Pawan Kalyan: ఆ..అ..ఆరేళ్ళక్రితం అత్తారింటికి దారేది ?

పవన్ కళ్యాణ్ అనే పదానికి తెలుగులో మామూలు క్రేజ్ లేదు. అందుకే కనీసం కనెక్ట్ అయ్యే కంటెంట్ ఉన్నా కూడా బొమ్మ బ్లాక్ బస్టర్ అనేస్తారు. అయితే ఖుషి తరువాత మళ్ళీ హిట్ కొట్టడానికి పదేళ్లకు పైగానే టైమ్ పట్టింది పవన్ కళ్యాణ్‌కి. కానీ గబ్బర్ సింగ్‌తో ఇండస్ట్రీ హిట్ కొట్టిన పవన్ మళ్ళీ మరుసటి సంవత్సరంలోనే దాన్ని మరొక సినిమాతో బ్రేక్ చేసాడు. గబ్బర్ సింగ్ రికార్డ్స్‌ని తిరరాసిన ఆ సినిమానే అత్తారింటికి దారేది. మాటలమాంత్రికుడు ఒక పక్క పవన్ ఇమేజ్‌ని పడిపోకుండా మైంటైన్ చేస్తూనే మరోపక్క అదిరిపోయే ఎమోషన్స్‌ని మిక్స్ చేసి అత్తారింటికి దారేది అనే సినిమాని తీర్చిదిద్దాడు. Also Read: అయితే ఆ సినిమా నిర్మాణం పూర్తయింది. కానీ అప్పుడు తెలుగు రాష్ట్రాల్లో నడుస్తున్న కొన్ని వివాదాల కారణంగా ఆ సినిమా విడుదల కూడా నిరవధికంగా వాయిదా పడింది. ఒక పక్క ఆ సినిమాకి మంచి బజ్ ఉంది. సరిగ్గా అలాంటి టైమ్ ఆ సినిమా పైరసీ బైటకి వచ్చింది. 55 కోట్ల ఖర్చుతో నిర్మించిన భారీ సినిమా థియేటర్‌లో ఒక్క షో కూడా పడకుండా ముందే సి.డి ల్లో బయటకి వస్తే ఆ సినిమాని తీసిన నిర్మాత పరిస్థితి ఏంటి?. అందుకే ఏదైతే అది అయ్యింది అని ధైర్యంగా సినిమాని రిలీజ్ చేసేసారు. మార్నింగ్ షో పడగానే అర్ధమైపోయింది బొమ్మ బ్లాక్ బస్టర్ అని. అప్పట్లో ప్రేక్షకులు చాలామంది చాలా మెచ్యూర్డ్‌గా ఆలోచించారు. ఆ సినిమాని థియేటర్స్‌లోనే చూస్తాం అని పైరసీని పక్కనబెట్టారు. Also Read: 2013 సెప్టెంబర్ 27న ప్రపంచవ్యాప్తంగా రిలీజ్ అయిన అత్తారింటికి దారేది సంచలన విజయం అందుకుంది. 175 నిమిషాల నిడివితో తెరకెక్కిన ఈ సినిమా టాలీవుడ్‌లో అప్పటివరకు ఉన్న రికార్డ్స్ బ్రేక్ చేసింది అనేకంటే కూడా కొత్త రికార్డ్స్ క్రియేట్ చేసింది అంటే బావుంటుంది. ఆ సినిమాలో త్రివిక్రమ్ ట్రై చేసిన ప్రతి ఒక్క ఎలిమెంట్ కూడా వర్క్ అవుట్ అయ్యింది. ఇక క్లైమాక్స్‌లో వచ్చే రైల్వే స్టేషన్ సీన్‌తో సినిమా చూస్తున్నవాళ్లందరికి కంటతడి పెట్టించేసారు పవన్ కళ్యాణ్ అండ్ త్రివిక్రమ్. ఆ సీన్ ఇప్పటికి, ఎప్పటికి కూడా ఎవర్ గ్రీన్ అని చెప్పుకోవాలి. అత్త అంటే అమ్మ తరువాత మళ్ళీ అమ్మ అని ఆ సినిమాలో ఇచ్చిన మెసేజ్ అందరికి బాగా కనెక్ట్ అయ్యింది. Also Read: ఆ సినిమా హిట్‌ మిగిలిన సినిమాలకు కూడా జోష్ ఇచ్చింది. ఫుల్ రన్‌తో పాటు అన్ని హక్కులు కలుపుకుని 100 కోట్లపైగా నికర ఆదాయం అందించిన సినిమా అది. ఆ సినిమా వచ్చిన ఈరోజుకి సరిగ్గా ఆరు సంవత్సరాలు పూర్తయింది. బహుబలి సినిమా వచ్చేవరకు కూడా అత్యధిక కలెక్షన్స్ రికార్డ్ ఆ సినిమా పేరుతోనే ఉండేది. అలాంటి హిట్ సినిమా రిలీజ్ అయిన ఈ రోజుని పవన్ ఫ్యాన్స్ స్పెషల్‌గా సెలెబ్రేట్ చేసుకుంటున్నారు.