`అర్జున్‌ రెడ్డి తరువాత విజయ్‌ చేయాల్సిన సినిమా ఇది`

పెళ్లిచూపులు సినిమాతో దర్శకుడిగా పరిచయం అయిన తరుణ్‌ భాస్కర్‌ హీరోగా పరిచయం అవుతున్నాడు. షమ్మీర్‌ సుల్తాన్‌ దర్శకత్వంలో నిర్మించిన ‘మీకు మాత్రమే చెప్తా’ సినిమాతో హీరోగా ఎంట్రీ ఇస్తున్నాడు. నవంబర్‌ 1న ప్రేక్షకుల ముందుకు వచ్చేందుకు రెడీ అవుతున్న ఈ సినిమా విశేషాలను అభినవ గోమటం మీడియాతో పంచుకున్నారు. తరుణ్‌తో నా అనుబంధం అలాంటిది `నేను పుట్టి పెరిగింది అంతా హైదరాబాద్ లోనే, సినిమాలంటే ఆసక్తితో మొదట థియేటర్ ఆర్టిస్ట్‌గా చేశాను తరువాత సినిమాల్లోకి వచ్చాను. నేను నటించిన ఈ నగరానికి ఏమైంది బాగా సక్సెస్ కావడమే కాకుండా నా పాత్రకు మంచి గుర్తింపు లభించింది. యస్ సినిమా తరువాత కొన్ని చిత్రాల్లో నటించాను. డైరెక్టర్ తరుణ్ భాస్కర్ సినిమాలో చెయ్యమని ఆడినప్పుడు వెంటనే ఒప్పుకున్నాను. తరుణ్‌తో నా అనుబంధం అలాంటిది. Also Read: అర్జున్‌ రెడ్డి తరువాత విజయ్‌ చేయాల్సిన సినిమా ఇది మీకు మాత్రమే చెప్తా డైరెక్టర్ షమ్మీర్‌ సుల్తాన్‌ ఈ సినిమా కాన్సెప్ట్ మొదట విజయ్‌కు చెప్పాడు, అప్పటికి అర్జున్ రెడ్డి విడుదల కాలేదు. అర్జున్ రెడ్డి విడుదల తరువాత విజయ్ చేద్దాం అనుకున్న ప్రాజెక్ట్ ఇది, కానీ అర్జున్ రెడ్డి విజయ్ కెరీర్‌ను పూర్తిగా మార్చేసింది. అందుకే విజయ్ ఈ సినిమాలో యాక్ట్ చేయకుండా ప్రొడ్యూస్ చేశాడు, తరుణ్ భాస్కర్ ఈ చిత్రంలో నటించాడు. షూటింగ్ టైమ్‌లో తరుణ్‌లోని ఇంకో స్కిల్ బయటపడింది, అతనికి డైరెక్షన్ స్కిల్స్‌తో పాటు యాక్టింగ్ స్కిల్స్ ఉన్నాయని తెలియడంతో ఆయనే ఈ సినిమాలో హీరోగా నటించాడు. ముందు వేరే టైటిల్‌ అనుకున్నాం ఈ చిత్రానికి మొదట ఎవరికి చెపొద్దు అనే టైటిల్ అనుకున్నాం. కానీ ఆ టైటిల్‌తో మరో సినిమా విడుదలకు సిద్దంగా ఉండడంతో మేము మీకు మాత్రమే చెప్తా అనే టైటిల్ ఫిక్స్‌ చేశాం. టైటిల్‌కు అందరి నుండి పాజిటివ్ రెస్పాన్స్ లభించింది. సినిమా 2 గంటల 4 నిమిషాలు ఉంటుంది, ఎక్కడా బోర్ లేకుండా డైరెక్టర్ షమ్మీర్‌ సుల్తాన్‌ గ్రిప్పింగ్ స్క్రీన్ ప్లే తో సినిమాను తెరకెక్కించాడు. Also Read: ఆడియన్స్ థ్రిల్ అయ్యే అంశాలు చాలా ఉన్నాయి మొబైల్ వాడకం ఇప్పుడు ఉన్న జనరేషన్ లో అందరూ చేస్తున్న పని. ఆ మొబైల్ వాడకం వల్ల మా సినిమాలో క్యారెక్టర్స్ ఎలా ఇబ్బందులు పడ్డారు అనే విషయాన్ని ఎంటర్టైన్ పద్దతిలో చెప్పడం జరుగింది. ఆడియన్స్ కు బాగా కనెక్ట్ అయ్యే సబ్జెక్ట్ ఇది. ట్రైలర్ లో మేము కొంతే చూపించాము. సినిమాలో ఆడియన్స్ థ్రిల్ అయ్యే అంశాలు చాలా ఉంటాయి. నెక్ట్స్‌ ప్రాజెక్ట్స్‌ నితిన్ రంగ్ దే, జయంత్ సి పరాంజీ గారి సినిమాతో పాటు హీరో సుశాంత్ సినిమాలో నటిస్తున్నాను. నాకు, ఒకే తరహా పాత్రలు చెయ్యడం ఇష్టం ఉండదు, అన్ని రకాల పాత్రలు చెయ్యాలని ఉంటుంది. భవిషత్తులో మరిన్ని మంచి పాత్రలతో ప్రేక్షకులను ఎంటర్‌టైన్‌ చెయ్యాలనేదే నా కోరిక. Also Read: