KGF 2: కన్నడ స్టార్ యశ్‌కు షాక్

బ్లాక్ బస్టర్ విజయం అందుకు ‘కేజీఎఫ్’ సినిమాకు సీక్వెల్ రాబోతున్న చిత్రం ‘కేజీఎఫ్ చాప్టర్ 2’. కర్ణాటకలోని సెనైడ్ హిల్స్ ప్రాంతంలో ఈ సినిమా చిత్రీకరణ జరుగుతోంది. షూట్ కోసం భారీ సెట్‌ను ఏర్పాటుచేశారు. అయితే ఈ సినిమా చిత్రీకరణ కారణంగా వాతావరణం కాలుష్యం అవుతోందంటూ శ్రీనివాస్ అనే వ్యక్తి స్థానిక జేఎంఎఫ్‌సీ (జుడిషియల్ మెజిస్ట్రేట్ ఫస్ట్ క్లాస్) న్యాయస్థానంలో పిటిషన్ వేశారు. కేసును పరిశీలించిన న్యాయస్థానం వెంటనే చిత్రీకరణ నిలిపివేయాల్సిందిగా నోటీసులు జారీ చేసింది. దీనిపై చిత్రబృందం స్పందించాల్సి ఉంది. 2021 వేసవిలో సినిమాను ప్రేక్షకుల ముందుకు తీసుకువచ్చేందుకు సన్నాహాలు జరుగుతున్నాయి. ఈ చిత్రంలో బాలీవుడ్ నటుడు సంజయ్ దత్ అధీరా అనే కీలక పాత్రలో నటిస్తున్నారు. సినిమా గురించి సంజయ్ మాట్లాడుతూ.. ‘అధీరా సినిమాలో చాలా పవర్‌ఫుల్ క్యారెక్టర్. ‘అవెంజర్స్’ సినిమాలో థానోస్ ఎంత పవర్‌ఫుల్లో నా పాత్ర కూడా అలాగే ఉంటుంది. చాలా కాలంగా ఇలాంటి పాత్ర కోసమే ఎదురుస్తున్నాను’ అని వెల్లడించారు. అయితే కేజీఎఫ్ చాప్టర్ 1 చిత్రీకరణ కూడా కర్ణాటకలోని కోలార్ గోల్డ్ ఫీల్డ్స్ల్‌లోనే జరిగింది. అప్పుడు రాని సమస్య ఇప్పుడు ఎందుకు వచ్చిందో అర్ధంకావడంలేదు. చూడబోతే యశ్‌పై కుట్ర పన్నేందకే ఇలా చేయిస్తున్నారని కోలీవుడ్ వర్గాలు అంటున్నాయి.