Jabardasth ట్విస్ట్: ‘రోజాకి జగన్ వార్నింగ్’.. పులిహోర బాగా కలిపారే

చిక్కుల్లో ఎమ్మెల్యే .. స్వీట్ వార్నింగ్.. ఎటూ తేల్చుకోలేక డైలామాలో ఉన్న రోజా.. ఇవీ గత రెండు రోజులుగా సోషల్ మీడియాలో వస్తున్న వార్తలు. ఇంతకీ రోజాపై జగన్ సీరియస్ కావడానికి కారణం ఏంటంటే.. ఆమె కామెడీ షోకి జడ్జ్‌గా వ్యవహరించమే అనేది ఆ వార్తల్లోని సారాంశం. ఇంతకీ నిజంగానే జగన్ రోజాపై సీరియస్ అయ్యారా? జబర్దస్త్ కామెడీ షోనా.. లేక ఎమ్మెల్యేగా ఫుల్ టైం పనిచేయడమో తేల్చుకోవాలని హుకుం జారీచేశారా అంటే.. ఇవన్నీ వట్టి పుకార్లే అంటూ కొట్టిపారేస్తున్నారు రోజా. అసలు తమ మధ్య జబర్దస్త్, ఇతర అంశాల ప్రస్తావనే రాలేదంటూ క్లారిటీ ఇచ్చారు రోజా. వైసీపీ పార్టీ అధికారంలోకి వచ్చిన తరువాత జగన్ వ్యూహాత్మకంగా అడుగులు వేస్తూ.. మంత్రులు, ఎమ్మెల్యేలు, ఎంపీల పనితీరుపై ఎప్పటికప్పుడు ఇంటెలిజెన్స్ నివేదికలు తెప్పించుకుంటున్న విషయం తెలిసిందే. అయితే నగరి ఎమ్మెల్యేగా, ఏపీఐఐసీచైర్ పర్సన్‌గా విధులు నిర్వహిస్తున్న రోజా.. బుల్లితెరపై జబర్దస్త్ కామెడీ షోకి జడ్జ్‌గా వ్యవహరిస్తున్నారు కూడా. అయితే అటు జబర్దస్త్ షో, ఇటు ఏపీఐఐసీ చైర్మన్‌గా రెండు బండ్ల మీద ప్రయాణం ఇక సాగదని ఇందులో ఏదో ఒకటి డిసైడ్ చేసుకోవాలని జగన్.. రోజాను హెచ్చరించినట్టుగా వార్తలు షికారు చేశాయి. దీంతో ఇక జబర్దస్త్ షోకి రోజా గుడ్ బై చెప్పేస్తున్నారంటు కూడా వార్తలు వచ్చాయి. అయితే ఇవన్నీ కేవలం పుకార్లు మాత్రమే అని రూమర్స్‌కి చెక్ పెట్టారు రోజా. నిజానికి వైసీపీలోనే కాదు.. ఇతర పార్టీల్లోనూ ఎమ్మెల్యేలు, ఎంపీలు, మంత్రులు, ఇతర కీలక పదవుల్లో ఉన్న ముఖ్య నాయకులు కూడా ప్రత్యక్ష రాజకీయాల్లో ఉంటూనే బిజినెస్‌లను చూసుకుంటున్నారు. అంతెందుకు నందమూరి బాలక్రిష్ణ కూడా ఒకవైపు ఎమ్మెల్యేగా ఉంటూనే సినిమాలను చేసుకుంటున్నారు. వీరెవరికి రాని ఇబ్బంది రోజా విషయంలోనే ఎందుకు వస్తుందో తెలియడం లేదనేది జబర్దస్త్ రోజా మద్దతుదారుల వాదన. ఇదిలా ఉంటే.. ఏపీఐఐసీ చైర్మన్‌గా రోజా దూకుడు చూపిస్తున్నారు. బాధ్యతలు స్వీకరించిన తర్వాత తొలిసారి రెండు కొత్త కంపెనీలకు శంకుస్థాపన చేశారు. ‘ప్రపంచ ప్రఖ్యాత కంపెనీ TCL ఆంధ్ర ప్రదేశ్‌లో 2,200 కోట్లతో తిరుపతిలో రెండు కంపెనీలు స్థాపించేందుకు ముందుకు వచ్చింది. జగనన్న ఆశీస్సులతో APIIC ఛైర్మన్‌గా బాధ్యతలు స్వీకరించాక మొట్ట మొదటి ప్రాజెక్ట్ కు భూమి పూజ చేయడం సంతోషంగా ఉంది’ అంటూ ఏపీ సీఎం జగన్‌కి ధన్యవాదాలు తెలుపుతూ ట్వీట్ చేశారు రోజా.