పూరి హీరోయిన్ పిచ్చ హాట్.. కుర్రాళ్లకు పండగే!

డాషింగ్ డైరెక్టర్ పూరి జగన్నాథ్ సినిమాల్లో హీరోయిన్లు చాలా హాట్‌గా ఉంటారు. ఆయన గత చిత్రాలు చూస్తే ఈ విషయం ఎవ్వరికైనా అర్థమవుతుంది. తెలుగు కుర్రాళ్ల గుండెల్ని కొల్లగొట్టే అమ్మాయిల్ని వెతికిపట్టుకొని వాళ్లను హీరోయిన్లుగా పరిచయం చేయడంలో పూరి దిట్ట. రక్షిత, అయేషా టకియా, హన్సిక, నేహా శర్మ, దిశా పటాని ఇలా చాలా మంది హాట్ హీరోయిన్లను తెలుగు ప్రేక్షకులకు ఆయన పరిచయం చేశారు. ఇప్పుడు మరో హాట్ బ్యూటీని పరిచయం చేయబోతున్నారు. పూరి జగన్నాథ్ కుమారుడు ఆకాశ్ పూరి హీరోగా తెరకెక్కుతోన్న రెండో చిత్రం ‘రొమాంటిక్’. పూరి జగన్నాథ్ టూరింగ్ టాకీస్, పూరి కనెక్ట్స్ బ్యానర్లపై పూరి జగన్నాథ్, ఛార్మి సంయుక్తంగా నిర్మిస్తున్నారు. ఈ చిత్రానికి కథ, స్క్రీన్‌ప్లే, మాటలను పూరి జగన్నాథ్ అందిస్తున్నారు. అనిల్ పాదూరి దర్శకత్వం వహిస్తున్నారు. ఆయనకు ఇదే తొలి చిత్రం. అందమైన ప్రేమకథా చిత్రంగా తెరకెక్కుతోన్న ‘రొమాంటిక్’ షూటింగ్ పూర్తిచేసుకుని పోస్ట్ ప్రొడక్షన్ పనులు జరుపుకుంటోంది. రేపు ఈ చిత్ర ఫస్ట్ లుక్‌ను విడుదల చేస్తున్నారు. ఇదిలా ఉంటే, ఈ సినిమా ద్వారా ఢిల్లీకి చెందిన మోడల్ కేతికా శర్మను హీరోయిన్‌గా పరిచయం చేస్తున్నారు. కేతికాకు ఇదే తొలి సినిమా అయినా.. సోషల్ మీడియాలో ఈ బ్యూటీకి బోలెడంత ఫాలోయింగ్. ఎప్పుడూ హాట్ హాట్ ఫొటోలను ఇన్‌స్టాగ్రామ్‌లో పోస్ట్ చేస్తూ ఉంటుంది. ఇన్‌స్టాలో ఈమెకు 1.6 మిలియన్ ఫాలోవర్లు ఉన్నారంటే ఈమె క్రేజ్ ఎలా ఉందో అర్థం చేసుకోవచ్చు. అందాలను తెగ ఆరబోస్తూ ఫొటోషూట్లు చేస్తూ ఉంటుంది. ఇంత హాట్ బ్యూటీని వెతికిపట్టుకుని తన కొడుకు పక్కన హీరోయిన్‌ను చేసేశారు పూరి. ఇన్‌స్టాగ్రామ్‌లోనే రెచ్చిపోతోన్న ఈ 23 ఏళ్ల అమ్మాయి ఇక వెండితెరపై ఆగుతుందా.. అందాల ఆరబోత ఖాయం. ఇంకేముంది, మన కుర్రాళ్లకు పండగే. సోమవారం ఈ చిత్రం ఫస్ట్ లుక్ విడుదల కాబోతోంది. ఈ ఫస్ట్‌ లుక్‌లో కచ్చితంగా హీరోహీరోయిన్లను చూపిస్తున్నారు. ఎందుకంటే, ఆదివారం విడుదలైన ప్రీ లుక్‌లో ఆకాశ్ భుజాలపై కేతికా శర్మ కూర్చున్న లుక్‌ను వెనుక నుంచి చూపించారు. రేపు వీళ్లిద్దరినీ ముందు నుంచి చూపించే అవకాశం ఉంది. ఏదేమైనా తన ఖాతాలో మరో హ్యాట్ బ్యూటీని వేసేసుకున్నారు పూరి.