, జీ తెలుగు హెచ్ డీ ఛానెల్స్‌లో ప్రసారమైంది. రామ్, నిధి అగర్వాల్, నభా నటేష్ హీరో హీరోయిన్లుగా నటించిన ఈ సినిమా రామ్ కెరియర్‌లోనే బిగ్గెస్ట్ బ్లాక్ బస్టర్ హిట్‌గా నిలిచింది. తాజాగా వరల్డ్ టెలివిజన్ ప్రీమియర్‌గా జీ తెలుగు ఛానెల్‌లో ప్రసారమైన ఈ సినిమాకు 16.63 (అర్బన్) టీవీఆర్ రేటింగ్ వచ్చింది. జీ స్మాల్ స్క్రీన్‌‌పై అత్యధిక టీవీఆర్ సాధించి సంచలనం సృష్టించింది ఇస్మార్ట్ శంకర్. అయితే కార్తీకదీపం సీరియల్ అదే రోజు 18.36 టీవీఆర్ రేటింగ్ సాధించి ఇస్మార్ట్ శంకర్ దిమాక్‌ని కరాబ్ చేసింది. ఇక బార్క్ రేటింగ్‌లోనూ కార్తీకదీపం సీరియల్ టాప్‌లో ఉంది. 42వ వారానికి సంబంధించి అక్టోబర్ 12-18 వరకూ వంటలక్క హవాతో స్టార్ మా 740705 పాయింట్లుతో టాప్ ప్లేస్‌లో ఉంది. 459946 పాయింట్లతో రెండో స్థానానికి పరిమితం అయ్యింది జీ తెలుగు. అదే వారంలో ‘ఇస్మార్ట్ శంకర్’ సినిమా ప్రసారమైనా ‘కార్తీకదీపం’ సీరియల్ ముందు తేలిపోయింది. దీపక్కకు జేజేలు.. కార్తీకదీపం సీరియల్‌ను ఒంటి చేత్తూ టాప్‌లో నిలిపుతోంది వంటలక్క (దీప) నల్లటి ఛాయలో డీగ్లామరస్‌గా కనిపించే దీప (వంటలక్క)కు ప్రేక్షకులు నీరాజనం పలుకుతున్నారు. స్వచ్ఛమైన మనసు, స్వార్థం తెలియని మాటతీరు, తనని తాను తగ్గించుకోలేని ఆత్మాభిమానం ఈ కథలోని కథానాయిక దీప (ప్రేమి విశ్వనాథ్) క్యారెక్టర్‌. ఈ సీరియల్‌లో దీప క్యారెక్టర్‌ను పోషించిన ప్రేమి విశ్వనాథ్‌కు ప్రేక్షకులు బ్రహ్మరథం పట్టారు. ఆత్మాభిమానమే వ్యక్తిత్వంగా బతికే ఓ అమ్మాయి కథే ఈ ‘కార్తీకదీపం’. Read Also: