Sudigali Sudheer: రేణు దేశాయ్ సాక్షిగా.. రష్మికోసం సుధీర్ ఐదేళ్లు కాదు, ఐదొందల ఏళ్లైనా ఆగుతాడట!

బుల్లితెరపై , కెమిస్ట్రీ గురించి చెప్పాలంటే అదో పెద్ద ‘అంతరంగాలు’ సీరియల్ అవుతుంది. జబర్దస్త్ కామెడీ షో అయినా, ఢీ అయినా వేరే ఇతర స్పెషల్ కార్యక్రమాలేవైనా.. ఈ ఇద్దరూ కలిశారంటే పంచ్‌లు పేలిపోవాల్సిందే. ఇక ఈ ఇద్దరి మధ్య తెరవెనుక ఏం కథ నడుస్తోందో తెలియదు కాని.. ఆన్ స్క్రీన్‌పై మాత్రం ప్రేమ పావరాలు మాదిరే జీవిస్తారు. లవ్, రొమాన్స్ విషయాల్లో వీళ్ల పెర్ఫామెన్స్ పీక్స్‌లో ఉంటుంది. రష్మికి పులిహోర కలిపే పనిలో సుధీర్ ఎప్పుడూ బిజీగా ఉంటే.. అతన్ని ఆటపట్టిస్తూ ఇష్టం ఉండీ లేనట్టుగా రష్మి పోజుకొడుతూ ప్రేక్షకుల్ని ఎంటర్‌టైన్ చేస్తుంటుంది. ఇక ఈ ఇద్దరి మధ్య కెమిస్ట్రీని బేస్ చేసుకునే స్కిట్‌లు ఉంటాయి. వీటిలో చాలావరకూ.. రష్మికి సుధీర్ ప్రపోజ్ చేయడం.. ఆమెతో రొమాన్స్ చేయడం.. ఓ బ్యూటిఫుల్ మెలోడీ లవ్ సాంగ్‌కి స్టెప్పులు వేయడం.. ఒకరి కళ్లలో ఒకరు చూసుకుంటూ ప్రేమ మైకంలో తేలిపోవడం.. పెళ్లి పీటలు కూడా ఎక్కేయడం లాంటివి చూస్తూనే ఉన్నాం. తాజాగా ఈ ఇద్దరూ టీం లీడర్స్‌గా చేస్తున్న ‘ఢీ’ సీజన్ 12కి సంబంధించిన ప్రోమోను రిలీజ్ చేశారు. ఇందులో కూడా రష్మి, సుధీర్ లవ్ ట్రాక్‌ని హైలైట్ చేశారు. ఇందులో పవన్ మాజీ భార్య, హీరోయిన్ రేణు దేశాయ్ ఎంట్రీ అదనపు ఆకర్షణ. ఢీ 12 సీజన్‌కి రేణు దేశాయ్‌ని శేఖర్ మాస్టర్‌తో పాటు జడ్జ్‌గా ఆహ్వానిస్తూ తనదైన శైలి హోస్టింగ్‌తో ఆకట్టుకున్నాడు యాంకర్ ప్రదీప్. అనంతరం ‘చిందేస్తూ మందెయ్ రా’ అనే పాటకు డాన్సర్‌లు డాన్స్ చేస్తూ.. సుధీర్‌ని తీసుకువచ్చి.. ‘ఎప్పుడో చెప్పడం కాదు.. ఇప్పుడు ప్రపోజ్ చేయి రష్మికి ఎందుకు ఒప్పుకోదో నేనూ చూస్తా’ అని డాన్సర్ అనగా.. బ్యాగ్రౌండ్‌లో ‘కన్నుల్లోని రూపమే సాంగ్ ప్లే’ కావడం.. రష్మి సిగ్గుమొగ్గలేయడం ఫన్నీగా చూపించారు. ‘నువ్ ఊ అనకముందే ఐదు సంవత్సరాలనుండి ఆగుతున్నాడు.. నువ్ ఊ అంటే నీకోసం ఐదొందల సంవత్సరాలైనా ఆగుతాడు. అందరూ అనుకునేట్టుగా సుధీర్ జూబ్లీహిల్స్ చెక్ పోస్ట్ దగ్గర ఆగేది ఎవరికోసమే కాదు.. నీ కోసమే. నీ కోటి చెప్పనా ప్రపంచంలో జన్యున్‌గా ఉండేది తాగుబోతులు ఒక్కరే.. అలాగే మా సుధీర్ కూడా ఒక్కడే’ అంటూ సుధీర్, రష్మిలను ఏకం చేయడానికి తాగుబోతు డాన్సర్ సినిమా డైలాగ్‌లు చెప్పగా.. రష్మి, సుధీర్‌లు తెగ సిగ్గుపడిపోయారు. ఇక ఓ ముద్దు పెట్టవే జిగేల్ రాణి సాంగ్‌కు నడుమును బొంగరంలా తిప్పుతూ ఢీ స్టేజ్‌ని షేక్ చేస్తోంది మరో డాన్సర్. మొత్తానికి రష్మి, సుధీర్, ప్రదీప్, శేఖర్ మాస్టార్, రేణు దేశాయ్ ఫన్నీ ఫన్నీ పంచ్‌లతో పాటు అదిరిపోయే డాన్స్ పెర్ఫామెన్స్ కూడా ఇందులో ఉంది. ఈ ప్రోమో చూడటం కోసం లింక్ క్లిక్ చేయండి.